Hüseynbala Ağaverdiyev

Vikipediya, açıq ensiklopediya
Jump to navigation Jump to search
Hüseynbala Ağaverdiyev
Hüseynbala Ağaverdiyev Ağaverdi oğlu
Hüseynbala Ağaverdiyev.png
bayraqXalq Yerli Sənaye komissarıbayraq
 — Sadıq Rəhimov
bayraqAzərbaycan SSR XKS sədrinin müavinibayraq
bayraqAzneft Birliyi rəisinin müavinibayraq
1929 — 1934
bayraqAzərbaycan SSR XTŞ-sədribayraq
1927 — 1929
bayraqAzərbaycan SSR KP MK-nın I həmkatibibayraq
21 yanvar 1926 — 1927[1]
Sələfi Ruhulla Axundov
Xələfi Nikolay Gikalo
bayraqMədən Fəhlələri Həmkarlar İttifaqı Mərkəzi İdarə Heyyətinin sədrinin müavinibayraq
1922 — 1926

Doğum tarixi 1888(1888-Şablondakı doğum və ya ölüm tarixində texniki yanlışlıq var!-00)
Doğum yeri KürdəxanıRusiya İmperiyası
Vəfat tarixi 3 oktyabr 1937(1937-10-03)
Həyat yoldaşı Xədicəxanım Ağaverdiyeva Xudaverdi qızı

Hüseynbala Ağaverdiyev Ağaverdi oğlu — Azərbaycanlı inqilabçı, dövlət xadimi.

Həyatı[redaktə | əsas redaktə]

1888-ci ildə Bakının Kürdəxanı qəsəbəsində doğulmuşdur. 1901-ci ildə atasının ölümündən sonra Balaxanıda alman milyoner Riderlin mədənlərində işləməyə başlayıb. 1917-ci ilin əvvəllərindən fəhlə hərəkatına qoşulmuş, Binəqədidə fəhlələr arasında inqilabi iş aparmışdır. Həmin ilin may ayında isə bolşevik hərəkatına qoşulmuşdur. Azərbaycanda sovet hakimiyyətinin qələbəsindən sonra Binəqədi RİK tərkibinə daxil olmuşdur. 1922-26-cı illərdə respublika Mədən Fəhlələri Həmkarlar İttifaqı Mərkəzi İdarə Heyyətinin sədrinin müavini olmuşdur. 1926-cı ildə Azərbaycan Kommunist Partiyasının birinci katibi vəzifəsinin icrası Əliheydər Qarayev, Hüseynbala Ağaverdiyev və Levon Mirzoyandan ibarət katibliyə həvalə edilmişdi.[2]1927-29-cu illərdə Azərbaycan SSR XTŞ-sədri, 1929-34-cü illərdə Azneft Birliyi rəisinin müavini işləmişdir. 1933-cü ildə ABŞa işgüzar səfər etmişdir. 1935-ci illərdən Azərbaycan SSR XKS sədrinin müavini, həmçinin Xalq Yerli Sənaye komissarı vəzifəsində çalışmışdır. 1934-cü ildə Zaqafqaziya partiya təşkilatlarının VII qurultayında ÜİK(b) Zaqafqaziya Ölkə Komitəsinə, 1935-cü ildə isə Zaqafqaziya mərkəzi icraiyyə komitəsinə üzv seçilib.

Ölümü[redaktə | əsas redaktə]

17 iyul 1937-ci ildə "Trotski-Zinovyevçi əksinqilabi təşkilatın fəaliyyətində iştirak" etməyə görə həbs edilmiş, 766-cı əmrlə I kateqoriya ilə güllələnməyə məhkum olunmuşdur. 3 oktyabr 1937-ci ildə edam olunmuş, [3] 24 dekabr 1956-cı ildə bəraət verilmişdir.[4]

Ailəsi[redaktə | əsas redaktə]

Ağaverdiyeva Xədicəxanım Xudaverdi qızı (d. 1902 - ö. 13 fevral 1944) ilə evlənmişdir. SSRİ MİK-nin 4 iyul 1934-cü il tarixli qərarına əsasən vətən xaininin həyat yoldaşı kimi 24 oktyabr 1937-ci il tarixdə saxlanılmış və 9 dekabr 1937-ci il tarixdə XDİK-in qərarına əsasən 8 il müddətinə azadlıqdan məhrum edilmişdir. Xədicəxanım Ağaverdiyeva 19 oktyabr 1956-cı il tarixdə Zaqafqaziya Hərbi Dairəsi Hərbi Tribunalının qərarına əsasən bəraət almışdır. [5] Övladları:

  • Sara Ağaverdiyeva (d.1922)
  • Törə Ağaverdiyeva (d.1925)
  • Lətifə Ağaverdiyeva (d.1929)
  • Şükufə Ağaverdiyeva (d.1934)

İstinadlar[redaktə | əsas redaktə]

  1. Эльдар ИСМАИЛОВ - Очерки по истории Азербайджана , Москва, 2010, Флинта
  2. Azərbaycan Tarixi (VI cild) , Bakı, Elm, 2008
  3. Сталинские списки
  4. Kürdəxanı, Qarabağ nəşriyyatı, Bakı, 2008. səh. 360
  5. Azerbaijan Gender Information Center