Hüsniyyə Məhərrəmova

Vikipediya, azad ensiklopediya
Jump to navigation Jump to search
Hüsniyyə Məhərrəmova
Doğum tarixi 30 sentyabr 1981 (1981-09-30) (38 yaş)
Doğum yeri Azərbaycan Azərbaycan SSR
Həyat yoldaşı Samir Cəfərov (“ColDünya” qrupunun üzvü)
Milliyyəti Azərbaycan Azərbaycan
Təhsili
Fəaliyyəti Aparıcı

Hüsniyyə Məhərrəmova (30 sentyabr 1981(1981-09-30)) — Azərbaycanlı teleaparıcı, Avroviziya Mahnı Müsabiqəsinin Azərbaycan şərhçisi və nümayəndə heyətinin rəhbəri.

Həyatı[redaktə | əsas redaktə]

Hüsniyyə Məhərrəmova 30 sentyabr 1981-ci ildə anadan olub. 1987-1998-ci illərdə Bakıda yerləşən 252151 saylı orta məktəblərdə təhsil alıb.[1] O, orta məktəblə paralel musiqi məktəbində fortepiano şöbəsində də oxuyub. Daha sonra İncəsənət Universitetinin aktyorluq fakültəsinə qəbul olub. İncəsənət Universitetini bitirəndən sonra Bakı Musiqi Akademiyasının solo opera fakültəsinə daxil olub və ikinci ali təhsilini alıb. Lakin orda oxuyarkən qərara gəlir ki, bu sənət ona uyğun deyil. Artıq 21-22 yaşında televiziyaya müraciət etməyi düşünür. 2005-ci ildə İctimai Televiziya açılarkən burada müsabiqədən keçir və təxminən 1 həftə 10 gün ərzində ilk efirinə çıxır. O vaxtdan uzun müddət həmin kanalda fəaliyyət göstərməyə başlayır.[2]

Fəaliyyəti[redaktə | əsas redaktə]

2003-cü ildə «Sing Your Song» yarışmasında iştirak etmiş və üçüncü yeri tutmuşdur. Həmin müsabiqədə birinci yerdə Avroviziya yarışmasının ilk iştirakçısı olan Elnur Hüseynov, ikinci yerdə Dilarə Kazımova olmuşdur. Hüsniyyənin həyat yoldaşı da həmin layihədə iştirak etmişdir.[3]

İlk iş yeri olan İctimai Televiziyada Musiqili və Əyləncəli Verilişlər Departamentinin əməkdaşı kimi fəaliyyət göstərərkən ilk verilişi mədəniyyət xəbərlərindən bəhs edən “Müzik ekspress” adlı veriliş olub. Sonralar həmin kanalda “Qaraj” və özünün hazırladığı “Şou N-1” layihəsində aparıcılıq edib. 2014-cü ildə öz ərizəsi ilə İTV-dən ayrılıb.[4]

Hazırda Azad Azərbaycan TV-də yayımlanan "V element" verilişinin aparıcılarındandır.

Ailəsi[redaktə | əsas redaktə]

Hüsniyyə Məhərrəmova 2008-ci ildə ailə həyatı qurmuşdur. Həyat yoldaşı Samir Cəfərov rok musiqiçisidir:[5] “ColDünya” qrupunun üzvüdür.

Biri qız, biri oğlan olmaqla əkiz uşaqları var.[6] Hüsniyyə 12.12.2012 tarixində ana olmuşdur.[7]

Maraqlı faktlar[redaktə | əsas redaktə]

  • Aparıcı kimi Rusiyanın birinci kanalında aparıcılıq edən, eləcə də Rusiyada Avroviziyanın finalını aparan İvan Urqantı və Amerikanın məşhur aparıcısı Opra Uinfri çox bəyənir.

İstinadlar[redaktə | əsas redaktə]

  1. ""DƏCƏL ŞAGİRD" HÜSNİYYƏ MƏHƏRRƏMOVA – FOTOSESSİYA" (azərb.). primetime.az. 15.09.2011. İstifadə tarixi: 2017-07-22.
  2. Sədaqət Süleymanova (08.09.2011). "İTV-nin aparıcısı Hüsniyə Məhərrəmova: "O mənə evlilik təklifi edəndə, düşündüm ki, belə insanı əldən buraxmaq olmaz"" (azərb.). modern.az. İstifadə tarixi: 2017-07-22.
  3. Xatirə Nəsirli (08.08.2012). "HÜSNİYYƏ MƏHƏRRƏMOVA: "BİR ŞƏXSİN Kİ İNTELLEKTİ, DÜNYAGÖRÜŞÜ YOXDURSA..." - MÜSAHİBƏ – FOTOSESSİYA" (azərb.). simsar.az. İstifadə tarixi: 2017-07-22.
  4. "Hüsniyyə Məhərrəmova İTV-dən getdi" (azərb.). oxu.az. 21.05.2014. İstifadə tarixi: 2017-07-22.
  5. "Hüsniyyə Məhərrəmova: "Əgər o özünü bir nömrəli aparıcı hesab edirsə..." - MÜSAHİBƏ" (azərb.). milli.az. 29.07.2011. İstifadə tarixi: 2017-07-22.
  6. "Hüsniyyə əkizlərindən danışdı: "Çoxları ana olmağıma inanmır"" (azərb.). axsam.az. 16.12.2014. İstifadə tarixi: 2017-07-22.
  7. "Tanınmış teleaparıcı Hüsniyyə Məhərrəmova ana oldu" (azərb.). azeri.net. 17.12.2012. İstifadə tarixi: 2017-07-22.