Həbib Babayev

Vikipediya, azad ensiklopediya
Jump to navigation Jump to search
Həbib Babayev
Doğum tarixi 30 dekabr 1926(1926-12-30)
Doğum yeri
Vəfat tarixi 2 iyul 1994(1994-07-02) (67 yaşında)
Vəfat yeri
Milliyyəti Azərbaycan Azərbaycan
Atası Bayram Babayev
Elmi dərəcəsi filologiya elmləri doktoru (1969)
Elmi adı professor
İş yerləri
Təhsili
Üzvlüyü
Mükafatları Azərbaycan SSR əməkdar elm xadimi

Həbib Bayram oğlu Babayev (30 dekabr 1926, Bucaq, Nuxa qəzası2 iyul 1994, Bakı) — Azərbaycan ədəbiyyatşünası, filologiya elmləri doktoru (1969), professor (1970), Azərbaycan SSR əməkdar elm xadimi (1990).

Həyatı[redaktə | mənbəni redaktə et]

1932–1939-cu illərdə Bucaq kənd orta məktəbdə təhsil almış, lakin valideynlərinin vəfatı ilə əlaqədar Şuşa şəhər 1 saylı uşaq evinə göndərilmişdir. 1939–1941-ci illərdə təhsilini orada davam etdirmişdir. 1941–1943-cü illərdə Şuşa ikiillik Müəllimlər İnstitunun Dil və Ədəbiyyat fakültəsində, 1946–1951-ci illərdə ADU-nun Filologiya fakültəsində ali təhsil almışdır. 1951–1955-ci illərdə isə Moskvada M.Qorki adına Dünya Ədəbiyyatı İnstitutunun aspiranturasında ali təhsilini davam etdirmişdir. 2 iyul 1994-cü ildə Bakı şəhərində vəfat etmişdir.[1][2]

Əmək fəaliyyəti[redaktə | mənbəni redaktə et]

Əmək fəaliyyətinə 1943–1944-cü illərdə Bucaq kəndində başlamışdır. O, 1956–1958-ci illərdə M.Qorki adına Dünya Ədəbiyyatı İnstitutunda elmi işçi olmuşdur. 1958–1970-ci illərdə isə Azərbaycan Elmlər Akademiyasının Nizami adına Ədəbiyyat İnstitutunda baş elmi işçi vəzifəsini icra etmişdir. 1970-ci ildən ömrünün sonunadək Bakı Slavyan İnstitutunda kafedra müdiri olmuşdur. Alim 1962-ci ildən Yazıçılar İttifaqının üzvü olmuşdur.[1][2]

Elmi fəaliyyəti[redaktə | mənbəni redaktə et]

1956-cı ildə M.Qorki adına Dünya Ədəbiyyatı İnstitutunun Elmi Şurasında "V.Mayakovski və Azərbaycan sovet poeziyası" mövzusunda namizədlik dissertiyasını müdafiə edərək elmlər namizədi elmi dərəcəsini almışdır. 1969-cu ildə isə "Səməd Vurğun və sovet ədəbiyyatında onun mövqeyi" mövzusunda doktorluq dissertasiyasını müdafiə edərək filologiya elmləri doktoru elmi dərəcəsini almışdır. 1970-ci ildə professor elmi adı verilmişdir.[1][2]

Alim 12 monoqrafiyanın, 120-dən artıq məqalənin müəllifi olan Həbib Babayevin əsərlərinin əsas mövzusunu Rusiya-Azərbaycan ədəbi əlaqələri təşkil edir. Müəllifin əsərləri rus, belorus, moldav, ukrayna, alman dillərinə tərcümə olunmuş, eyni zamanda haqqında rus və özbək dillərində məqalələr yazılmışdır.[1]

Mükafatları[redaktə | mənbəni redaktə et]

İstinadlar[redaktə | mənbəni redaktə et]

  1. 1 2 3 4 Həbib Babayev (PDF). Bakı: "Zərdabi" nəşriyyat. 2020. səh. 95. ISBN 978 9952 542 04 2.
  2. 1 2 3 "Babayev Həbib Bayram oğlu" (Azərbaycan). ensiklopediya.gov.az. 8-3-2019 tarixində arxivləşdirilib.