Həbib Həsənov
Həbib Həsənov | |
---|---|
![]() | |
16 yanvar 1981 – 1 sentyabr 1988 | |
Əvvəlki | özü (komitə nazirliyə çevrilib) |
Sonrakı | nazirlik ləğv edilib |
27 mart 1980 – 16 yanvar 1981 | |
Əvvəlki | Mehdi Mustafayev |
Sonrakı | özü (komitə nazirliyə çevrilib) |
1974 – mart 1980 | |
Sonrakı | Heybət Tahirov |
1956 – 1960 | |
Əvvəlki | Aleksan Kirakosyan |
Sonrakı | Hüseyn Məmmədov |
Şəxsi məlumatlar | |
Doğum tarixi | 5 avqust 1922 |
Doğum yeri | |
Vəfat tarixi | 2004 |
Vəfat yeri | |
Partiya |
|
Fəaliyyəti | dövlət xadimi |
|
|
Təltifləri |
![]() ![]() ![]() |
Həbib Rəhim oğlu Həsənov (5 avqust 1922, Ağzıbir, Yeni Bəyazid qəzası – 2004, Bakı) — Azərbaycan və Ermənistan dövlət-partiya xadimi, Azərbaycan SSR meşə təsərrüfatı naziri (1981–1988), Azərbaycan Kommunist Partiyası Tovuz Rayon Komitəsinin birinci katibi (1974–1980), Ermənistan Kommunist Partiyası Amasiya Rayon Komitəsinin birinci katibi (1956–1960), Ermənistan SSR Ali Soveti Rəyasət Heyəti sədrinin müavini, Ermənistan SSR əməkdar jurnalisti (1971).[1]
Həyatı
[redaktə | vikimətni redaktə et]Həbib Rəhimoğlu 1922-ci ilin avqustun 5-də Ermənistan SSR Yeni Bəyazid qəzasının Ağzıbir kəndində anadan olmuşdur.
1941-ci ildən Əzizbəyov rayonunda kənd məktəbinin müəllimi, sonralar isə direktoru işləmişdir.
1947-ci ildən Moskvada Ali Partiya Məktəbinin müdavimi, Ermənistanın Əzizbəyov rayonu partiya komitəsinin şöbə müdiri, Eçmiadzin partiya komitəsinin ikinci katibi, Amasiya rayonunun birinci katibi vəzifələrində işləmişdir.
1960-cı ildən "Sovet Ermənistanı" qəzetinin baş redaktoru, Ermənistan SSR Ali Soveti Rəyasət Heyəti sədrinin müavini olmuşdur.
1974-cü ildən Azərbaycnın Tovuz rayonu partiya komitəsinin birinci katibi, 1980-ci ildən Azərbaycan SSR Dövlət Meşə Təsərrüfatı Komitəsinin sədri, 1981–1988-ci illərdə meşə təsərrüfatı naziri vəzifələrində çalışmışdır.
Dəfələrlə Ermənistan Kommunist partiyası Mərkəzi Komitəsinin üzvü, 5 dəfə Ermənistan SSR Ali Sovetinin, 3 dəfə Azərbaycan SSR Ali Sovetinin deputatı seçilmişdir.
Azərbaycanda çalışdığı bütün müddətdə respublika Kommunist partiyası Mərkəzi Komitəsinin üzvü olmuşdur.
Ermənistan SSR əməkdar jurnalistidir.[2]
"Lenin" ordeninə, 2 dəfə "Qırmızı əmək bayrağı" ordeninə, bir neçə medala layiq görülmüşdür.
Yaradıcılığı
[redaktə | vikimətni redaktə et]H. Həsənov 1997-ci ildə nəşr olunmuş "Silinməz adlar, sağalmaz yaralar" adlı kitabın müəllifidir. Yeni tarixi faktlarla zəngin olan bu əsərdə qədim Oğuz diyarının – Qərbi Azərbaycanın — İrəvan xanlığında (sonrada İrəvan quberniyası, Ermənistan SSR adlandırılan diyarda) son 200 ildən artıq bir dövrdə ermənilərin soydaşlarımızın başına gətirdikləri faciələrdən, deportasiyadan, soyqırımından, xalqımızın tarixinə edilən təcavüzdən söhbət açılır. İlk dəfə olaraq bu kitabda Ermənistan ərəzisində olan və yer üzündən adları silinmiş 650 azərbaycan kəndlərinin və rayonlarının təsnifatı verilmiş, bu ərazilərin qədimdən rəsmi adları tarixi qaynaqlardan tapılıb bərpa olunmuş, 1918-ci ildən sonra bu yerlərin ermənisayağı dəyişdirilmiş adları, onların hamısının coğrafi koordinatları göstərilmişdir. Bu təsnifatda verilmiş həmin kənd və rayonlarda yaşamış azərbaycanlıların yüz il ərzində, yəni, 1831, 1873, 1886, 1905, 1914, 1931-ci illərdə tədricən azalan sayı göstərilir ki, bu da azərbaycan xalqının ermənilər tərəfindən planlaşdırılmış və sistematik genosidini tarixdə saxlanmış demoqrafik statistika əsasında sübuta yetirir.
Kitabları
[redaktə | vikimətni redaktə et]- "Silinməz adlar, sağalmaz yaralar", 1997-ci il.
İstinadlar
[redaktə | vikimətni redaktə et]- ↑ "Həbib Həsənov". Qərbi Azərbaycan İcması. 2024. İstifadə tarixi: 2024-08-24.
- ↑ Ermənistan Azərbaycanlılarının tarixi coğrafiyası. Bakı: Gənclik. 1995. səh. 440. ISBN 5-8020-0852-0.
Xarici keçidlər
[redaktə | vikimətni redaktə et]- 5 avqustda doğulanlar
- 1922-ci ildə doğulanlar
- Yeni Bəyazid qəzasında doğulanlar
- 2004-cü ildə vəfat edənlər
- Bakıda vəfat edənlər
- Sovet İttifaqı Kommunist Partiyasının üzvləri
- "Lenin" ordeni ilə təltif edilənlər
- SSRİ-nin "Qırmızı əmək bayrağı" ordeni ilə təltif edilənlər
- Ermənistan SSR əməkdar jurnalistləri
- Əlifba sırasına görə vəzifəli şəxslər
- Ermənistan SSR Ali Sovetinin IV çağırış deputatları
- Ermənistan SSR Ali Sovetinin V çağırış deputatları
- Ermənistan SSR Ali Sovetinin VI çağırış deputatları
- Ermənistan SSR Ali Sovetinin VII çağırış deputatları
- Ermənistan SSR Ali Sovetinin VIII çağırış deputatları
- Azərbaycan SSR Ali Sovetinin IX çağırış deputatları
- Azərbaycan SSR Ali Sovetinin X çağırış deputatları
- Azərbaycan SSR Ali Sovetinin XI çağırış deputatları
- Azərbaycan Kommunist Partiyası Tovuz Rayon Komitəsinin birinci katibləri
- Ermənistan Kommunist Partiyası Amasiya Rayon Komitəsinin birinci katibləri
- Azərbaycan Kommunist Partiyası Mərkəzi Komitəsinin üzvləri
- Azərbaycan siyasətçiləri
- Azərbaycanlı siyasətçilər
- Ermənistan siyasətçiləri
- Azərbaycan qəzet redaktorları
- Azərbaycan memuarçıları