Həlimət Məmmədova

Vikipediya, açıq ensiklopediya
Jump to navigation Jump to search
Həlimət Məmmədova
Həlimət Məhəmməd qızı Məmmədova
Həlimət Məmmədova.jpg
Doğum tarixi 27 dekabr 1965 (1965-12-27) (53 yaş)
Doğum yeri Tülü, Balakən, Flag of the Azerbaijan Soviet Socialist Republic.svg Azərbaycan SSR
Vətəndaşlığı Flag of Azerbaijan.svg Azərbaycan
Peşəsi aktrisa

Məmmədova Həlimət Məhəmməd qızı — Azərbaycan aktrisası.

Həyatı[redaktə | əsas redaktə]

Həlimət Məmmədova 27 dekabr 1965-ci ildə Balakənin Tülü kəndində anadan olub. M.Ə.Əliyev adına Azərbaycan Dövlət İncəsənət İnstitutunun dram-kino aktyorluğu fakültəsini bitirib (1989). 1982-ci ildən Azərbaycan Dövlət Muğam Teatrında aktrisa kimi fəaliyyətə başlayıb.

Teatrda hazırlanan muğam tamaşalarında – "İsgəndərnamə"də Nüşabə, "Dədə Qorqud"da Burla Xatun, "Qarabağ" musiqili tamaşasında ana, Mikayıl Müşviqə həsr olunmuş tamaşada Dilbər, "Məhəbbət hekayəti"ndə cadugər rollarında oynayıb. Teatrda səhnələşdirilən "Zabul segah", "Bayatı-Şiraz", "Şur", "Çahargah" muğam tamaşalarında baş rollarda iştirak edib.

2002-ci ildə yaranmış "Savalan" qrupunda qiraətçi və müğənni kimi fəaliyyət göstərir.

Qrupla bərabər Türkiyədə, Hollandiyada, Pakistanda, Amerikada keçirilən mistik musiqi festivallarında uğurla Azərbaycanı təmsil edib.

Yuğ Teatrında "Üz tuturam Tanrıya" (rejissor Vaqif İbrahimoğlu), Yunus İmrənin "Olsun" (rejissor Rasim Aşın) tamaşalarında musiqi və şeirləri ifa edib. İfasında Ramiz Rövşənin "Qapı" poemasının motivləri əsasında hazırlanmış video-tamaşa, "Biz ölən deyilik" kompozisiyası hazırlanıb. Gülağa Tənhanın sözlərinə musiqi bəstələyib və "Qara düşdü" klipini çəkdirib (rejissor Pünhan Həsənli). "Seyyid Nigari", "Təbriz", "Dədələr yolu" sənədli filmlərində qiraətçi və müğənni kimi çəkilib.

Filmoqrafiya[redaktə | əsas redaktə]

  1. Qız qalası (film, 2000)
  2. Mişovul ovu (film, 2001)
  3. Güllələnmiş heykəllər (film, 2002)

Mənbə[redaktə | əsas redaktə]

Həmçinin bax[redaktə | əsas redaktə]

Portalkino.jpg
Azərbaycan kino sənəti portalı