Həmd və surə oxumaq

Vikipediya, açıq ensiklopediya
Jump to navigation Jump to search

Həmd və surə oxumaq — burada "həmd" dedikdə Fatihə surəsi, "surə" dedikdə isə Quranın Fatihə surəsi və vacibi səcdə ayəsi olan surələrdən başqa hər hansı bir surə nəzərdə tutulur.

  • Gündəlik vacibi namazların birinci və ikinci rəkətində əvvəlcə həmd, sonra isə bir surə bütöv oxunmalıdır.[1]
  • Əgər namazın vaxtı az olsa, yaxud insan surəni oxumamağa məcbur olsa, məsələn, surəni oxuyacağı təqdirdə oğru və ya yırtıcı heyvan, yaxud başqa bir şey ona xəsarət yetirəcəksə, surəni oxumamalıdır. Əgər müəyyən bir iş üçün tələssə surəni oxumaya bilər.

Əgər qəsdən surəni həmddən qabaq oxusa, namazı batildir. Əgər səhvən həmddən qabaq oxusa və surə oxuyanda yadına düşsə, gərək onu yarımçıq kəsib həmdi oxuduqdan sonra yenidən surəni oxusun. Əgər həmdi və surəni, yaxud onlardan birini unutsa və rükuda yadına düşsə, namazı səhihdir. Əgər rükuya əyilməmişdən qabaq həmd-surəni oxumadığını bilsə gərək oxusun. Əgər təkcə surəni oxumaması yadına düşsə, təkcə onu oxumalıdır. Amma əgər həmdi oxumadığı yadına düşsə, gərək həmdi oxusun, sonra isə surəni yenidən oxusun. Həmçinin müəyyən qədər əyilsə və rükuya çatmamışdan qabaq həmd-surəni, yaxud onlardan birini oxumadığını bilsə gərək qalxıb həmin göstərişə əməl etsin.[2]

Əgər namazda vacibi səcdəsi olan surələrdən birini qəsdən oxusa namazı batildir. Əgər vacibi səcdəsi olan surəni səhvən oxumağa başlasa və səcdə ayəsinə çatmamış yadına düşsə, gərək o surəni kəsib başqa surə oxusun; yox əgər səcdə ayəsini oxuyandan sonra başa düşsə, namaz əsnasında, ehtiyata əsasən, gərək işarə ilə onun səcdəsini yerinə yetirib oxuduğu surə ilə kifayətlənsin. Əgər namaz əsnasında səcdəsi olan ayəni eşidib işarə ilə səcdə etsə namazı səhihdir.[3]

İstinadlar[redaktə | əsas redaktə]

  1. Fazil Lənkəraninin risaləsi. 999-cu məsələ.
  2. Fazil Lənkəraninin risaləsi. 1000-1003-cü məsələlər.
  3. Fazil Lənkəraninin risaləsi. 1004-1006-cü məsələlər.