Həqiqət Hacıyeva

Vikipediya, açıq ensiklopediya
Jump to navigation Jump to search
HƏQİQƏT HACIYEVA
Doğum tarixi 23 aprel 1953 (1953-04-23) (66 yaş)
Doğum yeri Tülü, Balakən
Peşəsi pedagogue

Hacıyeva Həqiqət Məhəmmədhacı qızı (d.23 aprel, 1953) — Azərbaycan Dövlət Pedoqoji Universitetinin müəlliməsi, pedaqoji elmləri namizədi.

Həyatı[redaktə | əsas redaktə]

Həqiqət Hacıyeva 1953-cü il aprel ayının 23-də Balakən rayonunun Tülü kəndində ziyalı ailəsində anadan olmuşdur. 1969-cu ildə məktəbi qızıl medalla bitirmiş, Bakı 1 nömrəli tibb texnikumuna qəbul olmuşdur. 1971-ci ildə texnikumu fərqlənmə diplomu ilə bitirib Balakən rayon mərkəzi xəstəxanasında tibb bacısı vəzifəsindı işə başlamışdır.

1973-cü ildə Azərbaycan Dövlət Pedaqoji Universitetinin biologiya fakultəsinə bir imtahanla qəbul olmuş və 1978-ci ildə biologiya müəllimi ixtisasına yiyələnmişdir.

1983-cü ildə Azərbaycan Respublikası ETPEİ-nin (indiki Təhsil Problemləri İnstitutu) dəvəti ilə aspiranturaya daxil olan H.Hacıyeva 1990-cı ildə "İqtisadi biliklərin öyrədilməsində fənlərarası əlaqədən istifadə" mövzusunda dissertasiya işini müvəffəqiyyətlə müdafiə etmiş, pedaqoji elmlər namizədi alimlik dərəcəsinə layiq görülmüşdür.

Azərbaycan Respublikası Təhsil Problemləri İnstitutunun doktorantı kimi "Ümumtəhsil məktəblərində biologiya fənninin tədrisində tibbi biliklərin öyrədilməsi üzrə işin sistemi" mövzusunda dissertasiya işi müdafiəyə hazırıdr.

O, 2005-2006-cı illərədə Təhsil Nazirliyində "Həyatı Bacarıqlara Əsaslanan Təhsil" kurrikulumunun işçi qrupunun üzvü kimi I-IV siniflər üçün kurrikulumun işlənilməsində müəlliflik fəaliyyəti göstərmişdir.

2006-2007-ci illərədə ali məktəblərdə sinif müəllimi hazırlığı üzrə "Həyat bilgisi və onun tədrisi metodikası" kurrikulumunun hazırlanmasında milli məsləhətçi olmuşdur.

2006-cı ildə Təhsil Nazirliyi, Qlobal fond və UNİSEF-in birgə təşkil etdiyi Həyati Bacarıqlara Əsaslanan Təhsil üzrə "Təlimçilərin Təlimi" seminarını müvəffəqiyyətlə bitirmiş və onun şəhadətnaməsini almışdır.

H.Hacıyeva 2008-ci ildə ADPU-nin keçirdiyi "İlin alimi" müsabiqəsinin qalibi olmuşdur. O, eyni zamanda "Qızıl qələm" mükafatı laureatıdır.

Həqiqət Hacıyeva ekoloji biliklərin fəal təbliğatçısı kimi 2008-ci ildə "Yaşıl Paket" üzrə keçirilən təlim kursunu fəal iştikaçı kimi bitirmişdir.

Bütövlükdə 130-dan artıq elmi əsərin (21 kitab, o cümlədən 6 dərslik, 2 dərs vəsaiti, 5 metodik vəsait, 10 proqram, 3 monoqrafiya) müəllifidir.

Əsərləri[redaktə | əsas redaktə]

  • 1.Uşaq anatomiyası və fiziologiyası (ali məktəblər üçün dərs vəsaiti). Bakı: 1998
  • 2.H.Əliyev baxışlarından biologiyanın tədrisində istifadə məsələləri. Bakı: 1998
  • 3.Ətraf aləmlə tanışlıq (ali məktəb dərsliyi). Bakı: 2003
  • 4.Tibbi biliklərin əsasları. Bakı: 2004
  • 5.Dərman bitkiləri (dərs vəsaiti). Bakı: 2007

Xarici keçidlər[redaktə | əsas redaktə]