Həsən Əbluc

Həsən Əbluc
İlk adı	Həsən Abbasqulu oğlu Əbluc
Doğum tarixi	22 aprel 1942(1942-04-22)
Doğum yeri	Təbriz, Cənubi Azərbaycan
Vəfat tarixi	13 mart 1994(1994-03-13) (51 yaşında)
Vəfat yeri	Bakı, Azərbaycan
Həyat yoldaşı	Firəngiz xanım
Uşağı	Elnaz Əbluc
Atası	Abbasqulu Əbluc
Peşəsi	Aktyor Rejissor
Təhsili	ADMİU
Mükafatları

Həsən Abbasqulu oğlu Əbluc (22 aprel 1942 – 13 mart 1994) — Azərbaycan aktyoru və rejissoru, bədii qiraət ustası, pedaqoq, Azərbaycan SSR əməkdar artisti (1979).

Həyatı

Həsən Abbasqulu oğlu Əbluc 22 aprel 1942-ci ildə Təbrizdə anadan olub. Uşaq yaşlarında ailəsi ilə birlikdə Bakıya köçüb. Əvvəlcə Politexnik İnstitutuna qəbul olunub. Birinci kursdan sonra sənədlərini aktyorluq fakültəsinə verib. Azərbaycan Dövlət İncəsənət İnstitutunun aktyоrluq və rejissоrluq fakültəsini bitirib. Elə həmin il Dram Teatrında rumın yazıçı Sebastyanın "Adsız ulduz" tamaşasına quruluş verib. Sоnralar Gənc Tamaşaçılar Teatrında fəaliyyətini davam etdirib. Kinostudiyada film dublyajlarında iştirak edib. Mədəniyyət və İncəsənət Universitetində səhnə danışığından dərs deyib. Bədii qiraət ustası kimi klassik və çağdaş şairlərimizin poeziya nümunələrini minlərlə tamaşaçıya və dinləyiciyə çatdırıb. Həsən Əbluc rejissorluq kursunu da bitirib. Müxtəlif dövrlərdə bir neçə teatr və televiziya tamaşasının quruluşçu rejissoru olub. Həsən Əbluc 13 mart 1994-cü ildə vəfat edib.

• Kinorejissor Ənvər Əblucun qardaşıdır.
• Rejissor Elnaz Əblucun atasıdır.

Xatirəsi

Ənvər Əbluc оnun haqqında "Həsən Əbluc" filmini lentə alıb.

11 may 2018-ci ildə İranın Azərbaycan səfirliyinin Mədəniyyət Mərkəzində Həsən Əblucun xatirə gecəsi keçirilmişdir.

Filmoqrafiya

1. Abbas Mirzə Şərifzadə (film)(qısametrajlı sənədli film)(Aztv)(mətni oxuyan)
2. Ağ atlı oğlan (film, 1995)
3. Alman klinikasına şəxsi səfər (film, 1988)(tammetrajlı bədii film)-kadrarxası mətni oxuyan
4. Babək (film, 1979)
5. Bakıda küləklər əsir (film, 1974)
6. Bircəciyim (film, 1986)
7. Birisigün, gecəyarısı... (film, 1981)
8. Bizim küçənin oğlanları (film, 1973)
9. Dantenin yubileyi (film, 1978)
10. Dəli Kür (film, 1969)
11. Dənizə çıxmaq qorxuludur (film, 1973)
12. Doğma sahillər (film, 1989)
13. Ən vacib müsahibə (film, 1971)
14. Ənvər Həsənov. Yeddi oğuldan biri (film, 2007)
15. Həsən Əbluc (film, 1999)
16. İstintaq (film, 1979)
17. İstintaq davam edir (film, 1966)
18. İyirmialtılar (film, 1966)
19. Qanlı zəmi (film, 1985)
20. Qara gölün cəngavərləri (film, 1984)
21. Qaraca qız (film, 1966)
22. Qatarda (film, 1981)
23. Mikayıl Müşfiq (film, 1978)
24. Od içində (film, 1978)
25. Ölsəm... bağışla (film, 1989)
26. Ömrün İlk Saatı (1973)
27. Özgə ömür (film, 1987)
28. Pəncərə (film, 1991)
29. Sən niyə susursan? (film, 1966)
30. Şeytan göz qabağında (film, 1987)
31. Tənha narın nağılı (film, 1984)
32. Torpaq dəniz od səma (film, 1967)
33. Uşaqlığın son gecəsi (film, 1968)
34. Ümid (film, 1992)
35. Ürək yaman şeydir... (film, 1992)
36. Ürək... Ürək... (film, 1976)
37. Yaramaz (film, 1988)
38. Yaşamaq gözəldir, qardaşım! (film, 1966)
39. Yenilməz batalyon (film, 1965)

Mənbə

• Azərbaycan Respublikası Mədəniyyət Nazirliyi. C.Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923-2003-cü illər. Bakı: Mütərcim, 2004.- səh. 52.
• Həsən Əblucun bioqrafiyası - www.adam.az

Xarici keçidlər

• Həsən Əbluc haqqında ANS ÇM radiosunda