Həsən Günəşli

Vikipediya, açıq ensiklopediya
Jump to navigation Jump to search
Həsən Günəşli
Həsən Cəlal oğlu Günəşli
Həsən Günəşli.jpg

Təhsili Azərbaycan Xalq Təsərrüfatı İnstitutu
Doğum tarixi 1 yanvar 1935 (1935-01-01) (84 yaş)
Doğum yeri Qonaqkənd, Quba Flag of the Azerbaijan Soviet Socialist Republic.svg Azərbaycan SSR
Atası Cəlal Günəşli
Anası Durna Günəşli
Həyat yoldaşı Leyla Günəşli

Həsən Cəlal oğlu Günəşli — İctimai xadim, Quba Rayonu Ağsaqqallar Şurasının sədri [1]

Həyatı və fəaliyyəti[redaktə | əsas redaktə]

Həsən Cəlal oğlu Günəşli 1 yanvar 1935-ci il tarixində Quba rayonunun Qonaqkənd qəsəbəsində anadan olmuşdur. Əslən Yerfi kəndindəndir. 1953-cü ildə qəsəbə orta məktəbini bitirdikdən sonra Azərbaycan Xalq Təsərrüfatı İnstitutunun İqtisadiyyat fakültəsinə daxil olmuşdur. 1958-ci ildə İnstitutu bitirmiş və həmin ildən Quba Rayon Maliyyə şöbəsində gənc mütəxəssis kimi əmək fəaliyyətinə başlamışdır.

1967-1971-ci illər ərzində baş dövlət gəlirləri, xalq təsərrüfatının maliyyələşdirilməsi üzrə baş müfəttiş, büdcə inspeksiyasının rəisi, baş büdcə mühasibi və dövlət gəlirləri müfəttişliyinin rəisi, maliyyə şöbəsinin müdir müavini vəzifələrində çalışaraq yüksək təşkilatçılıq bacarığını nümayiş etdirmişdir.

1974-1975-ci illərdə Azərbaycan KP Quba rayon komitəsinin katibi, 1975-1980-ci illərdə isə Azərbaycan KP Quba rayon komitəsinin ikinci katibi vəzifələrində çalışmışdır.

H.Günəşli sonradan "Azərkəndtexnika birliyi" Quba rayon şöbəsinə, İstehsalat Suvarma Birliyinə rəhbərlik edərkən, "Kəndkimya" birliyində baş iqtisadçı, Kalinin adına sovxozda, "Təngə" kolxozunda direktor, direktorlar şurasının üzvü, Quba Rayon İcra Hakimiyyəti Başçısının Qonaqkənd zonası üzrə müavin-nümayəndəsi, Aqrar İslahat Komissiyasının üzvü, Əlillərin Sosial Müdafiəsi Fondunun rayon şöbəsinin müdiri və s. kimi vəzifələrdə çalışmış, vəzifə borcunu layaqətlə yerinə yetirmişdir.

Həsən Günəşli YAP rayon təşkilatının təsisçilərindən biri olmuşdur və bu gün də onun fəal üzvüdür. O, Partiyanın I, II, III, V qurultaylarının nümayəndəsi olmuşdur. Həmişə ictimaiyyətçi olan H.Günəşli fəaliyyəti dövründə şəhər və rayon sovetlərinə dəfələrlə deputat seçilmişdir.

Günəşli Həsən Cəlal oğlunun dövlət təltifləri:

  • 1967-ci ildə SSRİ Maliyyə Nazirliyi və Mərkəzi Həmkarlar Təşkiları tərəfindən "Əlaçı maliiyə işçisi" döş nişanı;
  • 1970-ci ildə SSRİ Ali Soveti adından "Əmək rəşadətinə görə" medalı;
  • 1973-cü ildə SSRİ Ali Sovetinin qərarı ilə "Əməkdə fərqlənməyə görə" medalı;
  • 1976-cı ildə SSRİ Ali Sovetinin qərarı ilə "Şərəf Nişanı" ordeni.

Diplom və Fəxri Fərmanlar:

  • 2002-ci ildə "müstəqilliyimizin 10 illiyi münasibəti ilə əlaqədar və veteranlara mənəvi dayaq durduğu üçün" Azərbaycan Vətən Müharibəsi Veteranlar Birliyinin "Fəxri Fərmanı";
  • 2002-ci ildə Azərbaycan Respublikası YAP Quba rayon təşkilatının "Fəxri Fərmanı" - ictimai-siyasi həyatda fəal iştirakına və YAP-nın yaradılmasının 10 illiyi münasibəti ilə;
  • 2003-cü ildə Quba Rayon İcra Hakimiyyətinin "Fəxri Fərmanı" - rayonun ictimai-siyasi həyatında fəal iştirakına görə [2]
  • 2005-ci ildə Quba Rayon İcra Hakimiyyətinin "Fəxri Fərmanı" - rayonun ictimai-siyasi həyatında xidmətlərinə görə;
  • 2007-ci ildə Azərbaycan Respublikası YAP Quba rayon təşkilatının "Fəxri Fərmanı" - YAP-nın siyasətinin həyata keçirilməsində, onun ideyalarının təbliğ edilməsində göstərdiyi xidmətlərinə görə və YAP-nın yaradılmasının 15 illiyi münasibəti ilə;
  • 2008-ci ildə Quba Rayon İcra Hakimiyyətinin "Fəxri Fərmanı" - dövlət qulluğunda 50 illik qüsursuz xidmətinə görə;
  • 2012-ci ildə Azərbaycan Respublikası YAP Quba rayon təşkilatının "Fəxri Fərmanı" - Partiya işində səmərəli fəaliyyətinə və YAP rayon təşkilatının yaradılmasının 19-cu il dönümü münasibəti ilə;
  • 2016-cı ildə Azərbaycan Respublikası YAP Quba rayon təşkilatının "Fəxri Fərmanı" - YAP Quba rayon təşkilatının yaradılmasındakı fəaliyyətinə, partiya həyatında fəal iştirak etdiyinə görə və YAP-nın yaradılmasının 24-cü ildönümü münasibəti ilə;
  • Azərbaycan Respublikası Ağsaqqallar Şurası İdarə Heyətinin qərarı ilə təltif olunduğu "Fəxri Fərman";
  • AMEA-nın 70 illik yubileyi ilə əlaqədar olaraq Respublika Seysmoloji Xidmət Mərkəzində səmərəli fəalliyyətini nəzərə alaraq təltif olunduğu "Fəxri Fərman";
  • Azərbaycan Respublikası "Əhalinin Maarifləndirilməsinə Mütəxəssislərin Dəstəyi" ictimai birliyi tərəfindən təltif olunduğu "Mən fəxr edirəm ki,

Azərbaycanlıyam" Dilpomu.


Həsən Günəşli 4 may 2004-cü ildə Quba Rayon Ağsaqqallar Şurasının III konfransında Şura sədri seçilmiş və hazıradək bu vəzifədə çalışır.[3]

İstinadlar[redaktə | əsas redaktə]

Xarici keçidlər[redaktə | əsas redaktə]

100 yaşa Həsən Günəşli