Həsən bəy Sultanov

Vikipediya, açıq ensiklopediya
Jump to navigation Jump to search
HƏSƏN BƏY SULTANOV
Doğum tarixi 1885(1885-Şablondakı doğum və ya ölüm tarixində texniki yanlışlıq var!-00)
Doğum yeri Qubadlı, Zəngəzur qəzası
Peşəsi pedaqoq
Fəaliyyəti Pedaqoq

Sultanov Həsən bəy Teymur bəy oğlu (1885-?) — pedaqoq, Zaqafqaziya (Qori) Müəllimlər seminariyasının məzunu

Həyatı[redaktə | əsas redaktə]

Həsən bəy Teymur bəy 1885-ci ildə Zəngəzur qəzasının Qubadlı kəndində doğulmuşdu. O, kənddə ibtidai təhsili başa vurub, növbəti real məktəbi Şuşada bitirir. Sonra Qori Muəllimlər Seminariyasında Üzeyir Hacıbəyov və Terequlovla birlikdə oxuyub. Qubadlı məktəbi iki sinifli, dörd illik olduğu üçün 1-ci və 3-cü sinif şagirdlərini bir sinif otağına, 2-ci və 4-cü sinif şagirdlərini isə başqa bir sinif otağına yığıb bir yerdə dərs keçərmişlər. Belə çətinlik uzun müddət davam edib. Qubadlı məktəbi ilk dəfə Xanlar bəyin atasına məxsus evdə təşkil edilib. Sonra məktəb Həşim bəyin daha yaxşı şəraitli evinə köçürülüb. Sonra Teymur bəyin oğlu Həsən bəy Sultanovun təşəbbüsü və yerli hökumətin köməkliyi ilə qarşı tərəfdə üç otaqlı yeni məktəb binası tikilir.

Çox maarifpəvər bir insan olan və Qubadlıda təhsilin inkişafı üçün bacardığını əsirgəməyən, xeyli müddət Qubadlı məktəbinin direktoru işləmişdi.

Çox önəmli məqamlardan biri də budur ki, dərslərin rus və Azərbaycan dillərində keçirilməsi bir çox şagirdlərə Rusiyanın və bəzən hətta Avropanın nüfuzlu təhsil ocaqlarında təhsillərini davam etdirmələri istiqamətində yaşıl işıq yandırırdı. Təkcə 1905-1917-ci illər ərzində Çingiz İldırım, onun qardaşı Məmməd bəy Sultanov, Cabbar bəy Sultanov, Abbas bəy Sultanov, Hüseynqulu Babayev, Həsən bəy Sultanov, İsmayıl Abışov, Qulam Sultanov və bir çox başqaları Qubadlı məktəbini bitirəndən sonra Şuşada, Vladiqafqazda orta təhsil və nəhayət Sankt-Peterburqda, Kiyevdə, Moskvada, Odessada, Xarkovda və başqa şəhərlərdə ali təhsil almışlar.

Mənbə[redaktə | əsas redaktə]

  • Ənvər Çingizoğlu, Qarabağda maarif, Bakı: Zərdabi LTD, 2013, 288 səh.

Həmçinin bax[redaktə | əsas redaktə]