Həsənalı Baxışzadə

Vikipediya, azad ensiklopediya
Jump to navigation Jump to search
Həsənalı Baxışzadə
Baxışzadə Həsənalı Baxış oğlu
Həsənalı Baxışzadə.jpg
Doğum tarixi 1898(1898-Şablondakı doğum və ya ölüm tarixində texniki yanlışlıq var!-00)
Doğum yeri Fərəcan, Laçın rayonu, Azərbaycan
Vəfat tarixi 1987(1987-Şablondakı doğum və ya ölüm tarixində texniki yanlışlıq var!-00)
Vəfat yeri Laçın rayonu, Azərbaycan
Dəfn yeri
Vətəndaşlığı Azərbaycan Azərbaycan
Milliyyəti azərbaycanlı
Mükafatları Əməkdar müəllim

Baxışzadə Həsənalı Baxış oğlu - Azərbaycanın "Əməkdar müəllimi"

Həyatı[redaktə | əsas redaktə]

Həsənalı Baxışzadə 1898-ci ildə Zəngəzur mahalının (indiki Laçın rayonu) Fərəcan kəndində anadan olub. İlk təhsilini Qubadlı rayonunun Mollu kəndindəki molla məktəbində almışdır.

1918-1919 - cu il erməni-müsəlman davasında bütün camaat kəntdən çıxır. Həsənalı Baxışzadə yenicə evləndiyi xanımını götürüb Şimali Qafqazda yaşayan Rza bəyə pənah aparır. Bir neçə ildən sonra Bakının Bülbülə qəsəbəsində yaşayan qardaşlarının yanına gedir. Ramana neft mədənlərində çilingər kimi çalışır. N.Nərimanovu, Ə.Topçubaşovu yaxından tanıyır. Onların haqqında çoxlu xatirələri var idi.

1932-ci ildə kəndlərdə kollektivləşmə işi ilə bağlı Həsənalı Baxışzadəni Laçın rayonuna torpaq şöbəsinin müdiri göndərirlər. Çətin illər olduğu üçün yoxsullar kollektivləşməni qəbul edir, varlılar qəbul etmirdi. Həsənalı Baxışzadənin camaatla çox səmimi rəftarı olmuşdur. Ona görə də camaat onu "atamoğlu" çağırırmış.

1937-ci illərin quru günləri gəlir. İnsanlar bir-birinə qənim kəsilir. Bir-birindən "danos" yazır. Zaman o zaman idi ki, qohum da qohumu bada verməyə hazır idi.

Laçın rayonunun birinci katibi Teymur Salahov bir neçə tanınmış adamla Həsənalı Baxışzadənin də onun "şəbəkəsi" olduğunu boynuna alır. Almmır, sadəcə zorla boynuna qoyurlar. Bu barədə mərhum Ziya Bünyadovun "Qırmızı terror" kitabında da məlumat var.

18 ay Həsənalı Baxışzadə mühakiməsiz, sübutsuz Şuşa türməsində həpsdə yatır. Nəhayət, məhkəmədə bütün deyilənlər inkar edilir və bəraət verilir.

Öz ata yurdu Fəracan kəndinə məktəb direktoru göndərilir. Həsənalı Baxışzadə kəndin həm müəllimi, həm həkimi, həm də mühəndisi, ustası olur.

Şimali Qafqazda gördüklərini kəntdə tətbiq edir. Odunla qızdırılan hamam qurur.Kəntdə qazıntı zamanı yerin lap dərin qatlarından nəhəng küplər, duş vannalar çıxırdı. Bu da təsdir edirdi ki, bu yerlərdə qədimdə albanlar yaşamış, üzümçülüklə, şərabçılıqla məşğul olmuşlar.

1940-cı ildə Həsənalı Baxışzadəni Laçın rayon Xalq Maarif Şöbəsinə müdir təyin edirlər. 1941-ci ildə müharibə başlayanda hamının keçmişinə əl gəzdirdilər. 1937-ci ilin repressiyası yenidən yada düşdü, Həsənalı Baxışzadəni ərizəsi ilə işdən azad etdilər və Mığıdərə kənd orta məktəbinə direktor göndərdilər. Həsənalı Baxışzadə qiyabi yolla ali təhsil almışdır. Bir neçə ildən sonra onu öz doğma kəndinə məktəb direktoru təyin etdilər, ömrünün sonuna qədər orada çalışmışdır.

Həsənalı Baxışzadə respublika əhəmiyyətli fərdi təqaedçü idi, "Əməkdar müəllim" fəxri adına layiq görülmüşdür.

Mənsub olduğu Kommunist partiyası dönə-dönə onu incitsə də, ideya və əqidəsində sədaqətli idi.

Həsənalı Baxışzadə 1987-ci ildə Laçın rayonunda vəfat eləyib.

Текст заголовка[redaktə | əsas redaktə]

Mənbə[redaktə | əsas redaktə]