Həzi Aslanov metrostansiyası

Vikipediya, açıq ensiklopediya
Keçid et: naviqasiya, axtar

Koordinatlar: 40°21′00″ şm. e. 49°50′00″ ş. u. / 40.35000° şm. e. 49.83333° ş. u. / 40.35000; 49.83333

Bakı Metropoliteni
Həzi Aslanov metrostansiyası
Baku Subway logo.jpg
Həzi Aslanov stansiyasının girişi
Həzi Aslanov stansiyasının girişi
Ölkə Flag of Azerbaijan.svg Azərbaycan
Şəhər BakıBakı
Tipi

Yeraltı

İstismara verilmə 12 dekabr 2002
Mövqeyi

Sonuncu dayanacaq

İstiqamətlər

İçərişəhər / Dərnəgül - MİNİK YOXDUR

Platformaların sayı

2

Saytı

Bakı metropoliteni

Həzi Aslanov metrostansiyasıBakı Metropoliteninin Qırmızı xəttinin sonuncu stansiyasıdır. 2002-ci ildə istifadəyə verilmişdir. Bu stansiyaya keçid rolunu oynayacaq olan Məhəmməd Hadi stansiyasının tikintisi hal-hazırda davam edir.

12 dekabr 2002-ci ildə istismara verilmişdir. Tikintisi Avropa Birliyi tərəfindən maliyyələşdirilmişdir.

Tarixi[redaktə | əsas redaktə]

Qırmızı xəttin bu günə qədər istifadəyə verilmiş sonuncu stansiyasıdır. Stansiya Azərbaycan xalqının şanlı oğlu, iki dəfə Sovet İttifaqı qəhrəmanı Həzi Aslanovun adını daşıyır. Stansiya iki dəfə açılış tarixi yaşaması ilə də tarixə düşüb. 2002-ci il dekabrın 10-da ilk sərnişinlərini qəbul edən stansiyanın rəsmi açılış mərasimi 2003-cü ilin iyul ayının 7-də keçirildi. İnşaatı 1980-ci illərdə başlanmış, lakin 1990-cı illərin böhranlı illərində dondurulmuş stansiya tikintisi Avropa Birliyinin ayırdığı 4,5 milyon avro hesabına tamamlandığından rəsmi açılış mərasiminə bu qurumun da səlahiyyətli nümayəndələri dəvət edilmişdilər. Tikintinin qalan məbləğini isə Azərbaycan dövləti öz üzərinə götürərək, inşaat işlərinə 5,5 milyard manat ayırdı.

Azərbaycan Respublikasının Baş naziri Artur Rasi-zadənin başçılıq etdiyi mərasimdə Avropa Birliyinin xarici işlər üzrə dövlət katibinin müavini xanım Marqarita Boniver, Avropa Komissiyası Baş İdarəsi rəisinin müavini Mişel Leyq iştirak etdilər.

Stansiyanın bir çıxışında «ET-5 M» tipli 3, digərində isə 2 eskalator işləyir.

Onun özəlliyini milli memarlıq ənənələrinə xas olan minarə üslublu dördbucaq sütunlar təşkil edir. Sütunların qalınlığı stansiyaya saraylara xas möhtəşəmlik effekti verir. Sütunlar iki cərgə boyunca tavan tirinə dirənərək sanki bütün ağırlığı öz üzərinə alıb.

Ümumiyyətlə, stansiya müstəqillik dövrünün ab-havasını özündə əks etdirərək əvvəlki illərdə inşa olunmuş stansiyalardan xeyli fərqlənir. Hərçənd ümumi kompleks yanaşma dəyişməyib.

Üzləmə işlərində boz rəngli mərmərdən və İran istehsalı olan qara qranitdən istifadə olunub. Qranit təbəqə stansiyanın yol divarlarının haşiyə zolaqlarında istifadə olunub. Tavana xüsusi effekt verən metal şəbəkələr arasında yerləşən çıraqlar döşəmənin boz rəngli örtüyündə əks olunaraq, əzəmət təsirini möhkəmləndirir. Bu mənzərəni döşəmənin sütunlararası hissəsində ağ mərmərdən rombşəkilli zolağı daha da gücləndirir.

Vestibüllərin genişliyini onun zal şəkilli formasında olması tamamlayır. Burada pilləkən üstü tavan divarında stansiyanın inşasının Avropa Birliyinin maliyyə dəstəyi ilə tamamlanmasını əks etdirən yazı və təşkilatın bayrağı yerləşdirilib.

Stansiyaya daxil olan qatarlarda bəstəkar Qəmbər Hüseynlinin «Ay işığında» mahnısından fraqment səslənir.

Şəhərə çıxış[redaktə | əsas redaktə]

Məhəmməd Hadi küçəsi
Xudu Məmmədov küçəsi
Heydər Əliyev parkı
Radiozavod

Keçidlər[redaktə | əsas redaktə]

Vikianbarda Həzi Aslanov metrostansiyası ilə əlaqəli mediafayllar var.

Həmçinin bax[redaktə | əsas redaktə]