Həzi Həsənov

Həzi Həsənov
Həzi Cəfər oğlu Həsənov
şəkil 1978-ci ildə çəkilib
Doğum tarixi	1913
Doğum yeri	Laçın rayonu, Azərbaycan SSR
Vəfat tarixi	30 oktyabr 1981
Vəfat yeri	Laçın rayonu
Dəfn yeri	Laçın rayonu
Mükafatları

Həzi Həsənov - Laçın rayonunun sosial-iqtisadi həyatının fəal iştirakçısı, İkinci dünya müharibəsi iştirakçısı, kapitan.

Həyatı

Həsənov Həzi Cəfər oğlu 1913-cü ildə Laçın rayonunun Qızılca kəndində anadan olub. İbtidai və səkkizillik təhsil aldıqdan sonra təhsilini davam etdirmək üçün rayon mərkəzinə gəlmiş, tam orta təhsilini burda başa vurmuşdur. 1937-ci ildə Laçın rayonunda komsomol işinə başlayan Həzi Həsənov sonralar rayon komsomol komitəsində şöbə müdiri, katib və II katib vəzifələrinə irəli çəkilmişdir.

1937-ci ildə Qızılca kənd sakini Meyxanım Əkbərova ilə ailə qurmuşdur. Bu ailənin dörd övladı olmuş və onlar da rayonun müxtəlif işlərində çalışmışlar.

Həzi Həsənov müharibə başlayarkən rayon komsomol komitəsinin katibi kimi könüllü olaraq cəbhəyə getmişdir. Tiflis şəhərində 6 aylıq zabit kursunu bitirdikdən sonra 416-cı milli atıcı diviziyanın tərkibində Mazdokdan Vyanaya qədər çox şərəfli döyüş yolu keçmişdir. 1946-cı ildə kapitan kimi ehtiyata buraxılmışdır. O, döyüşdə 6 dəfə müxtəlif yaralar almış və ömrünün sonuna kimi II qrup müharibə əlili statusa ilə partiya və digər işlərdə çalışmışdı.

Həzi Həsənov və həyat yoldaşı

Müharıbə qurtardıqdan sonra, yəni 1946-cı ildən yenidən komsomol komitəsinin katibi kimi fəaliyyətə başlamışdır. Sonralar rayon partiya komitəsinin katibi kimi fəaliyyətə başlamışdır. Sonralar Laçın rayon partiya komitəsinin təlimatçısı, şöbə müdiri, III katib, II katib kürsüsünə qədər yüksəlmişdir. 1952- ci ildə 8 ay müddətinə rayon partiya komitəsinin I katibini əvəz etmişdir. 1950-ci illərdə Ali Partiya Məktəbində Muradxan Cabbarov və Xıdır Bəylərovla birlikdə təhsil almışdır.

Həzi Həsənov 1963-cü ildən ömrünün sonuna kimi Laçın rayonu mədəniyyət şöbəsinin müdiri kimi fəaliyyət göstərmiş və dəfələrlə rayon sovetinin deputatı və Laçın Rayonon Partiya komitəsinin plenum üzvü seçilmişdir. Həzi Həsənov rayonun ictimai işlərində yaxından iştirak etmiş, rayonda mədəniyyətin və incəsənətin çiçəklənməsində böyük köməklik göstərmişdir. Həzi Həsənov 30 oktyabr 1981-ci ildə Laçın rayonunda vəfat etmişdir.

Mükafatları

Həzi Həsənov təltif olunmsı haqqında əmr

• "I dərəcəli Vətən müharibəsi" ordeni.
• "II dərəcəli Vətən müharibsi" ordeni.
• "Suvorov" ordeni.
• "Kutuzov" ordeni.
• Balaton gölünün ətrafındakı döyüşlərə görə Ali *Baş Komandanın xüsusi "Fəxri Fərmanı".
• "Şərəf" ordeni.

Mənbə

• "Laçın yurdu" jurnalı, №3(6), 2012, Bakı, "Bəxtiyar-4" nəşriyyatı, 2012. səh.33