Hacı Müslüm Axundlu

Vikipediya, açıq ensiklopediya
Jump to navigation Jump to search
Haci muslum axundlu.png

Hacı Müslüm Axundlu (Hacı Müslüm Axundlu; d. 25.12.1949, Babək rayonu, Cəhri) — Din xadimi.

Həyatı[redaktə | əsas redaktə]

Hacı Müslüm Axundlu 25 dekabr 1949-cu ildə Babək rayon Cəhri kəndində ziyalı ailəsində anadan olub. 1956-66-cı illərdə Cəhri kənd orta məktəbində, 1969-72-ci illərdə Naxçıvan Politexnik Texnikumunda (Naxçıvan şəhərində fəaliyyət göstərmiş keçmiş orta-ixtisas təhsili müəssisəsi) təhsil almışdır. Əmək fəaliyyətinə Cəhri kənd Q. Əkbərov adına kolxozda su təsərrüfatı müdiri olaraq başlamış, texniki təhlükəsizlik müfəttişi, Naxçıvan şəhərində fəaliyyət göstərmiş keçmiş tikinti idarəsində briqadir işləmişdir. Əmək fəaliyyəti ilə bağlı insanlarla sıx ünsüyyətdə olması Hacı Müslümə onlar arasında hörmət, Sovet rejiminin ciddi təqiblərinə baxmayaraq, 80-ci illərdən bəri göstərdiyi dini fəaliyyəti isə böyük nüfuz qazandırmışdır. O dövrdə nəinki dini təhsil almaq, dini ədəbiyyat tapmaq belə qeyri-mümkün idi, çünki insanlar repressiya qorxusundan Qurani-Kərim, dinə aid dərs və digər vəsaitləri, hətta, dinə aid olmayan əski əlifba ilə yazılmış kitabları belə gizlətmiş, ələ keçənlər isə rejimin xüsusi xidmət orqanlarının işçiləri tərəfindən məhv edilmişdir. Hacı Müslüm bu kimi çətinliklərə baxmayaraq özünün, Hacı Qadir və Hacı Fəxrəddin müəlimin köməkliyi ilə əldə etdiyi dini ədəbiyyatla dini savadını formalaşdırmış, müstəqilliyimiz əldə edildikdən sonra isə təkmilləşdirmişdir. Hacı Müslüm Axundlu Azərbaycanın müstəqilliyi uğrunda aparılan mübarizədə, I Qarabağ müharibəsi zamanı Naxçıvan MR Babək rayon Yuxarı və Aşağı Buzqov, Gərməçataq kəndlərinin müdafiəsində fəal iştirak etmişdir. Hazırda “Azərbaycan Vətən Müharibəsi Veteranları Birliyi”nin üzvüdü.