Hacı Salayev

Vikipediya, azad ensiklopediya
Jump to navigation Jump to search
Hacı Salayev
Salayev Haji.jpg
bayraqAzərbaycan Respublikasının Milli Məclisi IVV çağırış deputatıbayraq
2010 — 2020
Sələfi Baba Tağıyev
Xələfi Müşfiq Məmmədli
Seçki dairəsi 201044 saylı Sumqayıt-Abşeron
201544 saylı Sumqayıt-Abşeron
Şəxsi məlumatlar
Doğum adı Salayev Hacı Hacı Baba oğlu
Doğum tarixi 28 iyun 1968(1968-06-28) (53 yaş)
Doğum yeri
Təhsili

Təltifləri "Azərbaycan Xalq Cümhuriyyətinin 100 illiyi (1918-2018)" yubiley medalı"Azərbaycan Ordusunun 100 illiyi (1918-2018)" yubiley medalı
Vikianbarın loqosu Vikianbarda əlaqəli mediafayllar

Salayev Hacı Hacı Baba oğlu (28 iyun 1968, Sumqayıt) — Azərbaycan Respublikasının Milli Məclisi IVV çağırış deputatı.[1]

Həyatı[redaktə | mənbəni redaktə et]

Salayev Hacı Hacı Baba oğlu 28 iyun 1968-ci ildə Azərbaycan Respublikasının Sumqayıt şəhərində anadan olub. 1975-ci ildə Bakı şəhərinə köçüb. 1975–1985-ci illərdə Bakı şəhəri 6 saylı orta məktəb, 1994-cü ildə Azərbaycan Xalq Təsərrüfatı İnstitutu, Plan-iqtisad fakültəsi, 2002-ci ildə Bakı Dövlət Universiteti Hüquq fakültəsində təhsil almışdır.

1985-ci ilin iyun ayında "İdman" İstehsalat Birliyində fəhlə vəzifəsində əmək fəaliyyətinə başlayıb.

1986-ci ilin noyabr ayından 1988-ci ilin oktyabr ayınadək Ordu sıralarında həqiqi hərbi xidmətdə olmuşdur. Ordu sıralarından tərxis olunduqdan sonra "İdman" İstehsalat Birliyində əmtəəşünas, sonra isə iqtisadçı vəzifələrində işləyib.

1991-ci ilin noyabr ayında Hədiyyələr və Bədii Məmulat üzrə Xalq Yaradıcılığı İstehsalat Birliyi "Şəbəkə" Filialının direktoru vəzifəsinə təyin olunub.

2002-ci ilin noyabr ayından 2005-ci ilin mart ayınadək "TRUST" Mühafizə Şirkətinin Baş direktoru vəzifəsində işləyib. 2006-cı ilin mart ayından 2010-cu ilin fevral ayınadək "TRUST" Mühafizə Şirkətinin İdarə Heyətinin sədri vəzifəsində işləyib.

Azərbaycan Milli Elmlər Akademiyasının İqtisadiyyat İnstitutunun dissertantıdır.

Ailəsi[redaktə | mənbəni redaktə et]

Evlidir. Dörd övladı var.

Hərbi fəaliyyəti[redaktə | mənbəni redaktə et]

1996-cı ilin fevral ayından 2002-ci ilin oktyabr ayınadək Azərbaycan Respublikası Prezidenti yanında Xüsusi İdarədə hərbi xidmətdə olub. Xidmət etdiyi müddət ərzində müxtəlif vəzifələrdə işləyib. Son tutduğu vəzifə Azərbaycan Respublikası Milli Təhlükəsizlik Nazirliyinin şöbə rəisi vəzifəsi olmuşdur.

Ehtiyatda olan polkovnik rütbəli zabitdir.

Siyasi fəaliyyəti[redaktə | mənbəni redaktə et]

2005-ci ilin avqust ayından 2006-cı ilin mart ayınadək Azərbaycan Respublikası Dövlət Neft Şirkəti Prezidentinin Təhlükəsizlik məsələləri üzrə müşaviri və Təhlükəsizlik Departamentinin rəisi vəzifəsində işləyib.

29 noyabr 2010-cu ildə IV Çağırış Azərbaycan Respublikası Milli Məclisinin deputatı seçilib. Milli Məclisin Təhlükəsizlik və Müdafiə Komitəsinin üzvü olub.

2011–2015-ci illərdə Müstəqil Dövlətlər Birliyi Parlament Assambleyasının Hüquq Məsələləri Daimi Komissiyasının sədr müavini olub. 2012–2015-ci illərdə Azərbaycan-Peru Parlamentləri ilə əlaqələr üzrə işçi qrupun rəhbəri olub.

24 noyabr 2015-ci ildə V Çağırış Azərbaycan Respublikası Milli Məclisinin deputatı seçilib. Milli Məclisin Müdafiə, Təhlükəsizlik və Korrupsiya ilə Mübarizə Komitəsinin üzvü olub. Azərbaycan-Türkiyə Parlamentləri ilə əlaqələr üzrə işçi qrupun üzvü olub. 2016-cı ildə Milli Məclisin Azərbaycan-Estoniya Parlamentləri ilə əlaqələr üzrə işçi qrupun rəhbəri seçilib.

Təltifləri[redaktə | mənbəni redaktə et]

  • 2012-ci ildə "Müstəqil Dövlətlər Birliyi Parlament Assambleyasının 20 illiyi" ("МПА СНГ.20 лет") medalı.
  • 2015-ci ildə Müstəqil Dövlətlər Birliyi Parlament Assambleyasının Şurası tərəfindən "Parlament əməkdaşlığının möhkəmləndirilməsinə görə" Medalı (Медаль "За укрепление парламентского сотрудничества").
  • 2018-ci ildə Azərbaycan Respublikası Milli Məclisinin Fəxri medalı.
  • 2018-ci ildə Azərbaycan Respublikası Milli Məclisinin "Parlament" medalı.
  • 2018-ci ildə "Azərbaycan Xalq Cumhuriyyətinin 100 illiyi (1918–2018)" medalı.
  • 2018-ci ildə "Azərbaycan Respublikası Milli Məclisinin 100 illiyi (1918–2018)" medalı.
  • 2018-ci ildə "Azərbaycan Ordusunyn 100 illiyi (1918–2018)" yubiley medalı.

İstinadlar[redaktə | mənbəni redaktə et]