Hacıbaba Şərifov

Vikipediya, açıq ensiklopediya
Jump to navigation Jump to search
Hacıbaba Şərifov
Doğum tarixi 8 sentyabr 1895(1895-09-08)
Doğum yeri Şamaxı, Şamaxı qəzası, Bakı quberniyası, Rusiya İmperiyası
Vəfat tarixi 3 noyabr 1920(1920-11-03) (25 yaşında)
Vəfat yeri Bakı, Bakı qəzası, Azərbaycan SSR
Fəaliyyət illəri 1914–1920

Hacıbaba Şərifov (Şərifzadə) (8 sentyabr 1895(1895-09-08), Şamaxı, Bakı quberniyası3 noyabr 1920(1920-11-03), Bakı) — azərbaycanlı teatr rejissoru, aktyor.

Həyatı[redaktə | əsas redaktə]

Hacıbaba Şərifov Azərbaycan teatrı ilə sıx bağlı bir nəslin nümayəndəsi olmuşdur. Dörd qardaş – Ağasəlim, Hacıbaba, Niyaz və Ağakərim Şərifovların həyatı teatrla bağlı olmuşdur. Ağasəlim və Ağakərim Şərifovlar həvəskar kimi uşaq rollarını oynamışlar. O zamanın teatr afişa və proqramlarında onların adlarına da rast gəlinir. Hacıbaba Şərifovun o biri qardaşı görkəmli rejissor Niyaz Şərifov bir çox musiqili komediyaların quruluşçusu olmuşdur.

Hacıbaba Şərifov ilk milli operalarda həm aktyor, həm rejissor kimi çıxış edirdi. O, Ü.Hacıbəyovun "Şeyx Sənan" operasının rejissoru olmuş, M.Maqomayevin "Şah İsmayıl" operasının premyerasında Aslan şah partiyasını ifa etmişdir. C.Cabbarlı onun sənətinə, fəaliyyətinə yüksək qiymət verərək yazırdı: "Bu adam özündə çırpınan həvəs və şövq nəticəsində ta cocuqluqdan bütün varlığını səhnəyə, daha doğrusu, sənayei-nəfisəyə vəqf etmiş, Azərbaycan səhnəsinin fəlakətlərinə ağlamış, müvəffəqiyyətlərilə sevinmiş və bir bir vaxt səhnəmizdə çalışmaq üçün ağır şəraitə və sıxıntılara baxmayaraq, bir addım geri aparmış və öz göz yaşlarına bulanmış bir parça çörəyə qənaətlə daima irəli, irəli getdikcə sıxlaşan əzab və məşəqqətlər içərisinə doğru irəliləmişdir". C.Cabbarlı və A.Rzayev H.Şərifovun ölümü münasibətilə yazdıqları nekroloqlarda onu akkord və rejissor, eləcə də, opera əsərlərinin müəllifi kimi qiymətləndirirlər. C.Cabbarlı onun ölümünü Hacı Hacınski, Vəli (Ə.Əliyev) və Hüseyn Ərəblinskidən sonra Azərbaycan səhnəsinə dəyən ən müdhiş zərbə hesab edirdi. H.Şərifov Azərbaycan teatrında həm aktyor, həm rejissor köməkçisi kimi çalışırdı. O, mahir aktyorluq istedadına, gözəl səsə malik idi. 6 opera librettosunun müəllifi olmuşdur: 1920-ci ilədək Hacıbaba Şərifovun rus musiqiçisi və dirijoru D.Slavinski ilə yazdığı 3 operası – "Əsli və Kərəm", "Mehr və Mah", "Tahir və Zöhrə" tamaşaya qoyulmuşdur. Hacıbaba Şərifov öz operalarında aktyor kimi də çıxış edirdi: "Mehr və Mah"da o, Kürdoğlunun, "Tahir və Zöhrə" operasında Çingizin partiyalırını ifa etmişdir. H.Şərifovun "Mehr və Mah" operası Nicat cəmiyyəti tərəfindən alınmışdır.

Həmçinin bax[redaktə | əsas redaktə]