Hacıbaba Bağırov

Vikipediya, açıq ensiklopediya
Jump to navigation Jump to search
Infobox-realisateur.png
HACIBABA BAĞIROV
Hacıbaba Ağarza oğlu Bağırov
Fotoqrafiya
Doğum tarixi
12 iyun 1932(1932-06-12)
Doğum yeri Bakı, Flag of the Soviet Union.svg SSRİ, Flag of the Russian Empire (black-yellow-white).svg Rusiya İmperiyası
Vəfat tarixi 4 oktyabr 2006 (74 yaşında)
Vəfat yeri Bakı, Azərbaycan
Vəfat səbəbi onikibarmaq bağırsağın iltihabı
VətəndaşlığıFlag of Azerbaijan.svg Azərbaycan
PeşəsiAktyor
Mükafatları"Şöhrət" ordeni
IMDb:ID 3444744

Bağırov Hacıbaba Ağarza oğlu (12 iyun 1932 - 4 oktyabr 2006) — Azərbaycanın görkəmli teatr və kino aktyoru, Azərbaycan Respublikasının Xalq Artisti, Şöhrət ordeni laureatı, Azərbaycan Dövlət Musiqili Teatrı'nının keçmiş direktoru və bədii rəhbəri, "Tənqid-təbliğ" teatrının direktoru və bədii rəhbəri.

Həyatı[redaktə | əsas redaktə]

1932-ci il iyun ayının 12-də[1] Bakı şəhərində, fəhlə ailəsində anadan olub. Kiçik yaşlarından teatr sənətinə olan böyük həvəsi 1947-ci ildə orta məktəbi bitirəndən sonra, onu Azərbaycan Dövlət Akademik Dram Teatrı nəzdindəki aktyor studiyasına gətirib-çıxarıb.[2] Orada sənət korifeylərindən dərslər alıb – nəzəri və təcrübi vərdişlər teatra marağını və məhəbbətini daha da artırıb və 1950-ci ildə Lənkəran Dövlət Dram Teatrında ilk müstəqil yaradıcılıq fəaliyyətinə başlayıb.

1953-cü ildə Azərbaycan Dəmiryol Məktəbini bitirib, bir müddət Biləcəri deposunda maşinist köməkçisi işləyib.

1959-1960-cı illərdə Daxili İşlər Nazirliyinin klubuna rəhbərlik edib.

1960-cı ildə C.Cabbarlı adına Gəncə Dövlət Dram Teatrının aktyor truppasına qəbul olunub. Bu kollektivdə Fuad ("Almas"), Şahsuvar ("Komsomol poeması"), Rəşid ("Anacan") kimi müxtəlif səpgili rollar oynayıb. 1962-ci ildə Musiqili Komediya Teatrına dəvət olunub. Burada fəaliyyət göstərdiyi 26 il ərzində yaratdığı 50-dən çox surətin onun gülüş ustası kimi püxtələşməyində və populyar olmağında böyük təsiri olub. Üzeyir Hacıbəyovun "Arşın mal alan"ında Soltan bəy, "O olmasın, bu olsun"da Məşədi İbad, Z,Hacıbəyovun "50 yaşında cavan"ında Orduxan, S.Ələsgərovun "Həmişəxanım"ında Cəbi Cüməzadə, "Hardasan, ay subaylıq"da Novruzəli, Ə.Abbasovun "Həyətim mənim-həyatım mənim"ində Qulam, E.Sabitoğlunun "Hicran"ında Mitoş, "Nəğməli Könül"də Fərzəli, V.Adıgözəlovun "Nənəmin şahlıq quşu"nda Cəsarət, S.Hacıbəyovun "Qızılgül"ündə Nadir, A.Məşədibəyovun "Toy kimindir?"ində Uzun, E.Sabitoğlu, T.Vəliyevanın "Bankir Adaxlı", "Sizinlə gülə-gülə", "Bildirçinin bəyliyi", "92 dəqiqə gülüş" triollogiyasında Sonqulu, "Məhəbbət oyunu"nda Nuruş, "On min dollarlıq keyf"də Fərzəli kimi tamaşaçıların dərin rəğbətini qazanmış rollarla milli mədəniyyətimizin inkişafına xidmət edib.

Teatrla yanaşı kino sahəsində də fəaliyyəti uğurlu olub. "Ulduz"da Möhsün, "Mehman"da Arif, "Onun bəlalı sevgisi"ndə Qaraxalov, "Alma almaya bənzər"də Məmmədəli, "Şirbalanın məhəbbəti"ndə Şirbala rolları kino həvəskarları tərəfindən maraqla qarşılanıb.

1974-cü ildə Respublikanın Əməkdar Artisti, 1982-ci ildə "Azərbaycanın Xalq Artisti" fəxri adlarına layiq görülüb. H. A. Bağırov Azərbaycan Respublikası Prezidentinin 11 iyun 1998-ci il tarixli, 717 nömrəli Fərmanına əsasən «Şöhrət» ordeni ilə təltif edilib

1989-cu ildən 1996-cı ilədək yaratdığı "Tənqid-təbliğ" teatrının direktoru və bədii rəhbəri vəzifələrində çalışıb.[3] 1996-cı ildən Ş.Qurbanov adına Azərbaycan Dövlət Musiqili Komediya Teatrının direktoru, bədii rəhbəri və aktyoru olub. 2001-ci ildə E.Sabitoğlu, T.Vəliyevanın "Bankir adaxlı" tamaşasına görə "Qızıl Dərviş" mükafatına layiq görülüb.

Hacıbaba Bağırov 4 oktyabr 2006-ci il, 74 yaşında vəfat edib. [4]

Ailəsi[redaktə | əsas redaktə]

Hacıbaba Bağırov ikinci evliliyi Arzu Bağırova ilə 31 dekabr 2000-ci ildə olub.

Filmoqrafiya[redaktə | əsas redaktə]

  1. Aktrisanın təbəssümü (film, 1974)
  2. Alma almaya bənzər (film, 1975)(tammetrajlı bədii film)-rol: Məmmədəli
  3. Bir az da Bahar bayramı (film, 1979)
  4. General (film, 1970)
  5. Gülüş sanatoriyası (film, 1989)
  6. İstintaq davam edir (film, 1966)
  7. Kişilər (film, 1979)
  8. Qanun naminə (film, 1968)
  9. Məhəllə 2 Moskvada (film, 2004)
  10. Müşavirə (film, 1971)
  11. Ömrün səhifələri (film, 1974)
  12. Onun bəlalı sevgisi (film, 1980)
  13. Pərdə arxasında (film, 1987)
  14. Salam, Zeynəb! (film, 1982)
  15. Sehrli çıraq (film, 1987)
  16. Sonuncu məhəbbət (film, 1985)
  17. Şirbalanın məhəbbəti (film, 1991)
  18. Ulduz (film, 1964)

İstinadlar[redaktə | əsas redaktə]

  1. "Təqvim-iyun". //"Cinema News" jurnalı.- 2008.- iyun.- səh. 14.
  2. Lider TV (04.10.2016). "Səda - Hacıbaba Bağırovun anım günüdür" (az). Youtube.com. https://www.youtube.com/watch?v=2fJvI-m0fDo. İstifadə tarixi: 2016-10-06.
  3. InterAz (04.10.2018). "Xalq artisti Hacıbaba Bağırovun anım günüdür" (az). Youtube.com. https://www.youtube.com/watch?v=yBu4oTSkXDc. İstifadə tarixi: 2018-10-04.
  4. Hacıbaba Bağırovun dəfni: http://m.modern.az/az/news/43575#gsc.tab=0