Məzmuna keç

Hanako-san

Vikipediya, azad ensiklopediya

Toyre no Hanako-san (トイレの花子さん?, hərf. "Tualetdəki Hanako-san") və ya sadəcə Hanako-san – tualetlərdə məskunlaşmış Hanako adlı gənc qızın ruhundan bəhs edən yapon şəhər əfsanəsi. Bir çox şəhər əfsanəsində olduğu kimi Hanako-san əfsanəsi ilə bağlı detallar müxtəlifdir. Hekayənin müxtəlif versiyalarında Hanako-sanın İkinci Dünya müharibəsində gizlənpaç oynayarkən hava hücumu zamanı öldürüldüyü göstərilir. Digər versiyalara görə o, valideyni tərəfindən öldürülüb və ya bullinq səbəbilə məktəb tualetində intihar edib.

Hanako-sanla bağlı əfsanələr Yaponiya məktəblərində olduqca populyardır. Hanako-san haqqında filmlər, manqalar, animelər və videooyunlar hazırlanmışdır. Bəzi əsərlərdə Hanako-sanın oğlan versiyası olan Hanako-kun uydurulmuşdur.

Tarixi

[redaktə | vikimətni redaktə et]

Folklorşünas Metyu Meyerin araşdırmasına görə Hanako-sanla bağlı əfsanələr 1950-ci illərdə ortaya çıxmışdır.[1] "Yokay kitabı: Yaponiya folklorunun müəmmalı varlıqları" kitabının müəllifi Dilan Fosterə görə Hanako-sanın bu cür məşhur şəhər əfsanəsi olmasına səbəb Yaponiyadakı bütün məktəblərlə əlaqələndirilməsidir. 1990-cı illərdən etibarən Hanako-san filmlərdə peyda olmağa başlamış və populyar mədəniyyətin bir hissəsinə çevrilmişdir.[2]

Əfsanə

[redaktə | vikimətni redaktə et]

Şəhər əfsanəsinə görə Hanako-san məktəb tualetlərində məskunlaşmış gənc bir qızın ruhudur. O, yokay və ya yurey kimi təsvir oluna bilər.[1][3] Hanako-sanın fiziki görünüşü haqqında detallar müxtəlifdir, lakin əsasən kare saç düzümündə və qırmızı paltarda təsvir olunur.[4][2][5] Hanako-sanın mənşəyi haqqında müxtəlif versiyalar var.[2] Bəzi versiyalarda Hanako-san yad biri və ya istismarçı valideyn tərəfindən məktəb tualetində öldürülmüş uşaqdır.[1][3] Digər versiyalarda o, məktəb tualetində intihar edib.[1] Bəzi versiyalarda isə o, İkinci Dünya müharibəsi dövründə yaşamış,[2] gizlənpaç oynayarkən məktəb tualetində gizlənib ölən hava hücumu qurbanıdır.[1][3]

Hanako-sanı çağırmaq istəyən şəxs qızlar tualetinə daxil olmalı (adətən məktəbin üçüncü mərtəbəsindəki), tualetdəki üçüncü qapını üç dəfə döyməli və Hanako-sanın orada olub-olmadığını soruşmalıdır.[1][2][5] Əgər Hanako-san oradadırsa, "Bəli, burdayam" cavabı verəcək.[1][2] Hekayənin bəzi versiyalarında qeyd olunur ki, şəxs qanlı və ya kabuslu əl görəcəklər.[2][5] Əl və ya Hanako-san şəxsi tualetə doğru çəkə və onu cəhənnəmə gətirə bilər.[1][4] Digər versiyada qeyd olunur ki, şəxs Hanako-sanı narahat etdiyi üçün üç başı olan kərtənkələ tərəfindən yeyilə bilər.[2][6]

Populyar mədəniyyətdə

[redaktə | vikimətni redaktə et]

Hanako-san personajı filmlərdə, ədəbiyyatda, manqalarda, animelərdə və videooyunlarda peyda olmuşdur. Hanako-san haqqında çəkilən ilk film 1995-ci il istehsalı "Tualetdəki Hanako-san" filmidir.[7] Filmdə Hanako-san intihar etmiş bir qızın məktəb tualetində məskunlaşmış ruhudur.[8] 1998-ci ildə "Yeni Tualetdəki Hanako-san" filmi çəkilmişdir.[7] Filmdə Hanako-san ölməzdən öncə təhsil aldığı orta məktəbdə məskunlaşmış qisasçı kabusdur.[9][10] 2013-cü ildə onun haqqında "Tualetdəki Hanako-san: Yeni film" filmi çəkilmişdir.[7]

Sakae Esuo tərəfindən yaradılmış "Hanako and the Terror of Allegory" manqa seriyası Hanako-san kimi şəhər əfsanələrini araşdıran özəl detektiv haqqındadır.[11] 2014-cü ildə serializasiya olunmağa başlayan "Toilent-Bound Hanako-kun" manqa seriyası Hanako-sanın oğlan versiyası Hanako-kundan bəhs edir.[12] Manqa əsasında çəkilən anime serialı 2020-ci ildə yayımlanmağa başlamışdır.[12][13] Hanako-sanın peyda olduğu digər anime seriallarına "Kyōkai no Rinne",[14] "GeGeGe no Kitarō"[15] və "Ghost Stories" aiddir.

Həmçinin bax

[redaktə | vikimətni redaktə et]

İstinadlar

[redaktə | vikimətni redaktə et]
  1. 1 2 3 4 5 6 7 8 Meyer, Matthew. "A-Yokai-A-Day: Hanako-san (or "Hanako of the Toilet")". MatthewMeyer.net. 27 oktyabr 2010. 5 aprel 2019 tarixində arxivləşdirilib. İstifadə tarixi: 7 avqust 2019.
  2. 1 2 3 4 5 6 7 8 Grundhauser, Eric. "Get to Know Your Japanese Bathroom Ghosts". Atlas Obscura. 2 oktyabr 2017. 27 dekabr 2019 tarixində arxivləşdirilib. İstifadə tarixi: 12 iyul 2019.
  3. 1 2 3 Yoda, Alt, 2013. səh. 237
  4. 1 2 Bathroom Readers' Institute, 2013. səh. 178
  5. 1 2 3 Meza-Martinez, Cecily; Demby, Gene. "The Creepiest Ghost And Monster Stories From Around The World". NPR. National Public Radio, Inc. 31 oktyabr 2014. 4 sentyabr 2020 tarixində arxivləşdirilib. İstifadə tarixi: 6 avqust 2019.
  6. ↑ From Travel + Leisure. "World's most haunted forests". BBCc.com. 1 avqust 2020 tarixində arxivləşdirilib. İstifadə tarixi: 19 sentyabr 2020.
  7. 1 2 3 Dylan Foster, 2015. səh. 272
  8. ↑ Harper, 2009. səh. 19–20
  9. ↑ Yoda, Alt, 2013. səh. 268
  10. ↑ Harper, 2009. səh. 19–21
  11. ↑ Eisenbeis, Richard. "A Manga About Urban Horror Stories Become Real". Kotaku. G/O Media. 14 sentyabr 2015. 7 avqust 2019 tarixində arxivləşdirilib. İstifadə tarixi: 7 avqust 2019.
  12. 1 2 Pineda, Rafael Antonio. "Lerche Animates Toilet-Bound Hanako-kun Anime for 2020 Premiere". Anime News Network. 4 iyul 2019. 24 sentyabr 2019 tarixində arxivləşdirilib. İstifadə tarixi: 7 avqust 2019.
  13. ↑ Hodgkins, Crystalyn. "Toilet-Bound Hanako-kun Anime Reveals Visual, More Staff". Anime News Network. 13 iyul 2019. 11 sentyabr 2019 tarixində arxivləşdirilib. İstifadə tarixi: 7 avqust 2019.
  14. ↑ Orsini, Lauren. "Episode 5 - Kyōkai no Rinne". Anime News Network. 6 may 2015. 7 avqust 2019 tarixində arxivləşdirilib. İstifadə tarixi: 7 avqust 2019.
  15. ↑ Silverman, Rebecca. "Episode 10 - GeGeGe no Kitarō". Anime News Network. 3 iyun 2018. 7 avqust 2019 tarixində arxivləşdirilib. İstifadə tarixi: 7 avqust 2019.

Ədəbiyyat

[redaktə | vikimətni redaktə et]
Mənbə — "https://az.wikipedia.org/w/index.php?title=Hanako-san&oldid=8485909"