Məzmuna keç

Hanna Hopka

Vikipediya, azad ensiklopediya
Hanna Hopka
ukr. Ганна Миколаївна Гопко
Ukrayna Ali Radasının Xarici İşlər Komitəsinin sədri
27 noyabr 2014[1] – 29 avqust 2019
Ukrayna Ali Radasının VIII çağırış xalq deputatı
29 noyabr 2014 – 29 avqust 2019
Şəxsi məlumatlar
Doğum tarixi 4 mart 1982(1982-03-04) (44 yaş)
Fəaliyyəti siyasətçi, jurnalist, ətraf mühit fəalı
Vikianbarın loqosu Vikianbarda əlaqəli mediafayllar

Hanna Hopka (ukr. Ганна Миколаївна Гопко; 4 mart 1982)[2] — ukraynalı vətəndaş cəmiyyəti lideri və siyasətçisi, Ukrayna Ali Radasının Xarici İşlər Komitəsinin keçmiş sədri və sabiq deputatı. O, 2019-cu ildə Ukraynada keçirilən parlament seçkilərində iştirak etməyib.[3]

Hanna Hopka "ANTS" Milli Maraqların Müdafiəsi Şəbəkəsinin təsisçisi və idarə heyətinin sədri,[4][5][6] Ukrayna Qələbəsi üzrə Beynəlxalq Mərkəzin (ICUV) həmtəsisçisi[7] və Varşava Təhlükəsizlik Forumunun Beynəlxalq Məşvərət Şurasının üzvüdür.[8]

Hopka, advokasiya, Rusiya ekspansionizmi və hibrid müharibəsi üzrə mütəxəssisdir. O, Ukraynanın Ləyaqət inqilabı zamanı Avromeydanın mülki liderlərindən biri olub. Hopka 2014-cü ildə avropayönümlü "Özünəinam" Partiyasından parlamentə seçilmiş, daha sonra isə müstəqil deputat kimi fəaliyyətini davam etdirmişdir. O, Kanadanın ev sahibliyi etdiyi müxtəlif forumlarda, o cümlədən NATO Parlament Assambleyasının Kiyevdə keçirilən 95-ci Rouz-Rot seminarında təhlükəsizlik məsələləri haqqında çıxışlar etmişdir. Həmçinin, 2019-cu ildə Torontoda keçirilən Ukrayna İslahat Konfransında Kanadanın xarici işlər naziri Kristya Friland ilə birlikdə əsas məruzəçi qismində çıxış etmişdir. O, Dünya İqtisadi Forumu və Münhen təhlükəsizlik konfransının "Gənc qlobal liderlər" şəbəkəsinin üzvüdür.[9]

Erkən həyatı və təhsili

[redaktə | vikimətni redaktə et]

Hanna Hopka 4 mart 1982-ci ildə Lvov vilayətinin Peremışlyanı rayonunun Hanaçivka kəndində anadan olub. 2004-cü ildə İvan Franko adına Lvov Milli Universitetində beynəlxalq jurnalistika üzrə magistr dərəcəsi alıb. 2009-cu ildə sosial kommunikasiyalar üzrə fəlsəfə doktoru elmi dərəcəsinə yiyələnib. O, Mülki Təhsil Layihəsi tərəfindən ekoloji tədris sahəsindəki nailiyyətlərinə görə CEP diplomu ilə təltif edilib. 2008-ci ildə Cons Hopkins Blumberg İctimai Səhiyyə Məktəbinin "Tütün nəzarəti üzrə liderlik proqramı"nı bitirib. 2009-cu ildə Taras Şevçenko adına Kiyev Milli Universitetində sosial kommunikasiyalar üzrə fəlsəfə doktoru dərəcəsinə yiyələnib.[10][11] 2012-ci ildə Ukrayna Siyasi Araşdırmalar Məktəbində təhsil alıb. 2017-ci ildə isə Oksford Universitetinin Səid Biznes Məktəbində "Transformasiyaedici Liderlik: Zirvədə Liderlik" proqramını tamamlayıb.[12]

Ailəsi

[redaktə | vikimətni redaktə et]

Hopka evlidir və bir qızı var.[13]

Karyerası

[redaktə | vikimətni redaktə et]

Vətəndaş cəmiyyəti fəaliyyətləri

[redaktə | vikimətni redaktə et]

Hopka Ukrayna, Qazaxıstan, Qırğızıstan, Gürcüstan və Belarusda vətəndaş cəmiyyəti fəalları üçün nəzərdə tutulmuş müxtəlif təlim proqramlarının iştirakçılarından olub.

2005-2007-ci illərdə o, Kiyevdə Ukrayna Vətəndaş Fəaliyyəti Şəbəkəsinin (UCAN/ISC, USAID podratçısı) kommunikasiya meneceri vəzifəsində çalışmış, həmçinin Donetsk vilayəti, Belarus və Qazaxıstanda ekoloji jurnalistika üzrə təlim proqramlarına rəhbərlik etmişdir.

2009-cu ildə o, Ukraynada tütün istifadəsinin azaldılması üzrə "Blumberg Təşəbbüsü"ndə əsas tərəfdaşı, habelə ENSP, FCA və ÜST-ün Ukrayna nümayəndəsi olan "Həyat" Regional Təbliğat Mərkəzi"nin həmtəsisçisi olmuşdur. Hopka 2012-ci ilin aprel ayına qədər həmin mərkəzin direktor müavini vəzifəsini icra edib.

2009-cu ildə Hopka həmçinin "Tütünsuz Ukrayna uğrunda" QHT və Təşəbbüslərin Milli Koalisiyasının vəkillik üzrə koordinatoru olub. O, tütün məmulatlarının reklamı və sponsorluğuna tam qadağa qoyulması, bütün ictimai və qapalı iş yerlərində siqaret çəkilməsinin qadağan edilməsi, siqaret qutuları üzərində qrafik xəbərdarlıqların tətbiqi və tütün vergilərinin artırılması da daxil olmaqla, tütünlə mübarizəyə dair beş qanunun qəbul edilməsinə nail olmuşdu. Ümumdünya Səhiyyə Təşkilatının tütün haqqında 2011-ci il hesabatına əsasən, Hopkanın səyləri nəticəsində Ukrayna siqaret çəkilməsinə görə dünyada 4-cü yerdən 29-cu yerə enmişdir.[14]

2012-ci ilin yanvarında Hopka "Oxmatdet" Milli Uşaq İxtisaslaşdırılmış Xəstəxanasının Himayəçilər Şurasının üzvü olub.

2010–2012-ci illərdə o, parlamentin "Mənəviyyat, Mənəvi dəyərlər və Milli sağlamlıq" qrupunun müşaviri olub. 2011-2014-cü illərdə Siyasi Təhsil İnstitutunda və Milli Demokratiya İnstitutunda vəkillik üzrə ekspert kimi fəaliyyət göstərib.

2014-cü ilin fevralından sentyabrınadək o, "İslahatların Reanimasiya Paketi" təşəbbüsünün koordinatoru[15] və parlamentlərarası "İslahatlar Platforması" qrupunun üzvü olub.

Hopka, "Demokratiya fəaliyyətdə" adlı beynəlxalq konfransın təşəbbüskarı və həmtəşkilatçısı olub. Konfransın iştirakçıları arasında Vladimir Zelenski, Maya Sandu, Mirça Geoana, Gianni Buquiçio, Vera Jourova və Samanta Pauer kimi şəxslər də yer alıb.[16]

Rusiyanın Ukraynaya hücumundan sonra, Hopka Ukraynaya beynəlxalq dəstəyin təmin edilməsi istiqamətində vəkillik aksiyaları həyata keçirərək müxtəlif humanitar və təbliğat kampaniyalara rəhbərlik etmişdir. Buraya Ukraynanın yüksək dəqiqlikli silahlar, sursatlar, "Leopard" və "Abrams" tankları, F-16 qırıcıları və ATACMS raketləri ilə təmin edilməsi daxil idi.[17][18][19]

O, Ukrayna və Ukrayna xalqını fərdi, icma və qlobal səviyyədə dəstəkləyən Milli Maraqların Müdafiəsi şəbəkəsi (ANTS) və Ukrayna Qələbəsi üçün Beynəlxalq Mərkəzinə (ICUV) rəhbərlik edib. Onun rəhbərlik etdiyi təşkilatlar icmaların işğaldan sonra bərpa olunmasına və yenidən qurulmasına kömək edir, həmçinin Ukraynanın beynəlxalq əlaqələrinin qurulmasına və möhkəmləndirilməsinə dəstək verir. Onun fəaliyyətinin əsas istiqamətlərindən biri Ukrayna Silahlı Qüvvələrini və Ukraynanı AB və NATO-ya yaxınlaşdırmaqdır.[20]

Ukrayna Qələbəsi üçün Beynəlxalq Mərkəz

[redaktə | vikimətni redaktə et]

Rusiyanın 24 fevral 2022-ci ildə Ukraynaya müdaxiləsindən sonra, Hopka digər ukraynalı vətəndaş cəmiyyəti liderləri — Darya Kalenyuk, Olena Qaluşka, Olqa Ayvazovskaya, Kazimir Pulaski Fondundan Katajina Pisarska ilə birlikdə Ukrayna Qələbəsi üçün Beynəlxalq Mərkəzini (ICUV) təsis etdilər.[21][22][23][24] 2023-cü ilin fevralından Hopka Rusiyaya qarşı sanksiyaların tətbiqi, Rusiyanın törətdiyi cinayətlərə görə məsuliyyətə cəlb edilməsi üçün tribunalın yaradılması, Ukrayna Silahlı Qüvvələrinin silahla təchiz edilməsi üçün beynəlxalq ictimaiyyətlə əməkdaşlıq və Ukraynanın bərpası planlarının hazırlanması istiqamətində lobbiçilik fəaliyyətini həyata keçirir. 2022-ci ilin fevralında UQBM, Qərb hökumətlərini rusiyalı oliqarxların gəlirlərini müsadirə etməyə çağıran "Putin reallığını (pulqabılarını) blokla" aksiyasını başlatdı.[25] Hopka, həmçinin 2022-ci ilin noyabrında Seulda "Human Asia" və Keçid Dövrü Ədaləti İşçi Qrupu (TJWG) tərəfindən təşkil edilən dəyirmi masada çıxış edərək Ukraynanın maraqlarını müdafiə etdi.[19][26]

2023-cü ilin yanvarında Hopka ilə imzalanmış anlaşma memorandumlarına əsasən, Mikolayiv meri Aleksandr Syenkeviç və Xerson mülki-hərbi administrasiyasının dəstəyi ilə Tayvan generatorlar və isitmə avadanlıqlarının alınması üçün bu şəhərlərə 1 milyon ABŞ dolları məbləğində ianə edib.[27][26] 2023-cü ilin mayında Stokholmda keçirilən "Ukrayna Forumu: Gələcək üçün Dayanıqlılığın qurulması" tədbirində Hopka, Ukraynada sülhü tərənnüm etdirən "Dayanıqlı Sülh Manifesti: Bir Daha Heç Vaxt 2.0" sənədini təqdim edib.[28][29][30] O, Dayanıqlı Sülh Manifestinin müəlliflərindən biridir.[31][29]

2023-cü ilin yanvarında Ukraynanın Qələbəsi üçün Beynəlxalq Mərkəz, dünya liderlərini Ukraynanın qələbəsi üçün səfərbər etmək, nüvə təhlükəsini müzakirə etmək və təcavüzkar ölkəyə qarşı sanksiyaları gücləndirmək məqsədilə Yaponiyada vəkillik ilinə başladı. Bu sanksiyalara Krımda, Ukraynanın şərqində və yeni işğal olunmuş ərazilərdə repressiyalar həyata keçirən Rusiya rəsmilərinə qarşı fərdi sanksiyalar, həmçinin "Rosatom"a qarşı məhdudiyyətlər, Rusiya aktivlərinin müsadirə edilməsi, beynəlxalq tribunalın yaradılmasının vacibliyi və Ukraynanın gələcək bərpası daxil idi.[32][33] Hopko visited Japan as part of this initiative to promote support for Ukraine, keep the world's attention on events in Ukraine, and attract resources for recovery.[34] Hanna Hopka Ukraynaya dəstəyi gücləndirmək, dünyanın diqqətini Ukraynadakı hadisələrə yönəltmək və yenidənqurma üçün resursların əldə edilməsi məqsədilə Yaponiyaya səfər etdi. 2023-cü ilin mayında isə Hopka, Tayvana edilən vəkillik səfərindən sonra əməkdaşlığı inkişaf etdirmək və möhkəmləndirmək üçün Çin və Tayvan arasındakı gərginlik, Ukraynanın qələbəsinin Asiyadakı geosiyasi vəziyyətə təsiri mövzusunda keçirilən ilk Ukrayna-Tayvan "dəyirmi masa"sına moderatorluq edib.[35]

Siyasi fəaliyyəti

[redaktə | vikimətni redaktə et]

Avromeydan inqilabından sonra keçirilən parlament seçkiləri zamanı Hopka "Samopomiç" Partiyasından Ukrayna Parlamentinə seçilmiş, 2014-cü il dekabrın 4-də Xarici İşlər Komitəsinin sədri təyin olunmuşdur.

Hopka Ukrayna Parlamentində vətəndaş cəmiyyətini təmsil edən, iddialı islahat proqramı olan və kommunist keçmişi olmayan yeni nəsil gənc nümayəndə idi.

Beynəlxalq Cinayət Məhkəməsinin Roma Statutunun ratifikasiyasını dəstəkləyən Hopka: "Bu, bəşəriyyətə qarşı törədilmiş cinayət və soyqırıma görə, mümkün olduğu qədər hüquqi dövlət qurmağa hazır olmağımızın nümayişidir".

31 avqust 2015-ci ildə Hopka və "Samopomiç" Partiyasının digər dörd deputatı Ukraynada desentralizasiya islahatını həyata keçirən Ukrayna Konstitusiyasına düzəlişlərin lehinə səs verdilər. Nəticədə, Hopko və digər deputatlar siyasi fraksiyadan xaric edildilər. Hopko heç bir başqa siyasi fraksiyaya daxil olmayaraq müstəqil deputat kimi fəaliyyətini davam etdirdi.[36]

2017-ci ilin mayında o, Ukrayna parlamentində milli televiziya proqramlarının 75%-nin, yerli proqramların isə 50%-nin ukrain dilində olmasını tələb edən qanun layihəsinin həmmüəllifi oldu. Hopka və tərəfdaşları rus dilinin geniş yayılmasının Ukrayna dövlətçiliyinə xələl gətirdiyinə inanırdılar.

Hopk 2019-cu ildə keçirilən Ukrayna parlament seçkilərində iştirak etmədi.[3]

Mükafatları

[redaktə | vikimətni redaktə et]
  • Milli Demokratiya İnstitutu 2014 Demokratiya mükafatı, (2014)[37]
  • Fəxri sertifikat (2014), Corctaun Liderlik seminarı, Xarici Xidmət Məktəbi, Corctaun Universiteti.
  • Aparıcı Qlobal Düşüncə sahibi (2014), Xarici Siyasət jurnalı[38]

İstinadlar

[redaktə | vikimətni redaktə et]
  1. ↑ "CEC registers 357 newly elected deputies of 422". National Radio Company of Ukraine. 25 noyabr 2014. 4 dekabr 2014 tarixində orijinalından arxivləşdirilib.
    "Parliament to form leadership and coalition on November 27". UNIAN. 26 noyabr 2014.
  2. ↑ "Народний депутат України VIII скликання: Гопко Ганна Миколаївна" [8th convocation members of the Verkhovna Rada: Hanna Mykolayivna Hopko] (ukrayna). Verkhovna Rada. 6 iyul 2015 tarixində orijinalından arxivləşdirilib. İstifadə tarixi: 14 dekabr 2014.
  3. 1 2 "Міжнародка та євроінтеграція: хто пройшов та хто "пролетів" на виборах до Ради".
  4. ↑ "About us - ANTS" (ingilis).
  5. ↑ "Taiwan donates US$2 million more to Ukraine to battle power outages - Focus Taiwan". Focus Taiwan - CNA English News (ingilis). 4 yanvar 2023. İstifadə tarixi: 27 iyun 2023.
  6. ↑ Dickinson, Peter. "Ukrainians call on US Senate to sanction Putin's pipeline weapon". Atlantic Council (ingilis). 11 yanvar 2022. İstifadə tarixi: 27 iyun 2023.
  7. ↑ "Hanna Hopko". International Center for Ukrainian Victory (ingilis). İstifadə tarixi: 27 iyun 2023.
  8. ↑ admin. "About". Warsaw Security Forum (ingilis). İstifadə tarixi: 27 iyun 2023.
  9. ↑ "Hanna Hopko". Warsaw Security Forum (ingilis). İstifadə tarixi: 27 iyun 2023.
  10. ↑ Kozlowska, Hanna. "The Revolution Has Not Been Finalized". Foreign Policy. 23 may 2014.
  11. ↑ Kauffmann, Sylvie. "Ukraine's Activists Are Taking No Chances". The New York Times. 26 aprel 2014.
  12. ↑ Shields, Carolyn M., "Transformative Leadership", Oxford Research Encyclopedia of Education (ingilis), 29 may 2020, doi:10.1093/acrefore/9780190264093.001.0001/acrefore-9780190264093-e-632, ISBN 978-0-19-026409-3, İstifadə tarixi: 13 may 2024
  13. ↑ "Депутат Гопко задекларировала миллион доходов и 90 тыс. гривен компенсации стоимости проезда". ukranews.com (ukrayna). İstifadə tarixi: 23 yanvar 2023.
  14. ↑ "WHO report (Which?)".
  15. ↑ "Reform Platforms - The Progressive Era Reforms". Platforma-reform.org. İstifadə tarixi: 16 mart 2022.
  16. ↑ "Zero Corruption Conference 2021". Zero Corruption Conference 2022 (rus). İstifadə tarixi: 27 iyun 2023.
  17. ↑ Ukraine defeating Russia quicker is in interest of collective West - Hanna Hopko. Espreso (ingilis), İstifadə tarixi: 27 iyun 2023
  18. ↑ "Why the West won't just give Ukraine all the weapons it wants". The Messenger (ingilis). 14 fevral 2023. 9 iyun 2023 tarixində orijinalından arxivləşdirilib. İstifadə tarixi: 27 iyun 2023.
  19. 1 2 "Hanna Hopko: "It is our duty to defeat authoritarian regimes" | News". U.S. Agency for International Development (ingilis). 22 mart 2023. 31 mart 2023 tarixində orijinalından arxivləşdirilib. İstifadə tarixi: 27 iyun 2023.
  20. ↑ "Hanna Hopko: "It is our duty to defeat authoritarian regimes"". U.S. Agency for International Development (ingilis). 22 mart 2023. 31 mart 2023 tarixində orijinalından arxivləşdirilib. İstifadə tarixi: 27 iyun 2023.
  21. ↑ "Front page". International Center for Ukrainian Victory (ingilis). 26 iyun 2023. İstifadə tarixi: 27 iyun 2023.
  22. ↑ "Hanna Hopko". International Center for Ukrainian Victory | ICUV (ingilis). İstifadə tarixi: 27 iyun 2023.
  23. ↑ "About us - ANTS" (ingilis). 17 iyul 2022. İstifadə tarixi: 27 iyun 2023.
  24. ↑ Górczyńska, Marysia. "W Warszawie rozpoczęło działalność Międzynarodowe Centrum na rzecz Zwycięstwa Ukrainy". Radio Warszawa 106,2 FM (polyak). 4 mart 2022. İstifadə tarixi: 27 iyun 2023.
  25. ↑ "Anti-Corruption Action Center Pushes for Transparency in Ukraine". National Endowment for Democracy (ingilis). 31 may 2022. İstifadə tarixi: 27 iyun 2023.
  26. 1 2 Arin, Kim. "[Herald Interview] Why South Korea should care about Russia's war in Ukraine". The Korea Herald (ingilis). 3 noyabr 2022. İstifadə tarixi: 27 iyun 2023.
  27. ↑ China (Taiwan), Ministry of Foreign Affairs, Republic of. "Taiwan donates US$2 million to Ukraine for heating equipment". Taiwan Today (ingilis). 5 yanvar 2023. İstifadə tarixi: 27 iyun 2023.
  28. ↑ "Sustainable Peace Manifesto Never Again 2.0". 20 fevral 2023. İstifadə tarixi: 27 iyun 2023.
  29. 1 2 "Sustainable Peace Manifesto". sustainablepeacemanifesto.org (ukrayna). İstifadə tarixi: 27 iyun 2023.
  30. ↑ "Європейський простір". euprostir.org.ua. İstifadə tarixi: 27 iyun 2023.
  31. ↑ "Never again 2.0: Ukrainian intellectuals present manifesto to put an end to Russia's wars". 7 mart 2023. İstifadə tarixi: 27 iyun 2023.
  32. ↑ Цензор.НЕТ. "Японія — стратегічний партнер для нашої перемоги (Марія Курінна)". Цензор.НЕТ (rus). 22 mart 2023. İstifadə tarixi: 27 iyun 2023.
  33. ↑ "Advocacy visit of New Europe Сenter to Japan". Центр "Нова Європа" (ingilis). 19 yanvar 2023. İstifadə tarixi: 27 iyun 2023.
  34. ↑ "［Ｇ７広島サミット］露の「偽情報攻撃」議論して…元ウクライナ最高会議外交委員長 ハンナ・ホプコ氏". 読売新聞オンライン (yapon). 14 may 2023. İstifadə tarixi: 27 iyun 2023.
  35. ↑ "У Києві відбулася перша в історії українсько-тайванська дискусія (Ганна Гопко)". Цензор.НЕТ (rus). 12 may 2023. İstifadə tarixi: 27 iyun 2023.
  36. ↑ Staff. "Ukrainian National Deputy Hanna Hopko on the controversial decentralization vote". The Ukrainian Weekly (ingilis). İstifadə tarixi: 15 noyabr 2022.
  37. ↑ "New Ukrainian Leaders Honored at NDI Democracy Dinner". National Democratic Institute. 10 dekabr 2014.
  38. ↑ "Hanna Hopko: For carrying Ukraine's revolution beyond the Maidan". Foreign Policy.

Xarici keçidlər

[redaktə | vikimətni redaktə et]
Mənbə — "https://az.wikipedia.org/w/index.php?title=Hanna_Hopka&oldid=8811615"