Hayk Karkaryan

Hayk Karkaryan
erm. Հայկ Ավետիսովիչ Կարկարյան
Azərbaycan SSR yeyinti sənayesi naziri
19 mart 1949 – 18 aprel 1953
Əvvəlki	Süleyman Şərifov
Sonrakı	Nurulla Ağayev (yüngül və yeyinti sənayesi naziri kimi)
Azərbaycan SSR təmli məhsullar sənayesi naziri
24 mart 1947 – 19 mart 1949
Əvvəlki	nazirlik yaradılıb
Sonrakı	nazirlik ləğv edilib
Azərbaycan SSR dadlı şeylər sənayesi naziri
15 yanvar 1947 – 22 mart 1947
Əvvəlki	nazirlik yaradılıb
Sonrakı	nazirlik ləğv edilib
Azərbaycan Kommunist Partiyası Mərkəzi Komitəsinin üçüncü katibi
16 may 1939 – sentyabr 1941
Birinci katib	Mircəfər Bağırov
Dağlıq Qarabağ Muxtar Vilayəti Zəhmətkeş Deputatları Soveti İcraiyyə Komitəsinin sədri
30 sentyabr 1937 – 15 aprel 1939
Əvvəlki	Suren Badamyan
Sonrakı	Qriqori Petrosyan
Şəxsi məlumatlar
Doğum tarixi	4 sentyabr 1904(1904-09-04)
Doğum yeri	Şavşeti[d], Batum vilayəti, Rusiya imperiyası
Vəfat tarixi	1988
Partiya	Ümumittifaq Kommunist (bolşeviklər) Partiyası (1931–)
Təltifləri

Hayk Avetisoviç Karkaryan (erm. Հայկ Ավետիսովիչ Կարկարյան; 4 sentyabr 1904, Şavşeti^[d], Batum vilayəti – 1988) — Azərbaycan-sovet dövlət xadimi, Azərbaycan SSR yeyinti sənayesi naziri (1949–1953), Azərbaycan SSR təmli məhsullar sənayesi naziri (1947–1949), Azərbaycan Kommunist Partiyası Mərkəzi Komitəsinin üçüncü katibi (1939–1941), Dağlıq Qarabağ Muxtar Vilayəti Zəhmətkeş Deputatları Soveti İcraiyyə Komitəsinin sədri (1937–1939).

Həyatı

Hayk Avetisoviç Karkaryan 1904-cü ildə keçmiş Batum vilayətinin Şavşeti kəndində dəmirçi ailəsində anadan olmuşdur. Erkən yaşda valideynləri vəfat etdiyi üçün uşaq evinə verilmiş, burada komsomol yığıncaqlarına qoşulmuşdur. 1924-cü ildə komsomol sıralarına qatılmış, 3 ildən sonra isə komsomol təşkilatı tərəfindən işçi fakültəsinə oxumağa göndərilmişdir. 1931-ci ildən ÜİK(b)P üzvü olmuşdur.

1934-cü ildə işçi fakültəsindən məzun olduqdan sonra o, yeni açılmış Beriya adına mədənə (Zığ mədəni) işləməyə göndərilmişdir. O, burada qazma qrupunda həmkarlar ittifaqı komitəsinin sədri, sonra isə rayon mədən komitəsinin sədri vəzifələrində işləmişdir. Beriya adına mədəndən sonra qısa müddət ərzində Azərbaycan Kommunist Partiyası Kaqanoviç Rayon Komitəsində, sonra isə Qafqaz Neft Mədən İşçiləri Həmkarlar İttifaqının Mərkəzi Komitəsi aparatında işləmişdir. Kaqanoviç rayon partiya komitəsi plenumunun üzvü olmuşdur.

Hayk Karkaryan 1937–1939-cu illərdə Dağlıq Qarabağ Muxtar Vilayəti Zəhmətkeş Deputatları Soveti İcraiyyə Komitəsinin sədri, 1939–1941-ci illərdə Azərbaycan Kommunist Partiyası Mərkəzi Komitəsinin üçüncü katibi işləmişdir. Sonra isə Mərkəzi Komitə katibinin yüngül sənaye üzrə müavini olmuş, Azərbaycan SSR yeyinti sənayesi naziri vəzifəsində çalışmışdır.

Hayk Karkaryan 1988-ci ildə vəfat etmişdir.

Təltifləri

• "Lenin" ordeni — 27 aprel 1940
• "Qırmızı əmək bayrağı" ordeni
• "Şərəf nişanı" ordeni — 22 yanvar 1944
• "Qafqazın müdafiəsinə görə" medalı

Xarici keçidlər

• "Каркарян Гайк Аветисович" (rus). Память народа. İstifadə tarixi: 19 sentyabr 2022.