Henri Pursell

Vikipediya, açıq ensiklopediya
Jump to navigation Jump to search
Picto infobox character.png
Henri Pursell (ing. Henry Purcell
Fotoqrafiya
Doğum tarixi 10.9.1659
Doğum yeri Westminster, Vestminster borosu, Böyük London, Böyük Britaniya
Vəfat tarixi 21.11.1695
Vəfat yeri Westminster, Vestminster borosu, Böyük London, Böyük Britaniya
Vəfat səbəbi Vərəm
Dəfn yeri Vestminster abbatlığı
VətəndaşlıqFlag of England.svg İngiltərə
Peşəsibəstəkar, organist, musiqişünas, music theorist, musiqiçiMüəllif
TəhsiliWestminster School
IMDbID 0700722
Commons-logo.svg Henri Pursell Vikianbarda

Henri Pursell (ing. Henry Purcell,) d. 10 sentyabr 1659,ö.21 noyabr 1695 İngilis bəstəkarı.

Haqqında[redaktə | əsas redaktə]

Dövrünün ən orijinal bəstəkarı hesab edilən Henri Pursell‘in (1659-1695) qısa dövr yaradıcılığından bizlərə 100-dən çox bəstə və bir 3 pərdəli opera gəlib çatmışdır. Barokko periodunun önəmli simalarından olan və cəmi 36 il yaşamış ingilis bəstəkarın uşaqlığı tamamilə musiqi əhatəsində keçmişdir. Erkən yaşlarından xorda çıxış edən Henri, 18-ini tamamladığında II Çarlz’ın simli alətlər orkestrasına qəbul edilir. Atası Royal Kilsəsinin musiqiçisi kimi fəaliyyət göstərmiş bəstəkarın 25 il işlədiyi Vestminster Abbatlığında orqan ifaçılığı ölənə qədər onun daimi postu olur. Şekspir dramaturgiyasının İngiltərəni ələ keçirdiyi bu vaxtlarda ictimai konsertlərin təşkili geniş vüsət alsa da, bu tip tədbirlərə peşəkar dəstək həmin dövr üçün “qəbuledilməz davranış” hesab olunurdu. Həmkarlarından fərqli olaraq Pursell bəstələrilə bu cür mədəni hadisələrin dəstəkçisinə çevrilir: 1683-cü ildə, sıralarında qeyri-peşəkarların üstünlük təşkil etdiyi bir qrup centilmenin səylərinin nəticəsi olaraq Londonda “Musiqi cəmiyyəti” adlı festival təşkil olunur və 24 yaşında olan Pursell’in də oda musiqisi tamaşaçılara təqdim edilir. “Didona və Eney“ operası (1689) romalı antik şair Vergili‘nin yaratdığı epik qəhrəmanlıq dastanın motivlərinə (IV kitabına) əsaslanır. İrlandiyalı ədib Naum Teyt’in liberettosunun müəllifi olduğu opera Pursell’in yeganə irihəcmli və bir o qədər də uğurlu səhnə əsəri hesab olunur.

Ölümü[redaktə | əsas redaktə]

Henri Pursell’in ölüm səbəbi ilə bağlı müəmmalar bu günədək qalmaqdadır. Bəzilərinə görə o, teatrdan qayıdıb evinin qapısında qalmış və soyuqdəymədən vəfat etmişdir. Digərləri isə səbəb kimi vərəm xəstəliyini göstərirlər. Dəyişməyən fakt isə məşhur bəstəkarın dəfnində səslənilən musiqinin elə onun tərəfindən Kraliça Meri’nin vəfatına həsr etdiyi əsər olmasıdır.