Henschel & Son

Henschel & Son
Ümumi məlumatlar
Sənaye	maşınqayırma
Məhsulu	Yük maşını
Təsis tarixi	1810
Bağlanma tarixi	1957
Baş qərargahın yeri	Kassel
Vikianbarda əlaqəli mediafayllar

Henschel ulduzu şirkətin loqosu hesab edilirdi.

Henschel (Die Henschel-Werke 1957-ci ilə qədər Henschel und Son), Kasseldə yaradılmış olan Almaniya şirkəti olub XX əsrdə qatar, avtobus, trolleybus və kamaz kimi avtomaşınlar istehsal edən şirkət olmuşdur. Ayrıca olaraq İkinci Dünya müharibəsində hərbi təyinatlı texnikalar və silahlar istehsal etmişdir.

Georg Christian Carl Henschel 1810-cu ildə zavodu Kassel şəhərində yaratmışdır. Oğlu Carl Anton Henschel 1837-ci ildə başqa bir zavod yaratmışdır. 1848-ci ildə şirkət lokomotiv istehsalına başlamışdır. XX əsrdə şirkət Almaniya imperiyasının ən böyük lokomotiv istehsalçısına çevrilmişdir.

Nasist Almaniyası dövründə şirkət

Şirkət 1935-ci ildə Panzer I tankını istehsal etməyə başlamışdır. İkinci dünya müharibəsinin 1939–1940-cı illər mərhələsində şirkət çox sayda Panzer III tankı istehsal etmişdir. 1942–1945-ci illər arasında şirkət Tiger I tanklarını istehsal etmişdir. Henschel Tiger tanklarının əsas istehsalçısı olmuşdur. 1945-ci ildə şirkətin səkkiz min işçisi var idi və onlar 12 saatlıq iş rejimində çalışırdılar. Şirkət istehsal etmiş olduğu hərbi təyinatlı texnikalarına görə müttəfiq qüvvələrinin daima hücum hədəflərindən biri idi. Müharibə dövründə şirkətin demək olar ki, bütün zavodları bombardmanlara məruz qalmışdır.

Müharibədən sonrakı dövrlərdə şirkətin fəaliyyəti

1948-ci ildə şirkət yenidən fəaliyyətinə başladı. 1964-cü ildə şirkət Rheinische Stahlwerke şirkətini aldı və Rheinstahl Henschel AG (Hanomag) adını götürdü, 1976-cı ildə Thyssen-Henschel və daha sonra 1990-cı ildə ABB Henschel AG adını aldı. 1996-cı ildə şirkət ABB Daimler Benz Nəqliyyat Adtranz adını aldı. Şirkət 2002-ci ildə Bombardier şirkəti (Kanada) tərəfindən satın alınmışdır. Kassel təsisi hələ də mövcuddur və dünyanın ən böyük lokomotiv istehsalçılarından biridir.