Hepsi

Vikipediya, açıq ensiklopediya
Jump to navigation Jump to search

Hepsi - Türkiyə musiqi qrupu.

Qrupda 4 ifaçı var. Eren Bakıcı 1984-cü il mayın 18-də İstanbul şəhərində anadan olub. Memar Sinan Gözəl Sənətlər Universitetinin Dövlət Konservatoriyasının "Balet" fakultəsinin məzunu olub.Elə həmin məktəbdə müasir rəqs təhsili alan Eren Bakıcı Atatürk Mədəniyyət Mərkəzi Uşaq və Gənclik Baletinin sərgilədiyi oyunlarda altı il ərzində müxtəlif rollar oynayıb. Londonda Urdang Dans Akademiyasında və Budapeştdə Rəqs məktəbində təhsil alıb. Rəqs nominasiyaları ilə Çində Türkiyəni təmsil edən Eren reklam üçün kiçik jing-lar səsləndirib. Britney Spears və Michael Jackson kimi dünya ulduzları ilə çalışan Selatin Qara ilə bir aylıq "workshop" çalışmasını gerçəkləşdirib.

Qrupun ən cazibədar üzvlərindən olan Cemre Kemer 1985-ci il fevralın 17-də İstanbulda dünyaya gəlib. Memar Sinan Gözəl Sənətlər Universitetinin Dövlət Konservatoriyasının Balet fakultəsini bitirib.Adı çəkilən məktəbdə Klas Balet üzrə təhsilini davam etdirən Cemre KEMER Atatürk Mədəniyyət Mərkəzi Uşaq və Gənclik Baletinin təşkil etdiyi tamaşalarda beş il müxtəlif obrazları canlandırıb. Kliplərdə aktyorluq edib. Reklam bloklarına çəkilən Cemre xüsusi şan və piano dərsləri alıb.

Həm səsi, həm də gözəl rəqsi ilə diqqət çəkən Yasemin Yürük 1986-cı il sentyabrın 21-də İstanbulda doğulub.

O, da həmkarları kimi Memar Sinan Gözəl Sənətlər Universitetinin Dövlət Konservatoriyasının Balet fakultəsində təhsil alıb. Daha sonra İstanbul universitetinin Dövlət Konservatoriyasının Balet fakultəsinin Klas Balet qrupunda təhsilini davam etdirir. ATATÜRK Mədəniyyət Mərkəzi Uşaq və Gənclik Baletinin gerçəkləşdirdiyi oyunlarda 3 il boyunca rol alıb. Xüsusi şan və piano dərsləri alan Jasemin reklam çarxlarına çəkilib.

Qrupun fəallarından Gülçin Ergül 1985-ci il oktyabrın 30-da İstanbulda anadan olub.Memar Sinan Gözəl Sənətlər Universitetinin Dövlət Konservatoriyasının Balet fakultəsinin məzunu olan Gülçin hal-hazırda həmin məktəbdə Müasir Rəqs təhsilini almaqda davam edir. Ayrı-ayrı reklam çarxlarına çəkilən Gülçin Hip Hop rəqs dərsləri də alıb.ATATÜRK Mədəniyyət Mərkəzi Uşaq Közüsündə iştirak edib.

Xarici keçidlər[redaktə | əsas redaktə]