Hermiya və Lisandr

Vikipediya, azad ensiklopediya
Jump to navigation Jump to search
Hermiya və Lisandr
Simmons-Hermia and Lysander. A Midsummer Night's Dream.jpg
Rəssam Con Simmons
Tarixi 1870
Texnikası sulu boya
Ölçüləri 89 sm × 74 sm
Saxlanıldığı yer Sotbis hərracı

Hermiya və Lisandr (ing. Hermia and Lysander) — Britaniyalı illüstrator və miniatür portret rəssamı Con Simmons tərəfindən akvarel təsvir texnikası ilə 1870-ci ildə çəkilmiş rəsmdir. Uilyam Şekspirin komediya tamaşası olan "Bir Yaz Gecəsi Yuxusu"nun ikinci səhnəsinin ikinci hissəsindəki səhnəyə əsaslanır. Uzunluğu 89 santimetr, eni 74 santimetrdir.[1]

IX əsrdə "Bir Yaz Gecəsi Yuxusu"nun səhnələrinə əsaslananlar daxil olmaqla pərilərin rəsmlərinin bir çoxunun artan populyarlığı var idi və Simmons bu janrda bir neçə əsərlər yaratmışdı.[2] I Viktoriya dövrü incəsənəti üzrə ekspert Xristofer Vuda görə [3] Simmonsun pəri rəsmlərinə daxil olan detallar "təəccübləndirici bir dəqiqliklə icra edilmişdir"[4] və şüşə səthində çəkilmiş təəssüratı verir.[4] Simmonsun pəri təsvirlərinin çoxu çılpaq dişilərdir və Vud onları "I Viktoriya dövrünün dovşan qızları" hesab edir.[5]

Quaş istifadə edilən akvarel texnikası ilə çəkilmiş [6] rəsm Hermiyanı sevgilisi Lisandr ilə itdikləri tilsimlənmiş meşədə göstərir.[1] Cütlük pərilər tərəfindən əhatə edilib; bəziləri öz zərif qanadlarını istifadə edərək uçarkən təsvir edilmişdir, başqaları isə siçanlara bağlanmış arabalarda gedir.[1] Cütlük yorğun və yollarını itirmişdir, onlar ətrafdakı heyvan və pəri kütləsindən xəbərsizdir. [1] Lisandr oturub və bir əli ilə Hermiyanın barmaqlarına toxunarkən digər əli ilə də yumşaq meşə torfunu yoxlayır. Bu, "Bir Yaz Gecəsi Yuxusu"nun nağılında onun qıza bunları deyərək dəvət etdiyi yerdir:[1]

" One turf shall serve as pillow for us both;

One heart, one bed, two bosoms and one troth.
Tərcüməsi:
Bir torf bizim üçün yastıq olacaq;
Bir ürək, bir yataq, iki köks və bir sədaqət.

"

Rəsm 2012-ci ilin mayında Nyu-Yorkda Sotbis tərəfindən auksiona çıxarılanda 42470 funt-sterlinq satış qiyməti əldə etdi və bu, Con Simmons tərəfindən edilən rəsmlər üçün rekord qiymət idi.[7] Rəsm 19 iyun 1984-cü ildə Sotbis tərəfindən Londonda və 10 il sonra - 25 may 1994-cü ildə Nyu-Yorkda auksiona çıxarılmışdı və burda o, səhvən Culius Simmonsa aid rəsm kimi göstərilmişdi.[1]

İstinadlar[redaktə | əsas redaktə]

  1. 1 2 3 4 5 6 John Simmons, British, Hermia and Lysander, Sotheby's, 30 November 2014 tarixində arxivləşdirilib, İstifadə tarixi: 30 November 2014
  2. Lot 52 John Simmons, Bonhams, 10 July 2013, 30 November 2014 tarixində arxivləşdirilib, İstifadə tarixi: 30 November 2014
  3. "Obituary of Christopher Wood", The Daily Telegraph, səh. 29, 27 January 2009
  4. 1 2 Wood (2008), p. 124
  5. Wood (2008), p. 126
  6. Hermia and Lysander, Artnet Worldwide, 9 December 2014 tarixində arxivləşdirilib, İstifadə tarixi: 8 December 2014
  7. Houseman, John (26 June 2013), "Painting bought for £25", Bristol Post, 30 November 2014 tarixində arxivləşdirilib, İstifadə tarixi: 30 November 2014

Ədəbiyyat[redaktə | əsas redaktə]