Heydər Piriyev

Heydər Piriyev
Şəxsi məlumatlar
Doğum tarixi	1 sentyabr 1959
Doğum yeri	Soyuqbulaq, Kalinino rayonu, Ermənistan SSR, SSRİ
Vətəndaşlığı	SSRİ→ Azərbaycan
Təhsili	Fizika, Riyaziyyat və İnformatika Təmayüllü Lisey
Hərbi fəaliyyəti
Mənsubiyyəti	Azərbaycan Silahlı Qüvvələri
Qoşun növü	Quru Qoşunları
Xidmət illəri	1980 – davam edir
Rütbə	General-leytenant
Döyüşlər	Qarabağ müharibəsi Vətən müharibəsi
Təltifləri

Heydər Kamal oğlu Piriyev (1 sentyabr 1959; Soyuqbulaq, Kalinino rayonu, Ermənistan SSR) — Azərbaycan Silahlı Qüvvələrinin general-leytenantı, Birinci Qarabağ müharibəsi və İkinci Qarabağ müharibəsi iştirakçısı, "Azərbaycan Bayrağı" ordeni laureatı (2020).

Həyatı

Heydər Kamal oğlu Piriyev 1 sentyabr 1959-cu ildə Ermənistan SSR Kalinino rayonunun Soyuqbulaq kəndində anadan olub. 1974-1976-cı illərdə Bakı şəhərində 1 №-li fizika-riyaziyyat təmayüllü məktəbdə təhsil almışdır.

1998-ci ildə Silahlı Qüvvələrin Hərbi Akademiyasının məzunu olmuşdur.

Ailəsi

Ailəlidir, 1 oğlu var.

Hərbi xidməti

1976-1980-cı illərdə Bakı Ali Ümumqoşun Komandirlər məktəbində təhsil alıb.

1980-1991-ci illərdə SSRİ Silahlı Qüvvələrinin tərkibində müxtəlif vəzifələrdə xidmət edib.

1991-ci ildən Azərbaycan Silahlı Qüvvələrində xidmət edir. Azərbaycan Respublikasının Ümumilli lideri Heydər Əliyev tərəfindən ona general-mayor rütbəsi verilmişdir.

2002-2009-cu illərdə Heydər Əliyev adına Azərbaycan Ali Hərbi Məktəbin rəisi, 2009-2013-cü illərdə Naxçıvan Muxtar Respublikasında Ordu Korpusunun qərargah rəisi vəzifələrində xidmət etmişdir.

2014-cü ilin iyun ayında Heydər Kamal oğlu Piriyevə Azərbaycan Respublikası Prezidentinin Fərmanı ilə növbəti general-leytenant ali hərbi rütbəsi verilmiş və o, Azərbaycan Respublikası Silahlı Qüvvələrin Hərbi Akademiyasının rəisi təyin edilmişdir.

Birinci Qarabağ müharibəsində iştirakı

1992-1994-cü illərdə Qarabağ müharibəsinin iştirakçısı olmuşdur.

Təltifləri

SSRİ

• - "Qüsursuz xidmətə görə" medalı (2-ci dərəcə)
• - "Qüsursuz xidmətə görə" medalı (3-cü dərəcə)
• - "SSRİ Silahlı Qüvvələrinin 70 illiyi" yubiley medalı

Azərbaycan Respublikası

• — "Vətən uğrunda" medalı
• — "Hərbi xidmətlərə görə" medalı
• - "Azərbaycan Respublikası Silahlı Qüvvələri Veteranı" medalı
• — I dərəcəli "Qüsursuz xidmətə görə" medalı
• — II dərəcəli "Qüsursuz xidmətə görə" medalı
• — III dərəcəli "Qüsursuz xidmətə görə" medalı
• — "Azərbaycan Respublikası Silahlı Qüvvələrinin 10 illiyi (1991-2001)" yubiley medalı
• — "Azərbaycan Respublikası Silahlı Qüvvələrinin 90 illiyi (1918-2008)" yubiley medalı
• — "Azərbaycan Respublikası Silahlı Qüvvələrinin 95 illiyi (1918-2013)" yubiley medalı
• — "Azərbaycan Ordusunun 100 illiyi (1918-2018)" yubiley medalı
• — III dərəcəli "Hərbi xidmətlərə görə" medalı
• — "Azərbaycan Bayrağı" ordeni
• (24.06.2021) — "Füzulinin azad olunmasına görə" medalı

Qırğızıstan Respublikası

• — Böyük Vətən Müharibəsinin 60 illiyi ilə əlaqədar yubiley medalı (Qırğızıstan Müdafiə Nazirliyi tərəfindən)