Hicran Hüseynova (yazar)

Vikipediya, açıq ensiklopediya
Keçid et: naviqasiya, axtar
Hicran Hüseynova
Hicran Hüseynova Vaqif qızı
Hicran Hüseynova Vaqif qızı.jpg
Doğum tarixi 7 noyabr 1970 (1970-11-07) (47 yaş)
Doğum yeri Azərbaycan SSR, Füzuli rayonu
Atası Vaqif Hüseynov
Həyat yoldaşı Rövşən Hacıbəyli
Uşaqları Gülər, Əli.
Milliyyəti Azərbaycanlı
Təhsili Bakı Dövlət Universitetinin jurnalistika fakültəsi.
Fəaliyyəti Yazar, publisist, ədəbi redaktor.

Hicran Hüseynova Vaqif qızı (7 noyabr 1970, Azərbaycan, Füzuli rayonu) — Yazar, publisist, ədəbi redaktor. Azərbaycan Yazıçılar Birliyinin üzvü.

Həyatı[redaktə | əsas redaktə]

1970-ci il noyabrın 7-də Füzuli rayonunda ziyalı ailəsində doğulub. Orta məktəbi bitirdikdən sonra 1989-cu ildə Bakı Dövlət Universitetinin jurnalistika fakültəsinə daxil olub. Tələbəlik illərində bədii-publisistik yazılarla müxtəlif mətbu orqanlarında çıxış edib, yaradıcı gənc kimi o illərdə fəaliyyət göstərən Gənc Publisistlər və Poliqrafçılar Cəmiyyətinin təsis etdiyi Alı Mustafayev adına təqaüdə layiq görülüb. 1994-cü ildə universiteti bitirdikdən sonra “Gənclik” jurnalının əlavəsi olan P.S. qəzetində ədəbi işçi kimi çalışıb. 1995-ci ildən Azərbaycan Yazıçılar Birliyinin üzvüdü. 1999-cu ildən Azərbaycan Yazıçılar Birliyinin orqanı olan “Ulduz” jurnalının şöbə redaktoru vəzifəsində çalışır. 2000-ci ildə Gənclər, İdman və Turizm Nazirliyi tərəfindən keçirilən Gənc Jurnalistlərin I Ümumrespublika müsabiqəsində “Bədii ədəbiyyat” nominasiyasında qalib olub. 2001-ci ildə “Ən yaxşı araşdırma yazısına görə” İnternews-un təsis etdiyi mükafata layiq görülüb. 2004-cü ildə “Yaşıl eskiz” adlı şeir və nəsr nümunələrindən ibarət kitabı çap olunub. İşlədiyi illər ərzində AYB-nin keçirdiyi “Bir bənd şeir”, və müxtəlif tərcümə müsabiqələrinin qalibi olub. Müxtəlif nəsr və şeir kitablarının redaktoru olub. Ailəlidir, iki övladı var.