Hicran Mirzəyeva
| Hicran Mirzəyeva | |
|---|---|
| Hicran Əmirxan qızı Mirzəyeva | |
| Doğum tarixi | 4 sentyabr 1970 |
| Doğum yeri | Sumqayıt, Azərbaycan SSR, SSRİ |
| Vətəndaşlığı |
 Azərbaycan |
| Milliyyəti | azərbaycanlı |
| Elm sahəsi | İqtisadiyyat |
| Elmi dərəcəsi | İqtisad elmləri üzrə fəlsəfə doktoru. |
| İş yeri | Azərbaycan Əmək və Sosial Münasibətlər Akademiyası |
| Təhsili | |
Hicran Mirzəyeva — İqtisad elmləri üzrə fəlsəfə doktoru.
Həyatı[redaktə | əsas redaktə]
Mirzəyeva Hicran Əmirxan qızı 1979-cu ildə sentyabrın 4-də Sumqayıt şəhərində anadan olmuşdur. 1986-1996- cı illərdə Sumqayıt şəhər Tofiq İsmayılov adına 29 saylı orta məktəbi bitirmişdir. 1997-ci ildə Azərbaycan Dövlət İqtisad Universitetinin “Ərzaq mallarının əmtəəşünaslığı” fakültəsinə daxil olmuş, 2001-ci ildə bakalavr pilləsini başa vurmuş, həmin ildə Azərbaycan Dövlət İqtisad Universitetinin magistraturasına daxil olmuş və 2003-cü ildə magistr dərəcəsi almışdır. 2003-2009-cu illərdə Azərbaycan Elmi-Tədqiqat Kənd Təsərrüfatının İqtisadiyyatı və Təşkili İnstitutunda böyük elmi işçi, aparıcı elmi işçi, kadr işləri üzrə baş mütəxəssis, “Ümumi” şöbənin müdiri vəzifələrində işləmişdir. 2009-2010-cu illərdə Azərbaycan Respublikası Auditorlar Palatasında aparıcı mütəxəssis və baş mütəxəssis, 2010-cu ildə isə “Aqrarkredit” Qapalı Səhmdr Cəmiyyətində mühasib vəzifəsində işləmişdir. 2004-cü ildə Az.ETKTİ və Tİ-da dissertanturaya qəbul olmuş və 2010-cu ildə həmin institutda fəaliyyət göstərən ixtisaslaşdırılmış dissertasiya şurasında namizədlik işini müdafiə edərək iqtisad üzrə fəlsəfə doktoru alimlik dərəcəsi almışdır.[1] Bu müddətdə respublika və xarici ölkələrin nüfuzlu nəşrlərində 20-dən çox elmi məqaləsi dərc olunmuşdur. 2010-cu ildən Azərbaycan Əmək və Sosial Münasibətlər Akademiyasında akademik məsləhətçisi, 2011-ci ildən isə “İqtisadiyyat və inzibati idarəetmə” fakültəsinin dekanı vəzifəsində işləyir.[2]
İstinadlar[redaktə | əsas redaktə]
- ↑ [ELMLƏR DOKTORU HAZIRLIĞI ÜZRƏ DİSSERTANTLAR BARƏDƏ MƏLUMAT (2011-ci il)]
- ↑ Universitet-İş Dünyası Əlaqələri Dəyirmi Masa - 1
Ədəbiyyat[redaktə | əsas redaktə]
- "AQRAR İQTİSADÇI ALİMLƏR", Kitab, Bakı-2012, “Şərq-Qərb” Nəşriyyat Evi.