Hikmət Hacızadə

Vikipediya, azad ensiklopediya
Jump to navigation Jump to search
Hikmət Hacızadə
Hikmət Əbdürrəhim oğlu Hacızadə
Hikmet Hajizade.jpg Hikmət Hacızadə
İlk adı Hikmət Əbdürrəhim oğlu Hacızadə
Doğum tarixi 11 noyabr 1954 (1954-11-11) (65 yaş)
Doğum yeri Bakı, Azərbaycan Sovet Sosialist Respublikası Azərbaycan SSR
Atası Əbdürrəhim Hacızadə
Həyat yoldaşı Bahar Hacızadə
Uşağı oğlu: Adnan Hacızadə
Vətəndaşlıq SSRİ SSRİ (1954-1991)
Azərbaycan Azərbaycan (1991-h.h.)
Peşəsi Fizika-riyaziyyat elmləri namizədi
Milliyyəti Azərbaycanlı
İxtisası Fizik
Təhsili Azərbaycan Dövlət Universiteti
Fəaliyyəti Siyasətçi
Partiya Azərbaycan Xalq Cəbhəsi Partiyası Azərbaycan Xalq Cəbhəsi Partiyası (1988-1993)
Müsavat Partiyası Müsavat Partiyası (1993-2015)
Commons-logo.svg Hikmət Hacızadə Vikianbarda

Hacızadə Hikmət Əbdürrəhim oğlu - Azərbaycanın Rusiyadakı keçmiş səfiri.

Həyatı[redaktə | əsas redaktə]

Hikmət Hacızadə 1954-cü ildə Bakıda anadan olmuşdur.

1977-ci ildə ADU-nun fizika fakültəsini bitirmiş, 1983-cü ildə Moskvada fizika-riyaziyyat elmləri namizədi adını almaq üçün dissertasiya müdafiə etmişdir.

Azərbaycan EA-nın Fizika İnstitutunda böyük elmi işçi vəzifəsində işləmişdir. 1988-ci ildə "perestroyka" ilə başlayan Azərbaycanın istiqlal hərəkatında fəal iştirak etmiş, Azərbaycan Xalq Cəbhəsinin yaradıcılarından biri, birinci İdarə Heyətinin üzvü, AXC-nin "Svoboda" qəzetinin redaktoru olmuşdur. Xalq Cəbhəsinin hakimiyyəti dövründə baş nazirin müavini və Azərbaycanın Rusiyada səlahiyyətli nümayəndəsi işləmişdir.

1993-cü ildən Müsavat Partiyasının və onun Divanın üzvüdür. Demokratiya və İnsan haqları barəsində biliklərin ayılması ilə məşğul olan İqtisadi və Siyasi Araşdırmalar Mərkəzinin (FAR-Centre) qurucusu və vitse-prezidentidir. Xalq Cəbhəsi və Müsavat Partiyasının nizamnamə və məramnamələrinin tərtibçilərindən biri, "keçid dövrü"nün problemləri, insan haqları tarixi və nəzəriyyəsi üzrə çoxsaylı məqalə və kitabçaların müəllifidir.

Demokratiya problemlərinə həsr olunmuş Azərbaycanda ilk esse olan "Demokratiya haqqında 150 000 işarə" kitabı 1995-ci ildə nəşr edilib. "İnsan Haqları - bəşəriyyətin əsas ideyası" (1997), "Demokratiya: Gediləsi uzun bir yol" (Demokratiya Antalogiyası) və başqa kitabların müəllifidir.

Evlidir, bir oğlu var.

Mənbə[redaktə | əsas redaktə]

Hikmət Hacızadə