Hikmət Quliyev
| Hikmət Quliyev | |
|---|---|
| Quliyev Hikmət Valeh oğlu | |
 | |
| Doğum tarixi | |
| Doğum yeri | Azərbaycan SSR, Zəngilan rayonu |
| Vətəndaşlığı | Azərbaycan Respublikası |
| Elm sahələri | filologiya,folklor |
| Elmi dərəcəsi | filologiya elmlər doktoru |
| Elmi adı | dosent |
| Alma-mater | Bakı Dövlət Universiteti |
Hikmət Quliyev (d. 10 aprel 1985, Azərbaycan SSR, Zəngilan rayonu) — Azərbaycan folklorşünası, filologiya elmləri doktoru, AMEA-nın Folklor İnstitutunun direktoru.[1]
Həyatı və təhsili
[redaktə | vikimətni redaktə et]Hikmət Valeh oğlu Quliyev 10 aprel 1985-ci ildə Zəngilan rayonunda anadan olmuşdur. 2002–2006-cı illərdə Bakı Dövlət Universitetinin Filologiya fakültəsinin bakalavr, 2006–2008-ci illərdə magistratura pillələrini fərqlənmə diplomları ilə bitirmişdir. 2015-ci ildə AMEA Folklor İnstitutunda "Azərbaycan folklorunda Müdrik qoca arxetipi" mövzusunda dissertasiyasını uğurla müdafiə edərək filologiya üzrə fəlsəfə doktoru elmi dərəcəsini almışdır. 2018-ci ildə folklorşünaslıq üzrə dosent elmi adına layiq görülmüşdür. 2024-cü ildə "İnternet folkloru: nəzəri–metodoloji kontekst və folklorik məna yaradıcılığı" mövzusunda filologiya elmləri doktoru dissertasiyasını uğurla müdafiə etmişdir.[2] Ali Attestasiya Komissiyası Rəyasət Heyətinin 20 iyun 2025-ci il tarixli Qərarı ilə filologiya elmləri doktoru elmi dərəcəsi verilmişdir [3]
Əmək fəaliyyəti
[redaktə | vikimətni redaktə et]Əmək fəaliyyətinə 2005-ci ildə AMEA Folklor İnstitutunda böyük laborant vəzifəsi ilə başlamış, müvafiq olaraq, kiçik elmi işçi, elmi işçi, böyük elmi işçi və aparıcı elmi işçi vəzifələrində çalışmışdır. 2010–2013-cü illərdə Bakı Dövlət Universitetinin Filologiya fakültəsində akademik məsləhətçi vəzifəsində işləmişdir; 2013–2025-ci illərdə AMEA Rəyasət Heyətinin elmi katibi vəzifəsində çalışmışdır [4]
2023-cü ildən Xəzər Universitetində Azərbaycan humanitar təhsil sistemi üçün yeni bir fənn sahəsi olan "İnternet folkloru"nu magistratura pilləsində tədris edir. 2005-ci ildən Yeni Azərbaycan Partiyasının üzvüdür. Ulakbim Dergipark Elmi platformasında bir sıra xarici jurnalların Redaksiya heyətinin üzvü və Azərbaycan üzrə təmsilçisidir; 2016–2019-cu illərdə Azərbaycan Dövlət Televiziyası (AzTv) ilə AMEA-nın birgə layihəsi olan və 60 buraxılışı efirdə yayımlanan "Elm və innovasiya" elmi–publisistik proqramının redaktoru olmuşdur.
Kitabları
[redaktə | vikimətni redaktə et]Hikmət Quliyev 6 kitabın, o cümlədən, 2 monoqrafiyanın və 50-dən çox elmi məqalənin müəllifidir.
- Müdrik qoca arxetipinin semantik strukturu və paradiqmaları. Bakı: Elm və təhsil, 2016. [5]
- Folklorun funksional strukturu: multidissiplinar kontekst (Sərxan Xavəri və Səfa Qarayevlə birgə). Bakı: Elm və təhsil, 2016.
- Virtual mühitdə folklor: ənənə və kommunikasiya. Bakı: Sabah, 2018. [6]
- Azərbaycan nağılları: obrazlar və funksiyalar (Səfa Qarayevlə birgə). Bakı: Savad, 2021.
- Zəngəzur folkloru: kollektiv yaddaşdan metaforik düşüncəyə (Sərxan Xavəri və Səfa Qarayevlə birgə). Bakı: Elm və təhsil, 2023. [7]
- Zengezur: Mekandan Anlama Folklorun Semantiği. (Sərxan Xavəri və Səfa Qarayevlə birgə). Bakı: Elm və təhsil, 2023.
İstinadlar
[redaktə | vikimətni redaktə et]- ↑ Hikmət Quliyev vəzifəyə təyin olundu
- ↑ AMEA Folklor İnstitutu
- ↑ https://aak.gov.az/phd?full_name=Quliyev+Hikmət+Valeh&science=9&code=0&p_name=0
- ↑ "AMEA Folklor İnstitutu". 2025-03-17 tarixində arxivləşdirilib. İstifadə tarixi: 2025-03-04.
- ↑ https://folklor.az/uploads/research/files/Hikmet-Quliyev1694067984.pdf
- ↑ https://www.researchgate.net/publication/331374818_VIRTUAL_MUHITD_FOLKLOR_NN_V_KOMMUNIKASIYA_SANAL_ORTAMDA_FOLKLOR_GELENEK_VE_ILETISIM_FOLKLORE_IN_VIRTUAL_ENVIRONMENT_TRADITION_AND_COMMUNICATION
- ↑ https://www.preslib.az/az/book/gCYq5pvnbSa2BFt