Hoops & Yoyo
| Hoops & Yoyo | |
|---|---|
 |
Hoops & Yoyo (stilizə edilmiş formada hoops&yoyo) — "Hallmark Cards" şirkəti tərəfindən yaradılmış animasiya franşizası. Franşizanın mərkəzində hiperaktiv və coşğun xarakterə malik iki baş qəhrəman - çəhrayı pişik və yaşıl dovşan durur.
Tarixçə
[redaktə | vikimətni redaktə et]2001-ci ildə "Hallmark" şirkətinin rəssamı Bob Holta 4 iyul - Amerika Müstəqillik Günü münasibətilə elektron təbrik kartı hazırlamaq tapşırılmışdır. O, əvvəlcə yaşıl dovşanın (sonradan Yoyo adlandırılan) eskizini yaratmış, daha sonra isə çəhrayı pişiyin (sonradan Hups adlandırılan) təsvirini çəkmişdir. Təbrik kartı 2001-ci il iyulun 4-də "Hallmark" veb-saytında təqdim edilmişdir. Holt sonradan həmkarı, "Hallmark" rəssamı Mayk Adeyri də layihəyə cəlb etmiş və Yoyonu Hupsla birlikdə inkişaf etdirmişdir.[1] Personajların ilkin versiyaları 2001-ci ildə Bob Holt və Mayk Adeyr tərəfindən yaradılmış və səsləndirilmişdir. Lakin onların daimi adları təxminən 2003-cü ilədək müəyyən edilməmişdir (əvvəlcə onlar "Çəhrayı Pişik" və "Yaşıl Dovşan" adlandırılmışdır).[2][3] Franşiza əsasən təbrik kartları seriyası olsa da, personajların veb-saytında müxtəlif məzmun təqdim edilirdi: elektron təbriklər, animasiya epizodları, "Hups və Yoyodan soruş" bölməsi, iş masası və telefon üçün divar kağızları, audio fraqmentlər, ani mesajlaşma ikonları, pərəstişkar fotoları, interaktiv aylıq təqvimlər, bloq, podkast, oyunlar və satış üçün əmtəə məhsulları. Hups və Yoyo ilə bağlı məzmunun süjet xətləri əsas personajların həyatdan zövq alması və əyləncəli vaxt keçirməsi, bəzən isə digər dostları ilə birlikdə macəraları ətrafında qurulmuşdur.[4][5] Franşiza çərçivəsində hazırlanmış sonuncu məzmun 2015-ci ildə podkastın dördüncü epizodu olmuşdur.[6] Elektron təbrik kartları əsasən "Adobe Flash" proqramından istifadə edilərək hazırlanırdı.
Personajlar
[redaktə | vikimətni redaktə et]- Hups (ing. Hoops; səsləndirən: Mayk Adeyr) — lovğa çəhrayı pişik və Yoyonun ən yaxın dostu. O, tez-tez həyəcanlanır və qışqırmağa və ya sürətlə danışmağa başlayır. O, qəhvəni, ponçikləri və iki ən yaxın dostu olan Yoyo və Piddlsı sevir.
- Yoyo (səsləndirən: Bob Holt) — yaşılı rəng dovşan. Həyəcanlı təbiətə malik olan personaj tez-tez səhvlərə yol verməyə meyillidir. Yoyo öz ən yaxın dostu Hups ilə eyni hiperaktiv xüsusiyyətləri və qida üstünlüklərini bölüşür.
- Pidls (ing. Piddles; səsləndirən: Bev Karlson) — Hups və Yoyonun yaxın dostu olan kiçik, mavi rəngli gəmirici. O, zil səsə malik və yüksək intellektli personajdır.
- Çili Ber (ing. Chili Bear; səsləndirən: Piter Martin) – qonur ayı. O, iş yerində Hups və Yoyonun rəisidir. O, çox nadir hallarda danışır və əsasən Hups və Yoyo vebsaytında görünürdü. Çili Ber "Hoops & Yoyo's Haunted Halloween" şousunun sonuna yaxın qısa müddətə peyda olur.
- Marşi (ing. Marshy; səsləndirən: Mayk Ader) — Hups və Yoyonun əleyhdarı olan, həmçinin onların kabus yuxularında peyda olan zefir məxluq. O, bəzən səhv hərəkətlər edir və daim öz nəhəng ölçüləri barədə danışır.
- Pak (ing. Puck) — "Hoops & Yoyo" veb-saytının əsas səhifələrində bəzən görünən bənövşəyi rəngli siçan.
- Blubörd (ing. Bluebird) — "Hoops & Yoyo" veb-saytında təqdim edilmiş mavi quş obraz.
- Nyubi (ing. Newbie) — Hoops və Yoyo veb-saytında nadir hallarda görünən narıncı rəngli ilbizdir.
Televiziya
[redaktə | vikimətni redaktə et]Personajlar 2009–2010-cu illərin noyabr və dekabr aylarında Hallmark Channel-də "Hallmark Channel's Movie Night with Hoops & Yoyo" adlı proqram bloku çərçivəsində nümayiş etdirilmişdir. Bu, "Hallmark Cards" və "Hallmark Channel" şirkətlərinin birgə əməkdaşlıq etdiyi ilk layihə olmuşdur. 2011-ci il noyabrın 25-də CBS telekanalı "Hallmark" şirkətinin istehsalı olan "Hoops & Yoyo Ruin Christmas" adlı Hoops & Yoyo milada özəl televiziya xüsusi buraxılışını yayımlamışdır. 2012-ci il oktyabrın 26-da Hallmark Channel "Hoops & Yoyo's Haunted Halloween" adlı davamını efirə vermişdir.
Musiqi albomu
[redaktə | vikimətni redaktə et]2005-ci ilin dekabr ayında "Hallmark" şirkəti "Hoops & Yoyo" adlı personajların iştirakı ilə "Jingle Jingle Wiggle" adlı bayram kompakt diskini təqdim etmişdir. Disk həm vokal, həm də instrumental musiqiləri ehtiva edir. Kompakt diskə həmçinin "A Bongo Christmas" adlı animasiya qısametrajlı filmi də daxil edilmişdir. Şirkət 2007-ci il iyulun 1-də "One Donut a Day!" adlı növbəti kompakt diskini də istehsal etmişdir. Həmin disk 19 qısa mahnıdan ibarətdir. "One Donut a Day!" diskində, kompüterə yerləşdirildikdə izlənilə bilən 3 animasiyalı musiqi videosu da mövcuddur.
İstinadlar
[redaktə | vikimətni redaktə et]- ↑ "More Fun with hoops&yoyo and How They Help Keep One Military Family Connected". 16 iyul 2025 tarixində arxivləşdirilib. İstifadə tarixi: 11 avqust 2025.
- ↑ "The Adventures of Green Bunny".
- ↑ "Hoops & Yoyo: Old Glory". 4 iyul 2001.
- ↑ Milligan, Mercedes. "Hallmark's Furry Flash Friends". Animation Magazine. 24 iyul 2009. 2 avqust 2009 tarixində arxivləşdirilib. İstifadə tarixi: 28 oktyabr 2009.
- ↑ "Hoops & Yoyo Website". 26 iyun 2012 tarixində orijinalından arxivləşdirilib.
- ↑ hoops&yoyo Valentine's Day tubecast (ingilis), 13 fevral 2015, 19 dekabr 2022 tarixində arxivləşdirilib, İstifadə tarixi: 19 dekabr 2022