III Lüdovik Qonzaqa (Mantuya markizi)

III Lüdovik Qonzaqa
III Lüdovik Qonzaqa
	it. Luigi III Gonzaga
II Mantuya markizi
	23 sentyabr 1444 – 12 iyun 1478
Əvvəlki	I Janfrançesko Qonzaqa
Sonrakı	I Frederik Qonzaqa
Şəxsi məlumatlar
Doğum tarixi	5 iyun 1412
Doğum yeri	Mantuya;
Vəfat tarixi	12 iyun 1478 (66 yaşında)
Vəfat səbəbi	taun
Fəaliyyəti	kondotyer
Atası	I Janfrançesko Qonzaqa (Mantuya markizi)
Anası	Paola Malatesta
Həyat yoldaşı	Brandenburqlu Barbara (Mantuya markqrafinyası) (1433–1478);
Uşaqları	I Frederik Qonzaqa (Mantuya markizi);
Dini	katolisizm
Rütbəsi	kapitan;
	Vikianbarda əlaqəli mediafayllar

III Lüdovik Qonzaqa (it. Ludovico III Gonzaga; 5 iyun 1412, Mantuya – 12 iyun 1478) — II Mantuya markizi.

1412-ci ildə dünyaya gəldi. Atası Mantuya markizi kondotyer I Janfrançesko Qonzaqa, anası isə onun uzaq qohumu Paola Malatestadır. 12 noyabr 1433-cü ildə atasının istəyilə Müqəddəs Roma imperatoru Sigizmundun qohumu Brandenburqlu Barbara ilə evləndi. Cütlüyün bu nigahdan 14 övladı dünyaya gəldi.

Frederiko (1438)
Maqdalena (1439)
Yelizaveta (1440)
I Frederik
Françesko (1444-1483)
Paula Bianka (1445-1447)
Janfrançesko (1446-1496)
Suzanna (1447-1481)
Doroteya (1449-1467)
Sesilya (1451-1472)
Rodolfo (1452-1495)
Barbara (1455-1503)
Lüdovik (1460-1511)
Paula (1463-1497)

1436-cı ildən etibarən atasından xəbərsiz Milan hersoqu Filippo Mariya Vizkontinin xidmətinə girdi. Ancaq bu davranışı atasıyla münasibətlərinin pisləşməsinə səbəb oldu. Belə ki, xanımıyla birlikdə Mantuyadan sürgün edildi və kiçik qardaşı Karlo Qonzaqo yeni taxt varisi elan olundu. Ancaq 1438-ci ildə atası I Janfrançesko da Vizkontilərin xidmətinə girdi və ata-oğul 1441-ci ildə barışdı.

1444-cü ildə atasının vəfatıyla Mantuya taxt-tacına sahibləndi. Ancaq ailə mülklərinin bir qismi qardaşları Karlo, Janlusido və Alessandro arasında paylaşdırıldı. 9 mart 1453-cü ildə qardaşlarından Karlo Qonzaqo Venesiyanın dəstəyilə qardaşına aid mülklərə hücum edərək üsyan qaldırdı. Ancaq 14 iyunda tərəflər qarşı-qarşıya gəldi və III Lüdovik qardaşını məğlub etdi. Karlonun işğal etdiyi bütün mülklər geri qaytarıldı. Çox keçmədən onun varissiz vəfat etməsilə, taxt hüququ olan mülklər də III Lüdovikə qaldı.

Mənbə

James, Carolyn. A Renaissance Marriage: The Political and Personal Alliance of Isabella d'Este & Francesco Gonzaga, 1490-1519. Oxford University Press. 2020.
Murgia, Adelaide. I Gonzaga. Milan: Mondadori. 1972.
Antenhofer, Christina. From Local Signori to European High Nobility: The Gonzaga Family Networks in the Fifteenth Century // Johnson, Christopher H.; Sabean, David Warren; Teuscher, Simon; Trivellato, Francesca (redaktorlar ). Transregional and Transnational Families in Europe and Beyond: Experiences. Berghahn books. 2001.

İstinadlar

↑ ¹ ² Lazzarini I. LUDOVICO III Gonzaga, marchese di Mantova // Dizionario Biografico degli Italiani (it.). 2006. Vol. 66.
↑ Union List of Artist Names (ing.). 2017.

[_191c6efe6d399438-1] ¹ ² Lazzarini I. LUDOVICO III Gonzaga, marchese di Mantova // Dizionario Biografico degli Italiani (it.). 2006. Vol. 66.

[_728bcdebc7424252-2] Union List of Artist Names (ing.). 2017.

[1]

[2]