II Alfonso d'Este (Modena hersoqu)
| II Alfonso d'Este | |
|---|---|
| it. Alfonso II d'Este | |
 | |
| 3 oktyabr 1559 – 27 oktyabr 1597 | |
| Əvvəlki | II Erkole d'Este |
| Sonrakı | Çezare d'Este |
| 3 oktyabr 1559 – 27 oktyabr 1597 | |
| Əvvəlki | II Erkole d'Este |
| Sonrakı | Papa dövləti tərəfindən ilhaq edildi |
| Şəxsi məlumatlar | |
| Doğum tarixi | 22 noyabr 1533 |
| Doğum yeri | |
| Vəfat tarixi | 27 oktyabr 1597[1] (63 yaşında) |
| Vəfat yeri | |
| Dəfn yeri | |
| Fəaliyyəti | kondotyer |
| Atası | II Erkole d'Este (Modena hersoqu)[2] |
| Anası | Fransalı Rene (Modena hersoginyası)[2] |
| Həyat yoldaşları |
|
| Təltifləri |
 |
 Vikianbarda əlaqəli mediafayllar | |
II Alfonso d'Este (it. Alfonso II d'Este; 22 noyabr 1533, Ferrara – 27 oktyabr 1597[1], Ferrara) — V Modena, Reccio və Ferrara hersoqu.
1533-cü ildə Ferrarada dünyaya gəldi. Atası Modena, Reccio və Ferrara hersoqu I Alfonsonun oğlu və varisi Erkole d'Este, anası isə Fransa kralı XII Lüdovikin qızı Renedir. Doğulduğu əsnada babası hələ taxtda idi. Hələ 1 yaşında ikən babası vəfat etdi və atasının taxta çıxmasıyla taxt varisi oldu. Gənclik illərində Fransa kralı II Henrinin ordusunda xidmət etdi və Habsburqlara qarşı döyüşdü.
İtaliyan müharibəsinin bir nəticəsi kimi, 1554-cü ildə Böyük Toskana hersoqu I Kozimonun qızı Mariya Mediçi ilə nişanlandı. Ancaq gəlin namizədinin gənc yaşda vəfat etməsi bu sülh şərtlərini pozdu. İspaniya-Fransa sülhünü davam etdirmək məqsədilə, Alfonso d'Este bu dəfə hersoqun digər qızı Lukresiya ilə nişanlandı. Cütlüyün evliliyi ilə bağlı ilk saziş 13 aprel 1558-ci ildə Pizada imzalandı. 18 mayda Florensiyaya gələn vəliəhd Alfonso d'Este mərasimlə qarşılandı və cütlük 3 iyulda baş tutan toy mərasimiylə evləndi. Ancaq bu əsnada Lukresiya hələ 13 yaşında idi və bəy namizədi evliliyin tamamlanması üçün gəlinin yetkinlik yaşına çatmasını gözlədi. Bu müddət zərfində bəy namizədi Parisdə, gəlin namizədi isə Florensiyada qaldı.
Atasının vəfatından sonra 1559-cu ildə taxta çıxdı. İlk iş olaraq Roma papası IV Piyin təzyiqiylə anasını Fransaya geri göndərdi. Buna səbəb isə anası Fransalı Renenin bölgədəki protestantları dəstəkləməsi idi. Ardından Florensiyaya döndü və xanımını da alaraq 17 fevral 1560-cı ildə buradan ayrıldı. Ancaq Ferrarada səhhəti pisləşən Lukresiya öskürək, burun qanaxması və qızdırma simptonları ilə yatağa düşdü. Qısa xəstəliyinin ardından 21 aprel 1561-ci ildə Ferrarada xanımı vəfat etdi. Müasir elm onun vərəmdən vəfat etdiyini təxmin etsə də, dövrün tarixi mənbələrində zəhərlənmə ehtimalı da qeydə alınıb.
İkinci evliliyi isə 5 dekabr 1565-ci ildə Müqəddəs Roma imperatoru I Ferdinandın qızı Avstriyalı Barbara ilə baş tutdu. Ancaq bu evliliyi də xanımının vaxtsız ölümüylə sonlandı. Avstriyalı Barbara 1572-ci ildə vərəm xəstəliyi səbəbilə vəfat etdi.
Üçüncü və son evliliyi isə 24 fevral 1579-cu ildə Mantuya hersoqu Quqlielmo Qonzaqanın qızı Marqarita Qonzaqa ilə baş tutdu. Ancaq onun heç bir evliliyindən övladı olmadı.
1570-ci ildə baş verən Ferrara zəlzələsi onun səltənətinə təsadüf etdi. 1583-cü ildə Macarıstandakı Osmanlılara qarşı Müqəddəs Roma imperatoru II Rudolf ilə ittifaq qurdu.
1597-ci ildə Ferrarada vəfat etdi və beləcə, Este ailəsinin leqal kişi şəcərəsi sonlandı. Müqəddəs Roma imperatoru II Rudolf isə Modena və Reccio mülkü üçün ailənin yan şəcərəsinə mənsub Çezare d'Estenin suverenliyini tanıdı. Çezare d'Este I Alfonsonun nigahdan kənar doğulan oğlunun oğlu, yəni mərhum hersoqun ögey əmisi oğlu idi. Ancaq bu təyinat yalnız imperator tərəfindən tanındı. Roma papası VIII Klement bunu qəbul etmədi və hətta, Ferrara mülkünü yenidən Papa dövlətinə ilhaq etdi. Este ailəsi mənsubları Ferraradan qovuldu.
Mənbə
[redaktə | vikimətni redaktə et]Ədəbiyyat
[redaktə | vikimətni redaktə et]- Bartlett, Kenneth R. A Short History of the Italian Renaissance. University of Toronto Press. 2013. ISBN 978-1-4426-0014-0.
- Bartlett, Kenneth. The Renaissance in Italy: A History. Hackett Publishing Company. 2019.
- Murphy, Caroline P. Murder of a Medici Princess. Oxford University Press. 2008. ISBN 978-0-19-531439-7.
- Previté-Orton, C. W. Cambridge Medieval History, Shorter: Volume 2, The Twelfth Century to the Renaissance. Cambridge University Press. 1978.
İstinadlar
[redaktə | vikimətni redaktə et]- 1 2 Alfonso II. d'Este (alm.). // Brockhaus Enzyklopädie. F.A. Brockhaus. (İstifadə tarixi: 9 oktyabr 2017).
- 1 2 Darryl Roger Lundy. Alfonso II d'Este, Duca di Ferrara (ing.). // The Peerage.