IV Sanço (Kastiliya və Leon kralı)
| IV Sanço | |
|---|---|
| | |
| 4 aprel 1284 – 25 aprel 1295 | |
| Əvvəlki | X Alfonso |
| Sonrakı | IV Ferdinand |
| Şəxsi məlumatlar | |
| Doğum tarixi | 12 may 1258 |
| Doğum yeri | |
| Vəfat tarixi | 25 aprel 1295 (36 yaşında) |
| Vəfat yeri | |
| Dəfn yeri | |
| Fəaliyyəti | siyasətçi |
| Atası | Müdrik X Alfonso |
| Uşaqları | |
IV Sanço (isp. Sancho IV) və ya Cəsur Sanço (isp. Sancho el Bravo; 12 may 1258, Sevilya – 25 aprel 1295, Toledo) — Kastiliya, Qalisiya və Leon kralı.
Həyatı
[redaktə | vikimətni redaktə et]1258-ci ildə Valyadoliddə dünyaya gəldi. Atası Kastiliya, Qalisiya və Leon kralı X Alfonso, anası isə Araqon kralı I Xaymenin qızı Yolandadır. Kralın ikinci oğlu idi və vəliəhd olan qardaşı Ferdinandın öz oğulları vardı. Bu səbəblə, taxt sıralamasında geridə idi. 1275-ci ildə böyük qardaşı Ferdinand döyüş meydanında həlak oldu və geridə 2 körpə oğlu qaldı. Ənənəyə görə, taxt varisliyi onun oğullarına qalmalı idi. Ancaq Sanço qardaşı oğullarının azyaşlı olmasını bəhanə edərək taxt varisliyini tələb etdi. Atasına düşmən olan bəzi zadəganları öz tərəfinə çəkən Sançonun 1282-ci ildə vəliəhd elan edilməsiylə nəticələnən taxt mübarizəsində yalnız Sevilya, Mursiya və Badaxoz şəhərləri atasına sadiq qaldı.
Taxt haqqını gücləndirmək niyyətiylə Mariya de Molina ilə evləndi. Seçilən gəlin namizədi Leon kralı IX Alfonso və Kastiliya kraliçası Berenqariyanın oğlu Alfonsonun qızı idi. Cütlüyün bu nigahdan 7 övladı doğuldu.
- İzabella (1283-1328)
- IV Ferdinand
- Alfonso (1286-1291)
- Henri (1288-1299)
- Pyotr (1290-1319)
- Filipp (1292-1327)
- Beatris (1293-1359)
Atasının 1284-cü ildə vəfatından sonra təkbaşına taxta çıxdı. Taxta çıxmasına baxmayaraq səltənəti boyunca müxalif qüvvələrlə mübarizə apardı. Müxalif birliklərə isə kiçik qardaşı Con rəhbərlik edirdi. Daha sonra qardaşını ələ keçirib həbs etdirdi. Yüzlərlə insan krala tabe olmadığı üçün edam olundu.
Ancaq ehtimal ki, vərəm xəstəliyinə yoluxmuşdu. 25 aprel 1295-ci ildə Toledoda vəfat etdi və vəsiyyətinə görə 9 yaşlı oğlu IV Ferdinand xanımı Mariya de Molinanın naibəliyi altında taxta çıxdı.
Mənbə
[redaktə | vikimətni redaktə et]Ədəbiyyat
[redaktə | vikimətni redaktə et]- Coldiron, A. E. B. Printers Without Borders: Translation and Textuality in the Renaissance. Cambridge University Press. 2015.
- d'Avray, David. Papacy, Monarchy and Marriage 860–1600. Cambridge University Press. 2015.
- Linehan, Peter. Castile, Portugal and Navarre // Abulafia, David (redaktor). The New Cambridge Medieval History: Volume 5, c. 1198–c. 1300. Cambridge University Press. 1995.
- Morvan, Frederic. La Chevalerie bretonne et la formation de l'armee ducale, 1260–1341 (fransız). Presses Universitaires de Rennes. 2009.
- Ruiz, Teofilo F. Spain's Centuries of Crisis, 1300 - 1474. Wiley. 2011.
- XXV años de la Escuela de Genealogía, Heráldica y Nobiliaria, Ed. Escuela de Genealogía, Heráldica y Nobiliaria, Hidalguia, 1985.