I Fridrix Fransisk (Böyük Meklenburq-Şverin hersoqu)
| I Fridrix Fransisk | |
|---|---|
| alm. Friedrich Franz I. von Mecklenburg | |
 | |
| 21 aprel 1785 – 14 iyun 1815 | |
| Əvvəlki | II Fridrix |
| 14 iyun 1815 – 1 fevral 1837 | |
| Sonrakı | Pavel Fridrix |
| Şəxsi məlumatlar | |
| Doğum tarixi | 10 dekabr 1756[1] |
| Doğum yeri | |
| Vəfat tarixi | 1 fevral 1837[1] (80 yaşında) |
| Vəfat yeri |
|
| Fəaliyyəti | hökmdar[d] |
| Ailəsi | Meklenburq sülaləsi |
| Dini | lüteranlıq |
| Təltifləri |
  |
 Vikianbarda əlaqəli mediafayllar | |
I Fridrix Fransisk (alm. Friedrich Franz I.; 10 dekabr 1756[1], Şverin – 1 fevral 1837[1], Lüdviqslust[d], Meklenburq-Ön Pomeraniya) — ilk Böyük Meklenburq-Şverin hersoqu.
1756-cı ildə Şverində dünyaya gəldi. Atası Şahzadə Lüdovik Meklenburq-Şverin hersoqu II Kristian Lüdovikin kiçik oğlu, anası Şahzadə Şarlotta Sofiya isə Saksen-Koburq-Zaafeld hersoqu Fransisk İosisin qızıdır. Doğulduğu əsnada babası yenicə vəfat etmiş, taxta isə əmisi II Fridrix çıxmışdı. Ancaq əmisi sonsuz idi və bu səbəblə taxtın yeganə varisi olaraq böyüdüldü. Lozanna və Cenevrədə təhsil aldı.
1 iyun 1775-ci ildə Qotadakı Fridensştayn qəsrində Saksen-Qota-Altenburq hersoqu II Fridrixin nəvəsi Şahzadə Luiza ilə evləndi. Cütlüyün 8 övladı doğuldu.
- Ölü doğulan bir qız uşağı (7 may 1776)
- Ölü doğulan bir oğlan uşağı (11 may 1777)
- Şahzadə Fridrix Lüdovik (13 iyun 1778 - 29 noyabr 1819)
- Şahzadə Luiza Şarlotta (19 noyabr 1779 - 4 yanvar 1801)
- Şahzadə Qustav Vilhelm (31 yanvar 1781 - 10 yanvar 1851)
- Şahzadə Karl Avqust Kristian (2 iyul 1782 - 22 may 1833)
- Şahzadə Şarlotta Frederika (4 dekabr 1784 - 13 iyul 1840)
- Şahzadə Adolf Fridrix (18 dekabr 1785 - 8 may 1821)
1785-ci ildə əmisinin vəfatının ardından taxta çıxdı. Napoleon müharibələri dövründə bitərəf qalmağa çalışsa da, hökmranlıq etdiyi torpaqlar 1806-cı ildə fransızlar tərəfindən işğal olundu. 22 fevral 1813-cü ildə Avropada ilk dəfə yəhudilərə hüquq bərabərliyini təmin edən qərar qəbul etdi. Ancaq antisemitizmin tüğyan etdiyi o dövrdə bu hadisə Avropa dövlətlərinin narazılığına səbəb oldu. Nəticədə 1817-ci ilin sentyabrında bu qərar ləğv edildi.
Rus çarı I Aleksandrın dəvətiylə, 14 mart 1813-cü ildə Napoleona qarşı döyüşməyə qərar verdi. 26 martda səfərbərlik və kütləvi əfv elan olundu. Napoleon müharibələrinin ardından çağırılan Vyana konqresində Böyük hersoq ünvanı aldı. 1820-ci ildə köləlik ləğv edildi.
1837-ci ildə yaşlılıq və ağciyər nasazlığı səbəbilə vəfat etdi və taxta böyük oğlundan doğulan nəvəsi çıxdı.
Mənbə
[redaktə | vikimətni redaktə et]Ədəbiyyat
[redaktə | vikimətni redaktə et]- Haggerty, George; Zimmerman, Bonnie, eds. (2000). "German Literature". Encyclopedia of Lesbian and Gay Histories and Cultures. p. 612. ISBN 0-815-34055-9
- Haydn, Joseph (1855). History of the Wars of the French Revolution. Bangs. p. 555
İstinadlar
[redaktə | vikimətni redaktə et]- 1 2 3 4 Lundy D. R. Friedrich Franz I Großherzog von Mecklenburg-Schwerin // The Peerage (ing.).