Jerari indiqoferası

Vikipediya, açıq ensiklopediya
Jump to navigation Jump to search
Jerari indiqoferası
Jerari indiqoferası
Elmi təsnifat
Aləmi: Bitkilər
Fəsilə: Paxlakimilər
Cins: İndiqofera cinsi
Növ: İndigofera gerardiana (Wall.) Baker
Elmi adı
İndigofera gerardiana (Wall.) Baker

Təbii yayılması:[redaktə | əsas redaktə]

Təbii halda Himalayda bitir.

Botaniki təsviri:[redaktə | əsas redaktə]

1,5 m hündürlükdə olan kol bitkisidir. Zoğları bir qədər tilli, gümüşü-boz rənglidir. Üzəri sıx, yastı tükcüklərlə örtülmüş olur. Yarpaqları təklələkvari, 5-6 sm uzunluğunda bozumtul, 13-21 ədəd qarşılıqlı düzülmüş, yumurtavari və ya enli-neştərşəkilli yarpaqcıqlardan ibarətdir. Yarpaqcıqların uzunluğu 1-1,5 sm, yuxarısı dəyirmi və ya oyuq, azca iti, hər iki tərəfdən sıx tükcüklərlə örtülmüşdür. Iyul-avqust aylarında çiçəkləyir. Çiçəkləri çəhrayı rəngli, 1 sm uzunluğunda olub, düz qalxan, 15 sm uzunluğunda sıx çiçək salxımlarında yerləşir. Kasacığı neştərdişlidir. Tacı nazik tükcüklərlə örtülü yelkən formasındadır. Meyvəsi oktyabr ayında yetişir, paxla formalı, silindrşəkilli, 3-5 sm uzunluqda, 6-10 toxumludur. Toxum vasitəsilə çoxaldılır. Kökündən yeni zoğlar verir və hər il bir neçə dəfə çiçəkləyir.

Ekologiyası:[redaktə | əsas redaktə]

Şaxtaya davamlıdır. Rütubətli torpaqlarda normal çiçəkləyir və keyfiyyətli toxum verir. Yerüstü hissəsi soyuqda və ya quraqlıqda tələf olur.

Azərbaycanda yayılması:[redaktə | əsas redaktə]

Mərkəzi Nəbatat bağında və Dendrologiya İnstitutunun təcrübə sahəsində becərilir. Mədəni şəraitdə isə Qafqazın Qara dəniz sahillərində park və bağlarda becərilir.

İstifadəsi:[redaktə | əsas redaktə]

Kolun ucları kəsildikdə cavan zoğlar yaxşı inkişaf edir və yaxşı çiçəkləyir, dekorativ kol kimi tək-tək qruplarla və canlı çəpər salmaq üçün istifadə oluna bilər.

Mənbə[redaktə | əsas redaktə]

http://dendrologiya.az/?page_id=112 Azərbaycan Dendroflorası III cild-Bakı:"Elm",2016,400 səh. T.S.Məmmədov

Məlumat mənbələri[redaktə | əsas redaktə]

  • Tofiq Məmmədov, Elman İsgəndər, Tariyel Talıbov. "Azərbaycanın Nadir Ağac və kol bitkiləri", Bakı: "Elm", 2014, 380 səh.

İstinad[redaktə | əsas redaktə]

  • Флoрa Aзeрбaйджaнa. т.5. 1954; Флoрa Kaвkaзa. т.5. 1954;
  • Azərbaycanın ağac və kolları. I cild. 1961;
  • Azərbaycan flora-sının konspekti. I-III cildlər. 2005; 2006; 2008;
  • Tofiq Məmmədov, Elman İsgəndər, Tariyel Talıbov. Azərbaycanın nadir ağac və kol bitkiləri", Bakı: "Elm", 2014, 380 səh