Kövsər Tarverdiyeva

Vikipediya, azad ensiklopediya
Jump to navigation Jump to search
Kövsər Tarverdiyeva
Kövsər Məmməd qızı Tarverdiyeva
Kövsər Tarverdiyeva.png
Doğum tarixi
Doğum yeri İrəvan, Rusiya İmperiyası
Vəfat tarixi
Vəfat yeri Bakı, Azərbaycan
Vətəndaşlığı Azərbaycan SSR, Azərbaycan
Həyat yoldaşı Cəfər Əlizadə
Elm sahəsi dilçilik
Elmi dərəcəsi filologiya elmləri doktoru,

Kövsər Məmməd qızı Tarverdiyeva - görkəmli ermənişünas, filoloq, professor.

Həyatı[redaktə | əsas redaktə]

Kövsər Tarverdiyeva 14 iyul 1914-cü ildə İrəvanda Gedərçay üstündəki Dəmir Bulaq məhəlləsində bağbanlıqla məşğul olan Məşədi Məmmədin ailəsində anadan olmuşdur.

Təhsili[redaktə | əsas redaktə]

Uşaqlıq illəri bu bağ-bağatlı şəhərdə keçən Kövsər xanım o zaman bütün İrəvanda məşhur olan Haşım bəy məktəbində təhsil alır. 9-cu sinifi bitirərkən onun qabiliyyətini nəzərə alaraq İrəvan Pedaqoji Texnikumunun sonuncu kursuna dəyişdirirlər. Pedaqoji məktəbi bitirdikdən sonra Kövsər xanım 1932-ci ildə Bakıya yollanmışdır. [1]

Kövsər Tarverdiyeva 1937-ci ildən 1939-cu ilə qədər Lenin adına Pedoqoji İnstitutun Ədəbiyyat fakultəsinin dekanı vəzifəsində çalışmışdır. 1942-ci ildə Azərbaycan SSR Elmlər Akademiyasının Nizami adına Ədəbiyyat İnstitutunda aspirantura təhsilini tamamlamışdır. 1942-1943-cü illərdə Azərbaycan SSR Təhsil Nazirliyində Kadrlar İdarəsinin rəisi vəzifəsində olmuşdur. Daha sonra, 1948-ci ilə qədər Azərbaycan SSR Təhsil Nazirliyi Müəllimləri Təkmilləşdirmə İnstitutunun elmi-tədris işləri üzrə prorektoru vəzifəsində işləmişdir.

30 yaşında olarkən o tibb sahəsində təhsil almağa qərar verir və 1944-1949-cu illərdə Azərbaycan Tibb İnstitutunun müalicə-profilaktika ixtisasında təhsil alır. Lakin daha sonra həkim karyerasına davam etmir.

Elmi fəaliyyəti[redaktə | əsas redaktə]

1952-ci ildə, dissertasiyasını erməni dilində müdafiə edərək "filologiya elmləri namizədi" alimlik dərəcəsini alır.

Azərbaycan, rus və erməni dillərində oxuduğu mühazirələr həmişə pedaqoji və elmi ictimaiyyət tərəfindən yüksək qiymətləndirilib. Elmi işinin mövzusu Azərbaycan-Ermənistan münasibətlərinin tarixinə həsr edildiyinə, işin yazıldığı dil isə erməni dili olduğuna görə danosbazlar o zamankı ölkə rəhbəri Mircəfər Bağırova gizli məlumat ötürdüyü iddia edilmişdir. Bağırov aravuranlara konkret cavab verib: “Türk qızı ermənilərin arasında ermənicə alimlik dissertasiyası müdafiə edibsə, bunun özü bir namizədlik mövzusu olmalıdır”.

Onun fəaliyyəti həmişə yüksək qiymətləndirilib. İki dəfə SSRİ Ali Sovetinin Fəxri Fərmanına, eləcə də “Əməkdar ali məktəb işçisi” Fəxri adına layiq görülüb. “Qafqazın müdafiəsi uğrunda” və “Əmək fəaliyyətinə görə” medalları ilə təltif olunmuşdur.

2013-cü ildə Bakıda vəfat etmişdir.

Kitabları[redaktə | əsas redaktə]

  • “Azərbaycan mədəniyyəti erməni dövri mətbuatında (1850-1920)”[2]
  • “Əsgər ağa Adıgözəlov Gorani”, Bakı, İşıq,1977 [3]
  • "Hikmətli sözlər aləmindən", Bakı, 1984
  • "Vasaq Madatovun (Nəzmi) həyat və yaradıcılığı", Bakı, APİ, 1987
  • "Məslək dostları", Bakı, Azərnəşr 1992

İstinadlar[redaktə | əsas redaktə]

  1. Əsgər Zeynalov “İrəvan xanlığı – gerçəkliyin aydınlığı” əsəri
  2. Azərbaycan mədəniyyəti erməni dövri mətbuatında (1850-1920), Tarverdiyeva, Kövsər Məmməd qızı, Bakı: Yazıçı, 1985.
  3. Əsgər Zeynalov, İrəvan Xanlığı - Gerçəkliyin Aydınlığı, səh. 271