Küçxür Səid
Küçxür Səid (ləzg. 'Куьчхуьр Саид) — Ləzgi əsilli azərbaycanlı şair.
| Küçxür Səid | |
|---|---|
| Куьчхуьр Саид | |
 | |
| Doğum tarixi | 1767-ci il |
| Doğum yeri | Dağıstan, Küçxür. |
| Vəfat tarixi | 1812-ci il |
| Milliyyəti | Ləzgi |
| Fəaliyyəti | yazıçı, şair |
| Əsərlərinin dili | Azərbaycan dili, Ləzgi dili |
| juvanbur.net/azj/_1317 | |
Həyatı[redaktə | əsas redaktə]
XVIII əsrin axırı, XIX əsrin əvvəllərində yaşayıb-yaradan şair Küçxür Səidin ləzgi poeziyasında özünəməxsus yeri var. Onun yaradıcılığı Kürə vadisi boyu qəddarlığı və qaniçənliyi ilə məşhur olan qazıqumux xanı Surxay xanın hökmranlıq etdiyi illərə düşür.
Küçxür Səid ləzgi ədəbiyyatına ilk dəfə mübariz ruhda şer nəfəsi gətirən şairdir. Onun o dövrü tənqid edən cəsarətlə yazılmış realist şerləri Surxay xana çatırdı. Xan hiddətlənirdi. O, Səidi öz yanında qalmağa çağırdı. Amma o, xanın yanında qalmağa razı olmur. Xan şairdən qisas almağı qət edir. Onu ailə məclisinə dəvət edir. Surxay xan ondan öz qohum-əqrabasını şirin nəğmələri ilə tərifləməyi tələb edir. Səid oxuyarkən xan onu arvadlarına şəhvətlə baxmaqda ittiham edir, və nökərlərinə şairin gözlərini çıxarmağı əmr edir.
Amma Səid ruhdan düşmür. O, dövlətliləri rüsvay edir, cəsarətlə onları biabır edirdi. Onun yaradıcılığında xalqın yaşayışı, dərdi-halı, oturuşu-duruşu böyük ustalıqla və saflıqla verilib. Şair az yaşadı, ancaq poeziya aləmində qoyduğu iz çox illər xalqın tarixində qalacaqdır. Küçxür Səidin yaradıcılığına onlarla şair şerlər həsr edib, poemalar yazıb eləcədə yazıçılar roman, povestlər qələmə alıb.
Şair, şeirlərini Azərbaycan və Ləzgi dilində yazıb.