Kürəkən Numan Paşa
| Kürəkən Numan Paşa | |
|---|---|
| Şəxsi məlumatlar | |
| Vəfat tarixi | |
| Atası | Hacı Seyid Əhməd ağa |
| Həyat yoldaşı | Zübeydə Sultan |
Kürəkən Numan Paşa (ö. 1784) — Osmanlı sultanı I Mahmud, III Osman və III Mustafa dönəmlərində müxtəlif dövlət vəzifələrində xidmət etmiş dövlət xadimi.
Saloniki əyanından Hacı Seyid Əhməd ağanın oğlu olub, gənc yaşlarında İstanbula göndərilərək saraya təhvil verilmişdir. Əndərunda yetişmiş, 1738-ci ildə ikinci miraxur, ardından qapıçılar kənxudası olmuşdur. Daha sonra 16 dekabr 1748-ci ildə Sultan Əhmədin qızlarından Zübeydə Sultanla nigahlandı. Cütlüyün toy mərasimi 6 yanvar 1749-cu ildə İstanbulda baş tutdu.
Nigahın ardından vəzirliklə Saloniki valisi təyin edildi və ard-arda təyinatlarla Rumelidəki müxtəlif əyalətlərdə xidmət etdi. 1751-ci ilin fevralında Hotin, 1752-ci ilin martında Vidin, 1753-cü ilin mayında Belqrad, 1754-cü ilin martında yenidən Saloniki sancaqbəyi oldu. 1756-cı ildə xanımının vəfatından sonra gözdən düşdü. Son təyinat yeri olan Adanadan gələn şikayətlər üzərinə vəzifədən alınaraq vəzirliyi əlindən alındı. 1760-cı ilin yanvarında vəzirliyi geri verilərək Sayda, ardından Trabzon, 1764-cü ilin avqustunda Van, ardından Ərzurum, 1767-ci ilin oktyabrında Çıldır valisi oldu. 1771-ci ilin sentyabrında Şam sərdarı və Rəqqa valisi təyin edildi. 1773-cü ilin mayında Rumeli bəylərbəyi olsa da, yaşlılığı səbəbilə həmin ilin oktyabrında vəzifədən alındı. 1784-cü ildə vəfat etmişdir.
Mənbə[redaktə | mənbəni redaktə et]
- Sicill-i Osmani IV cild, səh. 238