Küveytin dövlət quruluşu

Küveyt Dövləti Küveyt Küveyt
Bayrağı Gerbi
Himni: النشيد الوطني
Paytaxtı və ən böyük şəhəri	Küveyt-2 million sakin (2008-ci il)
Rəsmi dilləri	ərəb,ingilis
Etnik qrupları	Küveyt ərəblər-31%,digər ərəblər-28%, iranlılar,pakistanlılar,hindistanlılar.
Dini	islam
İdarəetmə forması	Monarxiya
• əmir	Sabah əl-Əhməd əl-Cabir əs-Sabah [29.I.2006 ~]
• baş nazir	Cabir əl-Mübarək əl-Həməd əs-Sabah
Yaranması	19 iyun 1961 il( B.Britaniyadan müstəqillik)
Ərazisi
• Ümumi	17818 (158-ci yer)
Əhalisi
• 2014 təxmini	3 020 min (140-cı yer)
• 20.IV.2005 siyahıya alma	2 193 651
• Sıxlıq	169/km2 (437.7/kv. mil)
ÜDM (AQP)	2013 təxmini
• Ümumi	165,8 milliard (61-ci)
• Adam başına	43 000 (23-cü)
Valyutası	Küveyt dinarı (KD)
Saat qurşağı	UTC +3
Telefon kodu	965
ISO 3166 kodu	KW
İnternet domeni	.kw

Küveytin dövlət quruluşu - 1962-ci ildə qəbul edilmiş Konstitusiyaya əsasən hüquqi-siyasi, inzibati, iqtisadi və ictimai münasibətlər sisitemi.

Dövlət quruluşu

Küveyt mütləq formalı idarəetmə üsuluna malik konstitusiyalı monarxiyadır . Milli bayram günü olan milli gün (1950) 25 fevralda qeyd olunur.

Ölkə Konstitusiyası 11 noyabr 1962-ci ildən qüvvədədir.

İnzibati bölgüsü

Küveyt ərazisi inzibati cəhətdən 6 vilayətə (Əl-Əhmədi, Əl-Fərvaniyyə, Əl-Asima, Əl-Cəhra, Həvalli, Mübarək Əl-Kəbir) bölünür.

Küveytin inzibati-ərazi bölgüsünün xəritəsi

Dövlət başçısı

Mövcud Konstitusiyaya görə Hökumətin başçısını təyin etmək, Parlamenti buraxmaq, qanun layihələrini imzalamaq və ya onları yenidən işlənilməsi üçün Məclisə (Parlament) qaytarmaq və s. mühüm səlahiyyətlərə malik olan Əmir - dövlətin başçısı və Küveyt silahlı qüvvələrinin ali baş komandanıdır.

Ölkənin idarə edilməsində de-yure müstəsna və şəriksiz hüquqlara malik olan, de-fakto isə ölkəni təkbaşına idarə edən Əmirin toxunulmazlıq hüququ vardır, bununla belə Küveyt Əmirliyinin kütləvi informasiya vasitələrində onun tənqid edilməsinə qadağa mövcud deyil.

Əmir taxt-tac vəliəhdini təyin etmək hüququna malikdir. Vəliəhdin namizədliyi hakim ailənin üzvləri tərəfindən bəyənilməli və ölkə Parlamenti tərəfindən təsdiq edilməlidir. Əgər Parlament təklif olunan namizədin əleyhinə səs verərsə, Əmir Parlamentə hakim ailədən olan üç nəfərin namizədliyini təqdim etməli, Parlament isə onlardan birini təsdiq etməlidir.

Qanunvericilik hakimiyyəti

Birpalatalı Milli Məclisdir. Parlamentin 50 üzvü var və onlar ümumxalq seçkiləri yolu ilə 4 il müddətinə seçilirlər. Konstitusiyaya görə, Məclis Əmir tərəfindən çağırılır və dövlət başçısının yeni çağırış məqsədilə Parlamenti qısa müddətə buraxmaq səlahiyyəti vardır.

Ölkədə siyasi partiyalar yoxdur və mövcud qanunvericiliyə görə siyasi partiyaların yaradılması qadağandır.

Küveytdə qadınlar kişilərlə bərabər seçki hüququna malikdirlər .

İcraedici hakimiyyət

Üzvləri Baş nazir tərəfindən təyin olunan və dövlət başçısı (Əmir) tərəfindən təsdiq edilən Nazirlər Şurası, ölkədə icra hakimiyyətini Əmirlə birlikdə həyata keçirir. Küveytin ikinci ali vəzifəli şəxsi (Əmirdən sonra) sayılan və Hökumətə başçılıq edən Baş nazir və onun müavini, habelə Hökumətin digər ali yetkililəri dövlət başçısı tərəfindən təyin olunur. Kifayət qədər geniş səlahiyyətlərə malik olan Nazirlər Şurası Milli Məclis qarşısında heç bir məsuliyyət daşımır.

Məhkəmə hakimiyyəti

Ölkədə məhkəmə-hüquq sistemi İslam (fundamental “Şəriət”) hüququnun təməl prinsiplərinə əsaslanır. Küveyt dövlətinin məhkəmə hakimiyyəti Ali Apelyasiya Məhkəməsi, habelə birinci instansiya məhkəmələri tərəfindən həyata keçirilir.

Mənbə

• Густерин П. В. Города Арабского Востока. — М.: Восток—Запад, 2007. — 352 с. — (Энциклопедический справочник).