Kəmalə Cəfərzadə

Vikipediya, azad ensiklopediya
Jump to navigation Jump to search
Kəmalə Cəfərzadə
Şəkil yoxdur.jpg
Doğum tarixi 10 iyun 1976 (1976-06-10) (43 yaş)
Doğum yeri SSRİ SSRİ
Azərbaycan Azərbaycan SSR, Bakı
Vətəndaşlığı Azərbaycan Azərbaycan
Həyat yoldaşı Samir İsayev
Atası Əhməd Cəfərov
Anası Bahar Cəfərova
Milliyyəti Azərbaycanlı
Təhsili Azərbaycan Memarlıq və İnşaat Universiteti
Mükafatları "Tərəqqi" medalı

Kəmalə Cəfərzadə — Tofiq İsmayılov adına Uşaq-Gənclər Yaradıcılıq Sara­yı­nın innovativ layihələr üzrə direktor müavini, Sarayın “Təsviri Sənət Qalereyası”nın rəhbəri.

Cəfərzadə Kəmalə Əhməd qızı 1976-cı ildə Bakı şəhərində ziyalı ailəsində anadan olmuşdur. 1993-cü ildə Yasamal rayonu 20 saylı məktəbi bitirmiş, həmin ildə Azərbaycan Memarlıq və İnşaat Universitetinin “Memarlıq” fakultəsinə qəbul olmuşdur. 1997-ci ildə “Memar” ixtisası üzrə Bakalavr dərəcəsi (Bakalavr Fərqlənmə diplomu), 1999-cu ildə Magistr dərəcəsi almışdır (Magistr Fərqlənmə diplomu). 1997-ci ildə Saratovda keçirilən MDB döv­lət­lərinin 20-dən çox memarlıq ali tədris müəssisələri arasında ən yaxşı layihələrə – diplom işlərinə VI Ümumxalq baxış-konkursun nümayışində “Bakının dağüstü sahəsində yaşayış kompleksinin planlaşdırılması və tikintisi layihəsi”nin nümayişinə görə I dərəcəli Diploma layiq görülmüşdür.

2001-ci ildə Azərbaycan Dövlət Pedaqoji Kollecinə daxil olmuş və 2005-ci ildə “Əmək, rəsm və rəsmxət müəllimi” ixtisasına yiyələnmişdir.

2003-cü ildə Bakı Pedaqoji Kadrların İxtisasartırma və Yenidənhazırlanma İnstitutunda “Təsviri incəsənət və rəsmxət” ixtisası üzrə tam ixtisasartırma kursunu bitirmişdir.

1998-ci il ildən Bakı Avropa Liseyində təsviri incəsənət və rəsmxət müəllimi kimi fəa­liyyət göstərmişdir.

2007-ci ildə təhsil-tərbiyə prosesində İKT-nin effektiv istifadəsi üzrə “İNTEL gələcəyin təlimi” kurs proqramını bitirdiyi üçün “İntel”, 2009-cu ildə Azərbaycan Respublikası Təhsil Nazirliyi və “Smart Texnologies” şirkəti tə­rəfindən təşkil edilmiş məktəb müəllimləri üçün “MİMİO XI interaktiv lövhə ilə tədris” təlim kurs­larında, 2009-cu ildə “2008-2012-ci illərdə Azərbaycan Respublikasinda təhsil sisteminin in­for­ma­si­yalaş­dırılması üzrə Dövlət Proqramı” çərçivəsində həyata keçirilən “1 Şagird – 1 kompüter” layihəsi üzrə təlim kurslarında iştirak etmişdir.

Yeni kurikulum əsasında hazırlanmış 1–8-ci siniflər üçün “Təsviri incəsənət” dərs­­lik komplektlərinin (dərslik və metodik vəsait) müəllifidir. “Azərbaycan Müəl­limi” qəzetində, “Kurikulum” jurnalında daim elmi-metodik məqalələrlə çıxış edir.

Azərbaycan Respublikasi Prezidentinin Sərəncamı ilə 2009–2010-cu tədris ilində keçi­ril­miş “Ən yaxşı müəllim” müsabiqəsində iştirak etmiş, ən yüksən nəticə əldə edərək I yerin qalibi olmuşdur.

2011-ci ildə Təhsil Nazirliyi tərəfindən “Azərbaycan Respublikası qabaqcıl təhsil iş­çisi” adı və döş nişanı ilə təltif olunmuşdur. İşlədiyi müddət ərzində mütəmadi olaraq müxtəlif mövzularda təşkil etdiyi sərgilər respublikada və respub­likadan kənarda nümayiş etdirilmişdir.

2011-ci ildə UNİSEF tərəfindən təşkil edilmiş “İbtidai siniflər üçün yeni kurikulum və fəal təlimə giriş kursu üzrə təlimçilərin hazırlanması” mövzusunda keçirilən treninqdə iştirak etmişdir.

2011-ci ildə Azərbaycan Respublikası Təhsil Nazirliyi və UNİCEF-in təşkil etdiyi “Ümumi təhsildə kurikulum və onun idarə olunması və “Məktəb Uşağın Dostu” prinsiplərinin tət­biqi üzrə təlimçilərin təlimi” kursunu müvəffəqiyyətlə bitirmişdir.

2012-ci ildə Təhsil Nazirliyi və Microsoft şirkətinin birgə layihəsi olan “İnnovativ müəllim” müsabiqəsində “Multikultura uşaqların gözü ilə” layihəsini təqdim etmiş və 1-ci yerin qalibi olmuşdur. Həmin ildə, Portuqaliyanin Lissabon şəhərində keçirilən “Avropa İnnovativ Müəllimlər Forumu — 2012” nin iştirakçısı və qalibi olmuşdur.

2012-ci ildə Azərbaycan Respublikası Təhsil Nazirliyi və “İnkişaf” Elmi mərkəz tərə­findən təşkil edilmiş “Ümumi orta təhsil səviyyəsi üzrə yeni fənn kuriku­lum­larının tətbiqi və fəal (interaktiv) təlim” mövzusunda təlimçi sertifikatı qazanmışdır və təsviri incəsənət fənn kurikulumunun təlimçisi olaraq müəllimlərə təlim kursu keçmişdir.

2012-ci ildə Azərbaycan Respublikası Təhsil Nazirliyi və Edumedia şirkəti tərəfindən “Promethean” interaktiv lövhələrindən istifadə kurslarını müvəffəqiyyətlə bitirmişdir.

2012-ci ildən Azərbaycan Memarlıq və İnşaat Universitetinin “Memarlıq layihələn­di­ril­məsi və şəhərsalma” kafedrasının doktorantıdır.

2014-cü ildə TRIZ – Pilot Project "Learning for the Future – Modern TRIZ" – “Gələ­cəyin təhsi­li”, distant texnologiyalar üzrə təlim kursu, pilot layihəsi və müsabiqəsi­nin rəhbəri və qalibi olmuşdur. (UNESCO Məktəblər Assosiasiyası və Müasir TRİZ Akademiyası, Berlin, Almaniya).

2014-cü ilin fevral-may aylarında Azərbaycan Respublikası Təhsil Nazirliyinin keçirdiyi məktəb direktorları və gələcəkdə bu vəzifədə çalışmaq arzusunda olan pedoqoji kadrlar üçün təlim kurslarında fəal iştirak etmişdir.

25 sentyabr 2014-cü ildən etibarən Tofiq İsmayılov adına Uşaq-Gənclər Yaradıcılıq Sara­yı­nın innovativ layihələr üzrə direktor müavini, Sarayın “Təsviri Sənət Qalereyası”nın rəhbəri və­zi­fəsində çalışır.

Azərbaycan Respublikası Prezidentinin 30 sentyabr 2014-cü il tarixli sərəncamına əsa­sən "Tərəqqi" medalı ilə təltif edilmişdir.

Mənbə[redaktə | əsas redaktə]

  1. | Cəfərzadə Kəmalə Əhməd qızı