Kəmaləddin Heydərov

Kəmaləddin Heydərov
Kəmaləddin Heydərov
Azərbaycan Respublikasının 1-ci fövqəladə hallar naziri
	Vəzifədədir
	6 fevral 2006-cı ildən
Əvvəlki	vəzifə təsis edilib
Azərbaycan Taekvondo Federasiyasının prezidenti
	Vəzifədədir
	1999-cu ildən
Əvvəlki	Azər Həsənsoy
Azərbaycan Boks Federasiyasının prezidenti
	23 yanvar 2009 – 9 fevral 2022
Əvvəlki	Ağacan Abıyev
Sonrakı	Sahil Babayev
Azərbaycan Respublikası Dövlət Gömrük Komitəsinin sədri
	17 yanvar 1995 – 6 fevral 2006
Əvvəlki	Tahir Əliyev
Sonrakı	Aydın Əliyev
Şəxsi məlumatlar
Doğum tarixi	15 iyul 1961 (64 yaş)
Doğum yeri	Çeşməbasar, Naxçıvan rayonu, Naxçıvan MSSR, Azərbaycan SSR, SSRİ;
Təhsili	Naxçıvan şəhər 1 saylı orta məktəbi[d],; Bakı Dövlət Universiteti,; Azərbaycan Universiteti;
Fəaliyyəti	siyasətçi, bəstəkar
Atası	Fəttah Heydərov
Uşağı	Tale Heydərov;
Rütbəsi	; General-polkovnik; ; Gömrük xidməti general-polkovniki
Təltifləri
	Vikianbarda əlaqəli mediafayllar

Kəmaləddin Fəttah oğlu Heydərov (15 iyul 1961, Çeşməbasar, Naxçıvan rayonu) — Azərbaycan Respublikasının fövqəladə hallar naziri (2006-cı ildən), general-polkovnik, Azərbaycan Taekvondo federasiyasının prezidenti, Dünya Taekvondo Federasiyasının vitse-prezidenti.^[1]

Həyatı

Kəmaləddin Fəttah oğlu Heydərov 15 iyul 1961-ci ildə Naxçıvan MR-in Babək rayonunun Çeşməbasar kəndində anadan olub. 1978-ci ildə Naxçıvan şəhər 1 saylı orta məktəbi, 1984-cü ildə Azərbaycan Dövlət Universitetinin geoloji-kəşfiyyat fakültəsini bitirmişdir. Azərbaycan Universitetində ikinci ali təhsil alıb.

Əmək fəaliyyətinə 1978-ci ildə "Xəzərdənizneftqaz" kəşfiyyatı idarəsində başlamış, texnik və geoloq vəzifələrində çalışmışdır. 1995-ci ilin yanvar ayında Azərbaycan Respublikası Dövlət Gömrük Komitəsinin sədri, 2006-cı ilin fevral ayında Azərbaycan Respublikası Fövqalədə Hallar Naziri vəzifəsinə təyin edilmişdir.

Ailəsi

Ailəlidir. 2 övladı var. Sabiq deputat, Ağsaqqallar Şurasının sədri Fəttah Heydərovun oğludur. "Avropa-Azərbaycan Cəmiyyəti"nin sədri, "Qəbələ" Futbol Klubunun keçmiş prezidenti Tale Heydərovun atasıdır. ^[2]

Bəstəkarlığı

Azərbaycanda populyar müğənnilərin ifa etdiyi bir sıra mahnıların musiqisi Kamaləddin Heydərova məxsusdur. Mahnılarını "Kamal" imzası ilə bəstələyir. Bir neçə hit mahnının müəllifidir. Bunlardan ən məşhuru Aygün Kazımova üçün bəstələdiyi Səndən Nigaranam mahnısıdır. Özbək müğənnisi Nəsibə Abdullayeva da mahnını ifa etmişdir. 2009-cu ildə bəstəkar Kamalın "Sənə güvəndiyim dağlar" adlı albomu buraxılıb. 4 diskdən ibarət albomdakı mahnılardan ikisinin sözləri Leyla Əliyevaya, digərləri isə şair Baba Vəziroğluna məxsusdur. Müəlliflərin birgə ərsəyə gətirdikləri mahnılar və onların ekran görüntüləri CD və DVD şəklində yerləşdirilib. Disklərin üz qabığında "Səndən Nigaranam", "Yenə yaz gələcək", "Xalq Heydər söyləyəcək", "Ayrılığa dözmərəm" mahnılarının adları yazılıb. Disklərdəki mahnılar xalq artistləri Flora Kərimova, Alim Qasımov, Yalçın Rzazadə, İlhamə Quliyeva, Aygün Kazımova, İlqar Muradov, Röya və Zülfiyyə Xanbabayevanın, əməkdar artist Aygün Bəylərin və başqalarının ifasında yazılıb.^[3]

İstinadlar

↑ "Kəmaləddin Heydərov Dünya Taekvondo Federasiyasının vitse-prezidenti seçildi". 26 iyul 2023 tarixində arxivləşdirilib. İstifadə tarixi: 8 noyabr 2010.
↑ "Arxivlənmiş surət". 17 iyul 2022 tarixində arxivləşdirilib. İstifadə tarixi: 17 iyul 2022.
↑ "Bəstəkar Kamalın 4 diskdən ibarət musiqi albomu". 22 iyul 2009 tarixində orijinalından arxivləşdirilib. İstifadə tarixi: 20 iyul 2009.

Mənbə

Azərbaycanda kim kimdir. Ensiklopedik sorğu kitabı. Bakı,"Çıraq " nəşriyyatı, səh.96, 2004-cü il.

[i.e.-1] . e. 14–16 fevral 2024

[2] "Kəmaləddin Heydərov Dünya Taekvondo Federasiyasının vitse-prezidenti seçildi". 26 iyul 2023 tarixində arxivləşdirilib. İstifadə tarixi: 8 noyabr 2010.

[3] "Arxivlənmiş surət". 17 iyul 2022 tarixində arxivləşdirilib. İstifadə tarixi: 17 iyul 2022.

[4] "Bəstəkar Kamalın 4 diskdən ibarət musiqi albomu". 22 iyul 2009 tarixində orijinalından arxivləşdirilib. İstifadə tarixi: 20 iyul 2009.

[*]

[1]

[2]

[3]