Kənan Məstəliyev

Vikipediya, azad ensiklopediya
Jump to navigation Jump to search
Kənan Məstəliyev
Doğum tarixi 2 iyun 1982(1982-06-02) (38 yaş)
Doğum yeri Sumqayıt
Fəaliyyəti jurnalist

1982-ci ilin iyun ayının 2-də, Sumqayıt şəhərində anadan olub. 1999-cu orta məktəbi bitirib. 1999-2003-cü illər arasında Ali Diplomatiya Kollecinin Beynəlxalq İqtisadi Münasibətlər fakültəsinin Beynəlxalq İqtisadi Münasibətlər ixtisası üzrə ali təhsil alıb. 2003-2005-ci illərdə təhsilini davam etdirərək, Sumqayıt Dövlət Universitetinin İqtisadiyyat fakültəsinin "Maliyyə və kredit" ixtisası üzrə magistr pilləsini bitirib.

2005-2006-cı illərin iyulu arasında həqiqi hərbi xidmətdə olub.

2004-cü ilin iyundan 2008-ci ilin mart ayına qədər "Futbol+" qəzetində müxbir vəzifəsində çalışıb. 2008-ci ilin may ayının 4-də yaradılan "KomandA" qəzetinin təsisçisidir.

2010-cu il dekabrın 14-dən fəaliyyətə başlayan "Rekord.az" idman-xəbər saytının baş redaktorudur.

"AAAF İnşaat MMC"-nin mətbuat katibidir.

2016-cı il martından etibarən AFFA yanında Media Komitəsinin İdarə Heyətinin üzvüdür.

2016-cı il dekabr ayının 28-dən etibarən Azərbaycan Ağır Atletika Federasiyasının mətbuat katibidir.

Evlidir, 1 (bir) qızı var.