Kərəm Əsədov

Vikipediya, azad ensiklopediya
Jump to navigation Jump to search
Əsədov Kərəm
Əsədov Kərəm Sadıx oğlu
Kərəm Əsədov.jpg
Doğum tarixi
Doğum yeri Gədəbəy rayonu, Kiçik Qaramurad kəndi
Vəfat tarixi (84 yaşında)
Vətəndaşlığı Azərbaycan Azərbaycan
Atası Sadıx
Elm sahəsi Botanika
Elmi dərəcəsi biologiya elmləri doktoru
Elmi adı dosent
Təhsili Azərbaycan Kənd Təsərrüfatı İnstitutu
Mükafatları #2 dəfə Sosializm yarışının qalibi. #Xalq Təsərrüfatı Nailiyyətləri Sərgisinin gümüş medalı. #Azərbaycan Təbiəti Mühafizə Cəmiyyətinin Fəxri fərmanı və xatirə medalı. #Əmək veteranı medalı.

Əsədov Kərəm Sadıx oğlu — biologiya elmləri doktoru, dosent, Mərkəzi Nəbatat Bağının Nəsli kəsilməkdə olan bitkilər laboratoriyasının baş elmi işçisi vəzifəsində çalışmışdır.

Həyatı[redaktə | mənbəni redaktə et]

Əsədov Kərəm 1932-ci il fevral ayının 10-da Gədəbəy rayonu, Kiçik Qaramurad kəndində kolxozçu ailəsində anadan olmuşdur. 1938-ci ildə orta məktəbin 1-ci sinfinə başlamış, 1948-ci ildə orta məktəbi bitirmişdir.

1948-cü ildə Azərbaycan Kənd Təsərrüfatı İnstitutunun Meşə təsərrüfatı fakültəsinə daxil olmuş və 1953-ci ildə oranı Meşəçi müfəndis ixtisası olmaqla bitirmişdir. 1953-1956-cı illərdə Quba Kənd Təsərrüfatı texnikomunda müəllim işləmişdir. 1956-1964-cü illərdə Gədəbəy meşə təsərrüfatında meşəçi mühəndis vəzifəsində işləmişdir.

Ailəsi[redaktə | mənbəni redaktə et]

Evlidir, 2 övladı və 3 nəvəsi var.

Elmi Fəaliyyəti[redaktə | mənbəni redaktə et]

1964-1966-cı illərdə [[Azərbaycan ETMTJ]]-da aspirant olmuşdur. 1967-ci ildən kənd təsərrüfatı elmlər namizədi alimlik dərəcəsi almışdır. 1971-ci ildə baç elmi işçi dərəcəsinə layiq görülmüşdür. 1972-ci ilin fevral ayından oktyabr ayına kimi Gədəbəy rayonunda S. Vurğun adına kolxozunda sədr işləmişdir. 1972-ci ilin oktyabr ayında konkursdan keçməklə [[AMEA]]-nın [[Botanika İnstitut]]unun Meşəşünaslıq şöbəsinə baş elmi işçi seçilmiş və həmin vəzifədə 1990-cı ilə kimi işləmiş və 1990-cı ildən "Azərmeşə"JB-də aparıcı mühəndis vəzifəsində 2001-ci ilin may ayına kimi işləmişdir. Vəfatından öncə AMEA [[Mərkəzi Nəbatat Bağı]]nda “Nəsli kəsilməkdə olan bitkilər” laboratoriyasının baş elmi işçisi vəzifəsində çalışmışdır.

Azərbaycan florası üçün yeni 2 növ - Geranium graseli və Stafula colchica bitkisi aşkar edilmişdir. Kiçik Qafqazda 52 meşə tipinin oldugu müəyyənləşdirilmişdir. Azərbaycan meşələrində 86 min ton yabanı meyvə bitkilərinin ehtiyatı olduğu göstərilmiş, yabanı meyvələrin qruplara görə fenoloji fazaları tədqiq edilmişdir. Respublikada “Meşə-bağlarının” təsnifatı verilmiş, yabanı meyvə ağaclarının xəritəsi tərtib edilmişdir.

Elmi əsərləri[redaktə | mənbəni redaktə et]

Ümumilik də çapdan çıxmış əsərlərinin sayı 102-dir ki, bunlardan da 16-sı xaricdə, 2-si isə - beynəlxalq bazalarda referatlaşdırılan və indeksləşdirilən jurnallarda çap olunan məqalələrdir. Eyni zaman da 8 monoqrafiyanın da sahibidir.

Kitabları[redaktə | mənbəni redaktə et]

  1. Meşələrin sərvəti, Azərnəşriyyat, 1981
  2. Böyük Qafqazın yabanı meyvə bitkiləri, Elm, 1981
  3. Azərbaycanın nadir ağac və kolları, Maarif, 1984
  4. Nağıllı nəğməli meşələr, Gənclik, 1985
  5. Faydalı yabanı bitkilər, Maarif, 1988
  6. Zoğal, Elm, 1990
  7. Dendrologiya, Azərb. Ensk.nəşr., 2000
  8. Azərbaycanın yabanı meyvə bitkiləri, 2001
  9. Meşə ekologiyası, Bakı, Elm, 2010, 452 s.
  10. Azərbaycanın yabanı meyvə bitkiləri. Bakı, Ensiklopediya nəşriyyatı, 2001, 254 s.
  11. Azərbaycanın Milli parkları, Bakı, 2013, 334 s.