Kərbəlayi Miralılar

Vikipediya, açıq ensiklopediya
Jump to navigation Jump to search
Kərbəlayi Miralılar
Titul Din xadimi
Əcdadı Kərbəlayi Mirəli
Qohum soylar Qazılılar, Məmmədbəylilər, Şərifli nəsli, Eyvazlı nəsli
Dövr XVIII-XIX əsrlər
Mənşəyi Seyidli oymağı
Təbəəliyi Rusiya imperiyası
Torpaqları Seyidli kəndi
Orxan Zakiroğlu (Baharlı). Qarabağın Seyidli oymağı. I kitab. Bakı, 2017

Tarixi[redaktə | əsas redaktə]

Kərbəlayi Miralılar soyu Seyidli oymağının Seyidli oymağının sayılıb-seçi¬lən nəsillərindən biridir. Din xadimləri, tacirləri ilə tanınmış nəsil öz adını Kərbəlayi Miralının adından almışdır. Kərbəlayı Miralı XVIII əsrin ortalarında anadan olmuşdur. Mükəmməl dini təhsil almış, zəmanəsinin savadlı, müdrik din xadimlərindən sayılmış¬dır. Kərbəlanı ziyarət etdiyi üçün Seyidli oymağında Kərbəlayi Miralı adı ilə tanınmışdır. Kərbəlayi Miralı təxminən 1826-cı ildə vəfat etmişdir. [1]

Kərbəlayi Miralının Ağamalı, Ramazan, İsmayıl, Miralı adlı oğlanları olmuşdur. Nəsil XIX-XX əsrlərdə Kərbəlayi Miralının adının şərəfinə Əliyev soyadı ilə tanınmışdır. Hazırda Kərbəlayi Miralının nəsli Əliyev, Axundov, İsmayılov, Camalov, Cəfərov soyadları ilə tanınır.[1]

Xeyriyyəçilik fəaliyyətinə görə o, Qarabağın mesenatlarından sayılmış Hacı Zeynalabdin Əliyev Kərbəlayi Miralılar soyundandır.[2]

Qarabağın tanınmış, savadlı din xadimləri Axund Molla Mustafa Əliyev Ağamalı oğlu, onun oğlanları Hacı İbrahim ağa Axundov, Axund Molla Zülfüqar Axundov, əmisi İsmayılın oğlu Molla Məhəmməd Əliyev və başqaları Kərbəlayi Miralılar soyuna mənsubdur. Kərbəlayi Miralıllar nəslinin bu üç tarixi şəxsiyyətin mükəmməl mədrəsə təhsili olmuşdur.[2]

Qarabağın tacirlərindən Məşədi Yusif Axundov, Məşədi Nəsir Axundov Axund Molla Mustafa Əliyevin oğlanlarıdır.

Tanınmış maarif xadimi, müdrik el ağsaqqalı Məmməd Murtuza bəy oğlu Məmmədovun anası Seyidə xanım Axund Molla Mustafa Əliyevin bacısı Məşədi Xırda xanım Ağamalı qızının nəvəsidir.

AMEA-nın müxbir üzvü, fəlsəfə elmləri doktoru; professor Zakir Məmmədov ana tərəfdən Axund Molla Mustafa Əliyevin bacısı Məşədi Xırda xanım Ağamalı qızının kötücəsidir.[1]

Tarix üzrə fəlsəfə doktoru Gülzadə Abdulova (Axundova) Axund Molla Mustafa Əliyevin kötücəsidir.

Dövlətimizin suverenliyi və ərazi bütövlüyü uğrunda qəhrəmanlıqlar göstərmiş Natiq Yunis oğlu Camalov Tabur komandiri baş leytenant Natiq Yunis oğlu Camalov, Rövşən Saleh oğlu Camalov, Bəhruz Saleh oğlu Camalov Kərbəlayi Miralılar nəslinin layiqli övladlarıdırlar.

İstinadlar[redaktə | əsas redaktə]

  1. 1,0 1,1 1,2 Orxan Zakiroğlu (Baharlı). Seyidli oymağının Kərbəlayi Mirəli nəslinin görkəmli övladları. “Yeniləşən Azərbaycan” qəzeti, 15-22 dekabr, 2012, № 29 (113)
  2. 2,0 2,1 Orxan Zakiroğlu (Baharlı). Seyidli oymağının nəsilləri və görkəmli övladları. "Bütöv Azərbaycan" qəzeti, 5-11 dekabr, 2012-ci il № 42(174)

Mənbə[redaktə | əsas redaktə]

  • Orxan Zakiroğlu (Baharlı). Qarabağın Seyidli oymağı. I kitab. Bakı, 2017
  • Orxan Zakiroğlu (Baharlı).Seyidli oymağının nəsilləri və görkəmli övladları. "Bütöv Azərbaycan" qəzeti, 5-11 dekabr, 2012-ci il № 42(174)
  • Orxan Zakiroğlu (Baharlı). Seyidli oymağının Kərbəlayi Mirəli nəslinin görkəmli övladları. “Yeniləşən Azərbaycan” qəzeti, 15-22 dekabr, 2012, № 29(113)
  • Orxan Zakiroğlu (Baharlı). Kərbəlayi Mirəli nəslinin tanınmış din xadimi. "Təzadlar" qəzeti, 01 dekabr, 2012-ci il, № 182(1725)
  • Orxan Zakiroğlu (Baharlı). Seyidli oymağının Kərbəlayi Miralılar nəsli. “Soy” dərgisi, № 6 (38), 2010-cu il

Həmçinin bax[redaktə | əsas redaktə]