Kərgədan (komiks)

Kərgədan
ing. Rhino
Nəşriyyat	Marvel Comics
Yayım tarixi	The Amazing Spider-Man #41 (oktyabr 1966)
Yaradıcı(lar)	Sten Li
Xüsusiyyətlər
Əsl adı	Aleksey Sitseviç
Cinsiyyəti	kişi[d]
Vətəndaşlıq	Rusiya
Komiks bioqrafiyası
Üzvlükləri	Məşum altılıq
Düşmənləri	Hörümçək-adam

Kərgədan (ing. Rhino) və ya əsl adı ilə Aleksey Sitseviç (ing. Aleksei Sytsevich) – Marvel Comics tərəfindən nəşr olunan komikslərdə peyda olan supercinayətkar personaj. Sten Li və Con Romita tərəfindən yaradılmış, ilk dəfə "The Amazing Spider-Man" komiksinin 41-ci sayında (oktyabr 1966) peyda olmuşdur. Əsasən Hörümçək-adamın düşmənlərindən biridir.

Kərgədanın güclü döyüş zirehi ilə təchiz olunmuş versiyası 2014-cü il istehsalı "Yeni Hörümçək-adam: Yüksək gərginlik" filminin axırında görünmüş və Paul Qiamatti tərəfindən canlandırılmışdır.

Nəşrolunma tarixi

Yazışı Mayk Konroy tərəfindən "Hörümçək-adamın ən ağılsız düşməni" kimi təsvir olunmuş Kərgədan ilk dəfə "The Amazing Spider-Man" komiksinin 41-43-cü saylarında (oktyabr-dekabr 1966) saylarında debüt etmişdir. Bu saylarda Şərqi Avropa bloku üçün işləyən cinayətkar kimi göstərilmişdir. Daha sonra bir təcrübədə iştirak etmiş, bədəni supergüclü polimer ilə örtülmüş və supergüclü olmuşdur. Kərgədan "Hulk" komiksinin 104-cü sayında (iyun 1968) yenidən qayıtmışdır. Komiksin sonunda ölsə də, populyarlaşması onun yenidən dirildilməsinə, Hörümçək-adam və Halkın daimi düşməni olmasına səbəb olmuşdur.

Kərgədan bir çox Hörümçək-adam komikslərində onun düşməni olmuş, Məşum altılıq komandasının üzvlərindən birinə çevrilmişdir.

Bioqrafiya

Aleksey Sitseviç Şərq bloku ölkələrinin alimlərinə işləyən cinayətkardır. Alimlər onu öz təcrübələrinə cəlb edirlər və ona qeyri-insani güc verən süni dəri verirlər. Güclənən Aleksey Sitseviç ona gücünü verən agentlərə xəyanət edir və laboratoriyanı məhv edir. Daha sonra çavuş Con Ceymsonu tutmaq və Ceymsonun kosmosda ikən məruz qaldığı Yerdənkənarı sporları əldə etmək işini əldə edir. Lakin Ceymson xilas edilir və Kərgədan Hörümçək-adam tərəfindən məğlub edilir. Kərgədan həbs edilir, lakin tezliklə həbsxanadan qaça bilir. Hörümçək-adam Kört Konnors tərəfindən ona verilmiş xüsusi torları alır və Kərgədanın dərisini əridib onu məğlub edir.

Uzun müddət həbsxanada qalan Kərgədan eyni alimlər tərəfindən yenidən ziyarət edilir. Alimlər onu qamma radiasiyası ilə bombardman edirlər və onun gücünü artırırlar. Alimlər həmçinin ona daha dözümlü, turşuyadözümlü kostyum verirlər və Kərgədanı daha da güclü edirlər. Kərgədan onların Brüs Benneri yaxalamaq təklifləri ilə razılaşmalı olur, çünki alimlər onu radiasiyadakı biliklərinə görə istəyirlər. Kərgədan Halkla döyüşmək üçün məşqlər keçirir. Lakin Halkla döyüş zamanı çarəsiz vəziyyətə düşür və Halk onu elə hala salır ki, koma vəziyyətə düşür.

Bir neçə ay sonra Lider ona komadan çıxarır. Lider Brüs Bennerin Betti Rozla toyuna qarışmaq istəyir və Bettini öldürməyi planlaşdırır. Kərgədanı isə ondan qisas almağı istəyəcək Halkdan qorumaq üçün dirildir. Lakin Kərgədan Liderə xəyanət edir və özü Bennerə hücum edir. Lakin yenə də Halkı məğlub edə bilmir və Liderə qayıtmalı olur. Lakin Lider onu səhvən yaralayır. Kərgədan Liderin gəmisindəki partlayışın qurbanı olur və yenə komaya düşür. Halkla son döyüşündə iflic olan Lider Kərgədanın bədəninə olan nəzarətini ələ keçirir və Halka hücum edir. Döyüş yadplanetli dünyasına qədər davam edir və Lider orda Kərgədana nəzarəti itirib uçur. Brüs və özünə gələn Kərgədan raket vasitəsilə Yerə qayıdırlar.

Güclər və bacarıqlar

Bir sıra mutagen kimyəvi və radiasiya müalicəsi Kərgədanı fövqəlbəşər güc, sürət, dözüm və davamlılıq ilə təmin edir, bunların hamısı qamma radiasiya müalicəsi ilə daha da artırılıb. Onun fövqəlbəşəri sürəti ona yüksək sürətlə, xüsusən də qısa məsafələrdə qaçmağa imkan verir. Sytseviç tez-tez rəqiblərini bu şəkildə "ittiham edir" və ona ətrafdakı əksər düşmənlərə böyük zərər vurmağa imkan verir. Bununla belə, Rhino çevik olmaması və yavaş reaksiya vermə vaxtı ilə tanınır, bu da yüksək sürətlə qaçarkən istiqaməti dəyişdirməyi çətinləşdirir. Beləliklə, onun döyüş tərzi daha çox kavga hücumlarına yönəlib.

Rhino kostyumu Sytseviç iki buynuz da daxil olmaqla, kərgədanın bədən quruluşuna bənzəyən qalın polimer kostyuma sahibdir və üzündən başqa hər şeyi əhatə edir. Kostyum zədələrə və həddindən artıq temperaturlara davamlıdır və buynuzlar iki düymlük boşqab poladına nüfuz edə bilir. Onun ilk, daha qabarıq kostyumu əvvəlcə raket qəzasından sonra dərisinə yapışdırıldı və o, kostyumu çıxarmaq üçün bir neçə cəhddən keçdi.

İlk kostyumun məhv edilməsindən sonra Justin Hammer ikinci, çıxarıla bilən iterasiya yaratdı. İkinci kostyum Sytseviçə ən yüksək kalibrli güllələrə, həddindən artıq temperaturlara və zərbə qüvvələrinə tab gətirməyə imkan verir. Bu da onun gücünü və davamlılığını daha da artırır.