Kərim Qasımov

Vikipediya, azad ensiklopediya
Jump to navigation Jump to search
Kərim Qasımov
Kərim Qasım oğlu Qasımov
Kərim Qasımov.jpg
Doğum tarixi 5 noyabr 1946 (1946-11-05) (73 yaş)
Doğum yeri Cəhri, Naxçıvan rayonu, Azərbaycan SSR, SSRİ
Vətəndaşlığı SSRİ SSRİAzərbaycan Azərbaycan
Milliyyəti azərbaycanlı
Mükafatları "Əməkdə fərqlənməyə görə" medalı

Kərim Qasımov (Qasımov Kərim Qasım oğlu; d. 5 noyabr 1946, Cəhri, Naxçıvan rayonu, Azərbaycan SSR, SSRİ) — Naxçıvan Meliorasiya və Su təsərrüfatının keçmiş naziri, Azərbaycan və İran hökumətlərarsı birgə komissiyanın üzvü, "Dövlət qulluğu" təqaüdçüsü, "Əməkdə fərqlənməyə görə" medalı laureatı.

Həyat və fəaliyyəti[redaktə | əsas redaktə]

Kərim Qasımov 5 noyabr 1946-cı ildə Naxçıvan rayonunun (indiki Babək rayonu) Cəhri kəndində qulluqçu ailəsində anadan olmuşdur.

Təhsili[redaktə | əsas redaktə]

1953-cü ildə Cəhri kənd orta məktəbinin birinci sinfinə daxil olmuş, 1963-cü ildə Naxçıvan şəhərindəki 2 nömrəli orta məktəbi bitirmişdir.

Azərbaycan kənd təsərrüfatı institunu, Sovet İKP MK yanında Moskva İctimai Elmlər akademiyasının Bakı filialını və Marksizm-Leninizm kurslarını bitirmişdir.

İş fəaliyyəti[redaktə | əsas redaktə]

1966-1967-ci illərdə Naxçıvan sovxoz şərabçılıq trestində mühəndis mikrobioloq vəzifəsində işləmişdir. 1968-ci ilin martında Naxçıvan MSSR Nazirlər Sovetinin təşkilat təlimat şöbəsində təlimatçı vəzifəsinə təyin olunmuşdur.

1972-ci ildə Nazirlər soveti sədrinin köməkçisi vəzifəsinə, 1973-cü ildən isə Naxçıvan MSSR Nazirlər soveti işlər idarəsinin müdiri vəzifəsinə irəli çəkilmişdir.

1979-cu ilin yanvarında Azərbaycan KP MK bürosunun qərarı ilə yeni yaradılmış Babək rayonunun səriştəli və bacarıqlı kadrlarla möhkəmləndirilməsi məqsədilə həmin rayonun Xalq deputatlar Soveti İcraiyyə Komitəsinin sədri vəzifəsinə göndərilmşdir.

Kərim Qasımov 1985-1989-cu illərdə Dövlət aqrar sənaye komitəsində şöbə rəisi, 1990-1991-ci illərdə isə Naxçıvan MR Nazirlər kabineti yanında aqrar sənaye sahələrinə dövlət nəzarəti idarəsinin rəisi vəzifələrində işləmişdir. O bu vəzifələrdə işlərkən aqrar sahənin idarə olunmasında və məhsul istehsalında mütərəqqi metodların tətbiqində və islahatların həyata keçirilməsində müstəsna rol oynamışdır.

Kərim Qasımov 1991-ci ilin iyun ayınnda Naxçıvan MR Meliorasiya və Su təsərrüfatı naziri vəzifəsinə irəli çəkilmiş və 2001-ci ilin oktyabr ayınadək həmin vəzifədə işləmişdir.O bu vəzifədə də uğurlu fəaliyyət göstərmiş,muxtar respublikada torpaqların meliorasiyası və suvarma suyu ilə təminatının yaxşılaşdırılması istiqamətində səmərəli tədbirlər həyata keçirmişdir.

Kərim Qasımov Meliorasiya və Su təsərrüfatı naziri vəzifəsində işlədiyi bütün müddət ərzində Araz çayının su və enerji ehtiyatlarından istifadə üzrə Azərbaycan və İran hökumətlərarsı birgə komissiyanın üzvü olmuşdur. Kərim Qasımov hazırda dövlət qulluğu təqaüdçüsüdür.

Mükafat və təltifləri[redaktə | əsas redaktə]

Kərim Qasımov SSRİ Ali Soveti rəyasət heyətinin qərarı ilə “Əməkdə fərqlənməyə görə” medalı ilə təltif edilmişdir. X çağırış Naxçıvan MSSR Ali Sovetinin, dəfələrlə Naxçıvan şəhər, Babək və Culfa rayon sovetlərinin deputatı seçilmişdir.

Ailəsi[redaktə | əsas redaktə]

Ailəlidir. 3 övladı, 8 nəvəsi, 2 nəticəsi var.

İstinadlar[redaktə | əsas redaktə]

Ədəbiyyat[redaktə | əsas redaktə]

  • Naxçıvan Ensiklopediyası. Bakı. 2002. səh. 264.