Kaliforniya Azərbaycan Dostluq Assosiasiyası

Vikipediya, azad ensiklopediya
Jump to navigation Jump to search
Kaliforniya Azərbaycan Dostluq Assosiasiyası
KADA (ing. CAFA)
ing. California Azerbaijan Friendship Association
Növü assosiasiya
Yaranma tarixi 20 dekabr 2017
Mərkəzi Kaliforniya, ABŞ ABŞ

Kaliforniya Azərbaycan Dostluq Assosiasiyası (ing. California Azerbaijan Friendship Association) və ya qısaca KADA (ing. CAFA) – ABŞ-ın Kaliforniya ştatında yaşayan azərbaycanlılar tərəfindən yaradılmış təşkilat. Azərbaycanlılarının yaratdığı və bütün ştatı əhatə edən ilk təşkilatdır. Əsas məqsədi Kaliforniyada yaşayan şimallı-cənublu bütün azərbaycanlıları, o cümlədən buradakı Azərbaycanın çoxlu sayda dostlarını birləşdirmək və Azərbaycanla Kaliforniya arasında ən müxtəlif sahələrdə əlaqələri daha da gücləndirməkdir.[1]

Təşkilat 20 dekabr 2017-ci ildə təsis edilmişdir. Assosiasiyanın təsis olunması dekabrın 20-də Los-Anceles şəhərində keçirilən, 200-dək qonağın qatıldığı geniş tədbir vasitəsilə elan olunub. Tədbirdə Azərbaycan icmasının üzvləri ilə yanaşı, Kaliforniya ştat senatorları, şəhər merləri, şəhər şuralarının üzvləri, diplomatlar, tanınmış elm xadimləri (o cümlədən Nobel mükafatçısı Arieh Uorşel), yəhudi, türk, Pakistan, İran, Cənubi Koreya, Vyetnam və latino icmalarının rəhbərləri iştirak ediblər.[1]

Təşkilatın icraçı direktoru Kimiya Məmmədovadır. Təşkilat fərdi ianələr hesabına maliyyələşir.[1]

İstinadlar[redaktə | mənbəni redaktə et]

  1. 1 2 3 "Kaliforniya Azərbaycan Dostluq Assosiasiyası təsis edildi – FOTO". Oxu.az (azərb.). 25 dekabr 2017 tarixində arxivləşdirilib. İstifadə tarixi: 25 dekabr 2017.