Kalininqrad stadionu

Vikipediya, açıq ensiklopediya
Jump to navigation Jump to search
Kalininqrad stadionu
Kaliningrad stadium - 2018-04-07.jpg
Qeyri-rəsmi adı Baltika Arena
Yeri Kalininqrad
Təməli qoyulub 2015
Tikilib 2018 [1][2]
Açılma tarixi 11 aprel 2018
Tikinti xərcləri 257 milyon
Tamaşaçı tutumu35016 (rəsmən)[3]
33973 (2018 FİFA Dünya Kuboku)
Ev sahibi komandaBaltika Kalininqrad FK
Meydançanın ölçüləri105 x 68
Commons-logo.svg Vikianbarda əlaqəli mediafayllar

Kalininqrad stadionu, digər adı ilə Baltika ArenaRusiyanın şəhəri Kalininqradda yerləşən stadiondur. Stadion 2018 FİFA Dünya Kubokunun 4 oyununa ev sahibliyi etmişdir. Baltika Kalininqrad klubu da öz ev oyunlarını burada keçirir.

Stadion iki mərtəbəlidir və ultramodern təhlükəsizlik sistemləri ilə təchiz olunmuşdur. Bu layihə Almaniyada 2006 FİFA Dünya Kubokunun 6 oyununa ev sahibliyi etmiş Allianz Arenanın konsepsiyası üzərində qurulub. Layihənin dəyəri təxminən 11 milyard rubl nəzərdə tutulmuşdu, lakin bununla müqayisədə daha çox qiymətə başa gəldi. Stadionda ilk matç 11 aprel 2018-ci ildə oynanıldı. Mundialdan sonra stadionun tamaşaçı tutumu 25000-ə qədər azaldılacaq və dam içəri doğru sürüşdürüləcək.

Tarixi[redaktə | əsas redaktə]

2012-ci ilin aprelində yerli hökumət stadionun layihəsini hazırlamaq üçün Fransız arxitektural bürosu Wilmotte & Associes-i seçdi. Proyektin dəyəri 720 milyon dollar idi. Bunun yarısı federal büdcə, digər yarısı isə yerli büdcədən ödənəcəkdi. İnşaat qısa bir vaxt sonra başladı. Qeyd edək ki, mundialdan sonra stadionun tamaşaçı tutumu azaldılaraq 25000 ediləcək. Bu azalmanı uyğunlaşdırmaq üçün damın bir hissəsi çıxarıldı.

2012-ci ilin oktyabrından sonunda yerli hakimiyyət orqanları stadionun layihəsinin seçilməsi üçün açıq müsabiqə keçirmişdir. Qalib Mostovik oldu. 2013-cü ilin başlarında, Mostovik Baltika Arena adlandırdığı stadionun çertyojunu yayımladı.

Stadionun havadan fotosu, 2017-ci ilin mayı

2014-cü ilin iyununda Omsk Arbitraj Məhkəməsi "Mostovik" şirkətinin iflas etdiyini bildirdi və şirkətlə bağlanan müqavilənin ləğvi başlandı. 1 aprel 2014-cü ildə hökumət tərəfindən dərc edilən əmrə görə, Rusiya İdman Nazirliyinin inşaatda tək təmsilcisi ZAO "Crocus International" şirkəti oldu. Kalininqrad vilayəti ilə Crocus International şirkəti arasında müqavilə "stadionun dizaynı üzrə layihəni gücləndirmək və iş sənədlərini hazırlamaq üçün" imzalanıb.[4]

2015-ci il iyunun 10-da stadion layihəsinin dövlət ekspertizasına göndərildiyi bildirildi. İyunun 20-sində layihə qəbul olunaraq ictimaiyyətə təqdim edildi.[5]

Əvvəlcə regional orqanlar şəhərin mərkəzində, mövcud Baltika Stadionunun yerinə yeni idman komplekslərinin tikilməsi ilə bağlı seçimi nəzərdən keçirmişlər. Və sonda stadionun yerinin Oktyabrski adası olması bəlirləndi. Burada tez-tez daşqınların baş verəcəyini nəzərə alaraq layihəyə daha çox investisiya yatırıldı.[6]

10 avqust 2015-ci ildə stadionun adının Kalininqrad stadionu olacağı barədə ictimaiyyətə xəbər verildi.

İnşa[redaktə | əsas redaktə]

Torpaq sıxma 2014-cü ilin dekabrında başa çatdı. İnfrastrukturun tikintisinə hazırlıq işləri 2015-ci ilin yanvar ayında başlamışdır. Stadionun təməlinin qoyulması üçün test prosesləri həmin ilin iyulundan başlayıb.

Oktyabrski adasında konsolidasiya və drenaj işləri[redaktə | əsas redaktə]

Təbii zəif torpaqlar sabitləşdirilib və 2016-cı ilin sentyabrına qədər 43.75 hektar olan ərazidə iş tamamlanmışdır. 33,85 hektarın 20,02 hektarlıq ərazisində torpaq doldurulmuş və sıxılmışdır.

Qazıntı zamanı topoqrafik tədqiqatda qeyd olunmayan bəzi müharibədən əvvəlki binaların infrastrukturu aşkar edilmişdir. Bu məsələlər sürətlə həll olundu. Layihə, Oktyabrski adasından və prospektdən keçən Şərq keçidinin tikintisini əhatə edir.

2018 FİFA Dünya Kuboku zamanı[redaktə | əsas redaktə]

Tarix Saat Komanda #1 Nəticə Komanda #2 Mərhələ Tamaşaçı sayı
16 iyun 2018 21:00  Xorvatiya 2–0  Nigeriya D qrupu 31136[7]
22 iyun 2018 20:00  Serbiya 1–2 İsveçrə İsveçrə E qrupu 33167[8]
25 iyun 2018 20:00  İspaniya 2–2  Mərakeş B qrupu 33973[9]
28 iyun 2018 20:00  İngiltərə 0–1  Belçika G qrupu 33973[10]

İstinadlar[redaktə | əsas redaktə]

  1. «Стадион Калининград» получил разрешение на ввод в эксплуатацию. Официальный портал Правительства Кalininqrad oblast // gov39.ru (23 mart 2018)
  2. В Калининграде официально введён в эксплуатацию стадион к ЧМ-2018. — Ближайший тестовый матч на новой арене состоится 11 апреля 2018 года. // regnum.ru (25 mart 2018 )
  3. Стадион «Калининград». — Всё о новой арене на острове Октябрьском. Интернет-портал «Калининград.ру» // kgd.ru
  4. Правительство Российской Федерации. "Распоряжение Правительства Российской Федерации от 28.03.2014 № 469-р". Официальный интернет-портал правовой информации (1 aprel 2014). 5 mart 2019 tarixində arxivləşdirilib.
  5. "Представлен макет стадиона к ЧМ-2018 в Калининграде". sport-express.ru (20 iyul 2015).
  6. "Определено место строительства стадиона в Калининграде для ЧМ-2018". svoboda.org (7 dekabr 2014).
  7. "Matç hesabatı – D qrupu – Xorvatiya - Nigeriya" (PDF). FIFA.com. Fédération Internationale de Football Association (16 iyun 2018).
  8. "Matç hesabatı – E qrupu – Serbiya - İsveçrə" (PDF). FIFA.com. Fédération Internationale de Football Association (22 iyun 2018).
  9. "Matç hesabatı – B qrupu – İspaniya - Mərakeş" (PDF). FIFA.com. Fédération Internationale de Football Association (25 iyun 2018).
  10. "Matç hesabatə – Group G – İngiltərə - Belçika" (PDF). FIFA.com. Fédération Internationale de Football Association (28 iyun 2018).