Kamal İbrahimov

Vikipediya, azad ensiklopediya
Naviqasiyaya keçin Axtarışa keçin
Kamal İbrahimov
Kamal Mirsahib oğlu İbrahimov
Doğum tarixi (50 yaş)
Doğum yeri Bakı, Azərbaycan SSR, SSRİ
Vətəndaşlığı Azərbaycan Respublikası
Milliyyəti Azərbaycanlı
Təhsili Azərbaycan Dövlət İqtisad Universiteti
Fəaliyyət illəri 1995- davam edir

Kamal İbrahimov (29 noyabr 1973, Bakı, Azərbaycan SSR, SSRİ) — "Baku Steel Company" QSC-nin Baş direktoru və "Qala Həyat Sığorta" ASC və "Qala Sığorta" şirkətlərinin Direktorlar Şurasının sədri, iqtisad elmləri namizədi.[1]

Həyatı[redaktə | mənbəni redaktə et]

Kamal İbrahimov 29 noyabr 1973-cü ildə Bakı şəhərində anadan olub. Atası İbrahimov Mirsahib, anası isə Səadət Qəndilovadır.[2] Ailəlidir, üç övladı var.

Təhsili[redaktə | mənbəni redaktə et]

1980–1990-cı illərdə Bakı şəhəri, 134 saylı orta məktəbdə təhsil alıb və təhsilini gümüş medalla başa vurub. 1990–1995-ci illərdə Azərbaycan Dövlət İqtisad Universitetinin "İstehsalın iqtisadiyyatı və idarə edilməsi" fakültəsində ali təhsil alıb, universiteti fərqlənmə diplomu ilə bitirib. 1995–1999-cu illərdə ADİU-da aspirantura pilləsi üzrə təhsil alıb, 2000-ci ildə dissertasiya müdafiə edərək iqtisad üzrə fəlsəfə doktoru elmi dərəcəsinə yüksəlib. 2016-cı ildən Azərbaycan Dövlət İqtisad Universitetinin "Maliyyə və maliyyə institutları" kafedrasında elmlər doktoru proqramı üzrə doktorantura təhsili alıb.[3]

Əmək fəaliyyəti[redaktə | mənbəni redaktə et]

1995 −1997 — illərdə Bakı şəhəri, Yasamal rayonu üzrə Dövlət Vergi Müfəttişliyində dövlət vergi müfəttişi vəzifəsində çalışıb.

1997–2000-ci illərdə Baş Dövlət Vergi Müfəttişliyinin İri Vergi Ödəyiciləri ilə İş üzrə İdarəsində dövlət vergi müfəttişi, daha sonra böyük dövlət vergi müfəttişi vəzifələrində işləyib. 2000-ci ildə Azərbaycan Respublikası Vergilər Nazirliyinin İri vergi Ödəyiciləri və Xüsusi Vergi Rejimli Müəssisələrlə İş üzrə Baş İdarənin Vergiyə cəlbetmə şöbəsinin böyük dövlət vergi müfəttişi olub.

2000–2003-cü illərdə Azərbaycan Respublikasının Prezidenti yanında Qiymətli Kağızlar üzrə Dövlət Komitəsinin Qiymətli kağızlarla əməliyyatların tənzimlənməsi və nəzarəti şöbəsinin, daha sonra Hüquq departamentinin rəisi vəzifələrində çalışıb.

2003–2014-cü illərdə ASC "Standard İnsurance" Sığorta Şirkətinin İdarə Heyətinin sədri olub. 2006–2008-ci illərdə Azərbaycan Sığortaçılar Assosiasiyasının (ASA) Müşahidə Şurasının sədri kimi fəaliyyət göstərib.[4][5] 2011–2014-cü illərdə İcbari Sığorta Bürosunun Himayəçilər Şurasının sədri olub.

2014–2016-cı il ASC "Standard Insurance" Sığorta Şirkətinin Direktorlar Şurasının sədri və QSC "Bank Standard" Kommersiya Bankının Müşahidə Şurasının sədri kimi çalışıb.[6]

2016-cı ildən etibarən "Qala Həyat Sığorta" ASC və "Qala Sığorta" ASC-nin Direktorlar Şurasının sədri kimi fəaliyyət göstərir.[7]

2021-ci ildən həm də "Baku Steel Company" QSC-nin Baş direktorudur.[8][9][10]

Həmçinin bax[redaktə | mənbəni redaktə et]

İstinadlar[redaktə | mənbəni redaktə et]

  1. ""Baku Steel Company"nin baş direktoru vəzifəsinə təyin edilib". marja.az. 2021. 2022-09-01 tarixində arxivləşdirilib. İstifadə tarixi: 2 İyun 2022.
  2. "Azərbaycan Dövlət İqtisad Universitetinin əməkdaşlarının təltif edilməsi haqqında Azərbaycan Respublikası Prezidentinin 26 sentyabr 2011-ci il tarixli Sərəncamı" (az.). president.az. 26 sentyabr 2011, 18:40. 2021-05-11 tarixində arxivləşdirilib. İstifadə tarixi: 2015-06-11.
  3. UNEC. "Graduated Students". unec.edu.az. 2020. 2022-03-03 tarixində arxivləşdirilib. İstifadə tarixi: 6 iyun 2022.
  4. ""Conduction of international insurance forum in Baku proves interest of investors in our insurance market"". www.today.az. 2008. 2023-07-23 tarixində arxivləşdirilib. İstifadə tarixi: 1 İyun 2022.
  5. "I Azərbaycan Beynəlxalq Sığorta Forumu sığorta bazarını dəyişəcək - Sığorta Assosiasiyası idarə heyətinin sədri Kamal İbrahimov". az.trend.az. 2008. 2022-06-07 tarixində arxivləşdirilib. İstifadə tarixi: 1 İyun 2022.
  6. "Azərbaycan Sığortaçılar Assosiasiyası hər il Beynəlxalq Sığorta Forumu keçirməyi planlaşdırır– İdarə Heyətinin sədri". az.trend.az. 2008. 2022-06-07 tarixində arxivləşdirilib. İstifadə tarixi: 1 İyun 2022.
  7. ""Qala"ların rəhbərinə vəzifə verildi - TƏYİNAT". fed.az. 9 fevral 2021. 2021-02-10 tarixində arxivləşdirilib. İstifadə tarixi: 6 iyun 2022.
  8. "Management". www.bakusteel.com. 2021. 2021-10-07 tarixində arxivləşdirilib. İstifadə tarixi: 1 İyun 2022.
  9. ""Baku Steel Company" 140-dan artıq müharibə iştirakçısına xatirə hədiyyələri təqdim edib". report.az. 6 noyabr 2021. 2022-06-07 tarixində arxivləşdirilib. İstifadə tarixi: 6 iyun 2022.
  10. ""Baku Steel Company" 140-dan çox müharibə iştirakçısına xatirə hədiyyələri təqdim edib". oxu.az. 6 noyabr 2022. 2022-06-07 tarixində arxivləşdirilib. İstifadə tarixi: 6 iyun 2022.