Məzmuna keç

Kamal Soltanov

Vikipediya, azad ensiklopediya
Kamal Soltanov
Doğum tarixi 19 mart 1949(1949-03-19) (76 yaş)
Doğum yeri
Elm sahəsi riyaziyyat
Elmi dərəcəsi
İş yerləri
Təhsili
Üzvlüyü

Kamal Nəsir oğlu Soltanov (19 mart 1949, Kürdəmir) — azərbaycanlı riyaziyyatçı alim, riyaziyyat elmləri doktoru, professor. Azərbaycan Milli Elmlər Akademiyasının üzvü. 2006-cı ildə “Who`s who”, 2025-ci ildə isə “Who`s who in Science” kitablarına daxil edilib.

Həyatı

[redaktə | vikimətni redaktə et]

Kamal Soltanov 19 mart 1949-cu ildə Kürdəmirdə anadan olmuşdur. 1966-cı ildə Göyçay şəhər 1 saylı onbirillik məktəbi bitirib. 1966–1971-ci illərdə Bakı Dövlət Universitetində təhsil almışdır. Universiteti bitirdikdən sonra Azərbaycan Milli Elmlər Akademiyasının Riyaziyyat və Mexanika İnstitutunda fəaliyyətə başlamışdır. 1972-ci ildə Moskva Dövlət Energetika İnstitutunun aspiranturasına qəbul olmuş və 1975-ci ildə aspiranturanı uğurla başa vuraraq Azərbaycana qayıtmışdır. Daha sonra elmi fəaliyyətini Riyaziyyat və Mexanika İnstitutunda davam etdirmiş, namizədlik və doktorluq dissertasiyalarını müdafiə etmişdir.[1]

Elmi fəaliyyəti

[redaktə | vikimətni redaktə et]

Kamal Soltanov 120-dən çox elmi məqalənin müəllifidir. 1972-ci ilin noyabr ayında Moskva Dövlət Energetika İnstitutunun (MEİ) aspiranturasına daxil olub. 1971-ci ildə aspirantura səviyyəsini bitirib, Azərbaycan EA-nın Riyaziyyat və Mexanika İnstitutuna qayıdıb.1976-cı ildə fizika-riyaziyyat elmləri namizədi elmi dərəcəsi alaraq 2003-cü ilə qədər Azərbaycan Milli Elmlər Akademiyasıda işləyib. 1992-ci ilin yanvar ayında yeni dissertasiya işini Lomonosov adına Moskva Dövlət Universitetinin Elmi Şurasına təqdim edib və 1993-cü ildə müdafiə edib. 1996–2003-cü illərdə yeni açılmış "Qeyri-xətti Analiz" şöbəsinin müdiri işləyib. 1994–1997-ci illər arasında İNTAS-ın üçillik layihəsində Cənubi Qafqaz dövlətləri üzrə rəhbər vəzifəsində çalışıb. 2000-ci ildə professor elmi dərəcəsini alıb. 2003–2016-cı illərdə Hacettepe Universiteti də (Ankara, Türkiyə) Prof. Dr. işləyib.[2] 2011–2014-cü illərdə Türkiyə–Ukrayna üçillik birgə çalışma layihəsində layihə rəhbəri kimi işləyib. 2018–2020-ci illərdə İğdır Universitetində (İğdır, Türkiyə) Prof. Dr. işləyib.[3]

Riyaziyyatçı kimi əldə etdiyi yeniliklər

[redaktə | vikimətni redaktə et]
  • Yeni bir qeyri-xətti metrik fəzalar sinfi müəyyən edilməsi, onların xassələri, Lebeq, Sobolev və Orliç-Sobolev fəzaları ilə əlaqələrinin araşdırılması. Bu sinif fəzaların qeyri-xətti diferensial tənliklərin həllər sinfi olduğu göstərilməsi və s. Prandtl-von Mizes tənliyinin həllinin varlığı və sinfinin göstərilməsi.
  • Yeni sabit nöqtə teoremlərinin isbatlanması və onlarin bilinən bu tip nəticələrdən daha geniş operatorlar sinifləri üçün tətbiq edilə biləcəyinin göstərilməsi və s.
  • Qeyri-xətti tənliklərin normal həll oluna bilməsini öyrənmək üçün yeni yöntəmin verilməsi və tətbiqi.
  • Navier-Stokes tənliyinin zəif həllinin nə zaman tək olacağını göstərən yetərli şərtlərin əldə edilməsi və onlardan istifadə edərək təklik teoreminin isbat edilməsi.
  • Neuro-net və Rimann problemi ilə bağlı bir neçə problemin araşdırılması.
  • Xərçəng xəstəliyinin yayılması ilə bağlı yeni riyazi model verib onun davranışının araşdırılması və s.[1]

Beynəlxalq fəaliyyəti

[redaktə | vikimətni redaktə et]

2003-cü ildə Kamal Soltanov Türkiyənin Hacettepe Universitetinə dəvət edilmiş və burada 13 il çalışmışdır.[4] Daha sonra, 2018–2020-ci illərdə Türkiyənin İğdır Universitetində tədqiqatlarını davam etdirmişdir.[5]

Əsas nailiyyətlər

[redaktə | vikimətni redaktə et]
  • 120-dən çox elmi məqalənin müəllifi.[6][7]
  • "Navye-Stoks" tənliklərinin həllini tapması, bu problemin riyaziyyat elminin tarixinə düşməsinə səbəb olmuşdur.[8][9][3]

Redaktorluq fəaliyyəti

[redaktə | vikimətni redaktə et]
  • “Set-Valued Mathematics and Applications” jurnalının baş redaktoru (2018–)
  • “Turkic World Mathematical Society (TWMS) Journal of Pure and Applied” jurnalının redaksiya heyətinin üzvü (2015–)
  • Azərbaycan Milli Elmlər Akademiyasının “Transactions” jurnalının redaksiya heyətinin üzvü[10]
  • Azərbaycan Milli Elmlər Akademiyasının Riyaziyyat və Mexanika İnstitutunun (IMM) “Proceedings” jurnalının redaksiya heyətinin üzvü[11]
  • Central European Journal of Mathematics (Open Math.) jurnalının redaksiya heyətinin üzvü (2014–2020)
  • “Hacettepe J. of Math. & Statistics” jurnalının redaksiya heyətinin üzvü (2006-2013)

Jurnallarda rəyçilik

[redaktə | vikimətni redaktə et]
  • Mathematical Notes (Mathematical Notice)
  • Siberian Mathematical Journal
  • Hindawi Publishing Corp.-ın bəzi jurnallarında
  • “Elsevier”in bəzi jurnallarında[12]
  • “Springer”in bəzi jurnallarında[12]
  • Turkish Journal of Mathematics
  • Hacettepe Journal of Mathematics and Statistics

Mükafatları

[redaktə | vikimətni redaktə et]
  • Azərbaycan və SSRİ Elmlər Akademiyasının fəxri təltifləri – Qeyri-xətti analiz və qeyri-xətti sərhəd məsələləri sahəsində nailiyyətlərinə görə (1977–1989)
  • Səlcuq Universitetinin (Konya, Türkiyə) Fəxri Tədqiqat Mükafatı (1998, 1999)
  • WIAS - Berlin mükafatı (1997)
  • Azərbaycan Respublikasının Fəxri Fərmanı ilə təltif edilmişdir.

İstinadlar

[redaktə | vikimətni redaktə et]
  1. ↑ 1 2 Goychay Ensiklopediyası. "Soltanov, Kamal Nəsir oğlu." Əldə edilib: https://goychay-encyclopedia.az/soltanov-kamal-n%C9%99sir-oglu/ Arxiv surəti 21 iyul 2024 tarixindən Wayback Machine saytında (12 dekabr 2024).
  2. ↑ "Prof. KAMAL SOLTANOV | AVESİS". avesis.hacettepe.edu.tr. İstifadə tarixi: 2025-03-04.
  3. ↑ 1 2 "Emekli Öğretim Üyemiz Soltanov, Binlerce Yıldır Bulunamayan Denklemi Çözerek Üniversitemizi Gururlandırdı!". Iğdır Üniversitesi (ingilis). 2024-12-06. İstifadə tarixi: 2025-03-04.
  4. ↑ Kamal Soltanov — Hacettepe Universiteti Akademik Profil
  5. ↑ Əməkdar müəllimimiz Soltanov min illərdir həll olunmayan tənliyi həll edərək universitetimizi qürurlandırdı
  6. ↑ "Kamal SOLTANOV | Professor (Full) | Dr Sci., Full Prof. | Institute of Mathematics and Mechanics National Academy of Sciences of Azerbaijan, Baku | Department of Mathematics | Research profile". ResearchGate (ingilis). İstifadə tarixi: 2025-03-04.
  7. ↑ "Kamal Soltanov". scholar.google.com. İstifadə tarixi: 2025-03-04.
  8. ↑ "Azərbaycanlı professor uzun illər həlli tapılmayan tənliyin öhdəsindən gəlib". Oxu.az (az.). İstifadə tarixi: 2025-03-04.
  9. ↑ "Kamal Soltanov dünya alimlərinin minillərdir tapa bilmədiyi "Navye-Stoks bərabərliyi"ni həll edib". www.tehsil.biz. İstifadə tarixi: 2025-03-04.
  10. ↑ "Transactions issue Mechanics Series of physical-technical & mathematics science Azerbaijan National Academy of Science". transmech.imm.az. İstifadə tarixi: 2025-03-04.
  11. ↑ "Editorial Board — Proc. Inst. Math. Mech". proc.imm.az. İstifadə tarixi: 2025-03-04.
  12. ↑ 1 2 "ORCID". orcid.org. İstifadə tarixi: 2025-03-04.

Xarici keçidlər

[redaktə | vikimətni redaktə et]
Mənbə — "https://az.wikipedia.org/w/index.php?title=Kamal_Soltanov&oldid=8057553"